ليه ياميش رمضان ؟

[shaddadfalcon1]

حاجه نفسي افهمها
ايه اللي في رمضان مش موجود في باقي الشهور
بناكل 3 طقات في كل الشهور وفي رمضان بناكل طقتين بس ومع ذلك استهلاك الأكل بيذييييييييييييد بغباء

من دلوقتي ومن اكتر من اسبوع زحمه رهيييييييييبه في كل الهايبر ماركتس والناس عماله تحول ياميش وحاجات رمضات بغباء

مش هنقول بلاش تجيبو بس علي الأقل هاتو اول باول مش زلام تعملو زجمه غبيه وتصنعو ازمه من مفيش

مش لازم كل الفلوس دي تتصرف علي البطون وفي الوفات بيباتو من غير عشا

انا والله ماجبت اي حاجه ولا هجيب ان شاء الله الا اذا احتجت

انا كنت لسه في السوبر ماركت بعد العشا ولقتي شوية حاجات محطوته اقل حاجه ب 7 جنيه اللي هي يادوب متقعدش يوم يعني كل بيت عايزله مش اقل من 50 جنيه شوية حاجات هبله في اليوم ونرجع تقول الأجور والفلوس ومفيش

[ahmad--ezzat]

الشيشه الرمضانيه برضه والمسلسلات الرمضانيه والفوازيروالياميش والقطايف بالاضافه الي السحور الراقص هههه

عادات منيله بنيله


هههههه مش فاهم في ايه...اتقوا الله ياعالم

وفعلا انا مجبتش اي حاجه برضه والمصاريف عاديه الحمد لله

[SYD]

شوف حضرتك
في عادات لازم نحترمها لسبب
اولا الأطفال بتفرح بالحاجات دي وماتقنعنيش انك ماشوفتش الكلام دة في بيت والدك
ثانيا دي مواسم ومش كل شهر بنعمل كدة

الي بيكلمك دة الأول ماجبش غير حاجات بسيطة جدا من حاجات رمضان - لحسن تفتكر اني جبت شوال بلح وطن مكسرات

بس الواحد بيقول الي ليه والي عليه
في مواسم بيتعمل فيها حاجات ولازم تتعمل عشان في ناس مالهاش ذنب وبتفرح بالحاجات دي حتي لو مش بتاكلها

عايز اقولك اني في بيتي بنعمل الكنافة وانا بس الي باكل منها وممكن كمان تبات كذا يوم وبردو بنعمل ومش بنبطل عمايل

اول رجب - نص شعبان - يوم عاشوراء - العيد الصغير - العيد الكبير - يوم الجمعة

كل دي مواسم وكل موسم وليه حاجته

وفي نفس الوقت ربنا قال
وكلوا واشربوا ولا تسرفوا

ودة مبدأ بعمل بيه

بس ولادي لازم يشوفوا الخير في بيت ابوهم وعينيهم تبقي مليانة

[FunnyMickey]

الحمد لله ممعاييش فلوس اصلا عشان اشتري
هههههههههههههه

احلي حاجه في رمضان انه مبيجيش اول الشهر

أحبيبي ارمضان

[engtmk]

المفروض اسمه يتغير من ياميش الي مافيش

ماهو اصلي نايم علي تل

خلص المفيش يطلعلي هدووم العيد خلصينا من العيد يجي ايه كل سنه وانت طيب عيد الاضحي

عايزين نضحي وده عيد بيجي كل سنه ياراااااجل لا عشان خاطري يجي كل يوم

كله هات هات هات حته الخد طلعت شتايم وبونيات

احمدك يارب

[shaddadfalcon1]

شوف حضرتك
في عادات لازم نحترمها لسبب
اولا الأطفال بتفرح بالحاجات دي وماتقنعنيش انك ماشوفتش الكلام دة في بيت والدك
ثانيا دي مواسم ومش كل شهر بنعمل كدة

الي بيكلمك دة الأول ماجبش غير حاجات بسيطة جدا من حاجات رمضان - لحسن تفتكر اني جبت شوال بلح وطن مكسرات

بس الواحد بيقول الي ليه والي عليه
في مواسم بيتعمل فيها حاجات ولازم تتعمل عشان في ناس مالهاش ذنب وبتفرح بالحاجات دي حتي لو مش بتاكلها

عايز اقولك اني في بيتي بنعمل الكنافة وانا بس الي باكل منها وممكن كمان تبات كذا يوم وبردو بنعمل ومش بنبطل عمايل

اول رجب - نص شعبان - يوم عاشوراء - العيد الصغير - العيد الكبير - يوم الجمعة

كل دي مواسم وكل موسم وليه حاجته

وفي نفس الوقت ربنا قال
وكلوا واشربوا ولا تسرفوا

ودة مبدأ بعمل بيه

بس ولادي لازم يشوفوا الخير في بيت ابوهم وعينيهم تبقي مليانة

ياباشا والله ماكان في الكلام ده
اخرنا قبل رمضان باسبوع نجيب صفحية الجبنه وبرطمان زيتون اسود وكل اسبوع نجيب كنافه وقطايف وخلاص لان لما بنجيبها مش بناكلها اصلا عشان بندبها في الفطار وبننام عليها

ورمضان ده اول رمضان اقضيه انا ومراتي وولادي لوحدي عشان في القاهره وان شاء الله مش هجيب اي حاجه وهقضيها يوم بيوم وخلاص

انا بتلكم علي الناس اللي بتلاقيها داخله الماركت وطالعه محمله ودافعه مش اقل من 500 ولا 1000 جنيه في تمر وياميش وقمر الدين

[hossam_elwani]

حاجه نفسي افهمها
ايه اللي في رمضان مش موجود في باقي الشهور
بناكل 3 طقات في كل الشهور وفي رمضان بناكل طقتين بس ومع ذلك استهلاك الأكل بيذييييييييييييد بغباء

من دلوقتي ومن اكتر من اسبوع زحمه رهيييييييييبه في كل الهايبر ماركتس والناس عماله تحول ياميش وحاجات رمضات بغباء

مش هنقول بلاش تجيبو بس علي الأقل هاتو اول باول مش زلام تعملو زجمه غبيه وتصنعو ازمه من مفيش

مش لازم كل الفلوس دي تتصرف علي البطون وفي الوفات بيباتو من غير عشا

انا والله ماجبت اي حاجه ولا هجيب ان شاء الله الا اذا احتجت

انا كنت لسه في السوبر ماركت بعد العشا ولقتي شوية حاجات محطوته اقل حاجه ب 7 جنيه اللي هي يادوب متقعدش يوم يعني كل بيت عايزله مش اقل من 50 جنيه شوية حاجات هبله في اليوم ونرجع تقول الأجور والفلوس ومفيش

عشان حكومات البيت تقول هات هات هات هات هات ؟؟؟؟؟؟؟؟؟؟؟

[rompo10]

اهو حاجه بقي احنا هانبدا الصيام الساعه 3 ونفطر 7 حد يقولي هانعمل ايه هانعمل ايه هانعمل ايه

[FunnyMickey]

انا سامع اشاعات قويه جدا بتقول ان خلال ايام سيتم الافراج عن حسني مبارك عفو مؤقت
يمسك فيه البلد خلال شهر رمضان بس

يرجع تأخير الساعه
وبقدره قادر يخلي الشمس تروح عليها نومه متطلعش
ويحصل زحمه علي كوبري زحل القمر ميعرفش يروح مكانه عشان في كوكب عامل حادثه والنجوم كلها ادلقت منه عالارض والطريق واقف

ويخلي رمضان اسبوع والعيد 25 يوم

بس

[shaddadfalcon1]

اهو حاجه بقي احنا هانبدا الصيام الساعه 3 ونفطر 7 حد يقولي هانعمل ايه هانعمل ايه هانعمل ايه

بس متفكرنيش انا بفطر اي حاجه وباجي علي الساعه 1 الظهر ببقي خلاص مش قادر وبطني بتوجعني ودماغي بتصدع من الجوع وببقي عايز حدي يكاركلي عشان اقدر اتكلم

[MohammedAladel]

والله الموضوع دا فعلا بيضايقنى والناس فعلا حاجة بشعة فى التفكير إيه دا يا أخى الأكل الأكل الأكل عادات زفت وأنا فعلا بستغرب الناس تقول دا رمضان داخل ويستعدوا كأنهم داخلين حرب أطاليا يا لهووووووووووووووووووووووى ايه الدلع الماسخ دا ههههههههه رمضان وجبة واحدة ! وكل سنة أزمة رمضان والغلاء أصل المسلمين صايمين يانهار أبيض يحسسك إن اللى صايمين دول أول ما يفطروا هياكلوا بعض ربنا يرحمنا برحمته أنا شايف إن المفروض الاستهلاك هيقل فى رمضان بجميع الجوانب لكن فعلا الناس هى اللى بتختلق الأزمات دا حتى عندنا هنا فى البلد الناس لما رمضان يقرب يبتدوا يحرسوا الزراعة بتاعتهم والحيوانات اللى بيربوها عشان قال إيه : السرقة بتكتر ! طب ليه ؟ أصل رمضان داخل حسبى الله ونعم الوكيل

[friendship7897]

يا أخواني
رمضان كريم - وخيره كتير
وحماتي هتيجي لي يوم - يعني لازم أوريها الشطارة كلها في المشاوي والمحاشي وقمر الدين والحلويات بالمكسرات من قطايف وكنافة وبسبوسة واللذي منه
وطبعاً مامتي هتجيلي هي كمان - ومامتي مش أقل من مامتك وهعملها نفس التشكيلة .
وأكيد حد من الأقارب أو المعارف هيعزمنا وهضطر نعزمه وهو دا اللي بيخلي الواحد بشتري - وهو أحنا لو ما طلبناش إلا يوم بيومه - أنتوا يا راااااجال هتقولوا وأنت ما طلبتيش من الأول ليه - جيه تطلبي دلوقتي ، وكمان لو السفرة طلعت ناقصة - هيكون تعليقكم - ليه السفرة مش أد كدة .
وغير كدة دي عادات أتعودنا عليها من زمااااان وليها ذكريات - فلازم نسيب ذكريات لولادنا يفتكروها .
دا أنا بشم رائحة الكعك والغريبة والبيتيفور آخر عشر أيام من رمضان رغم إن ما فيش حد من الجيران بيعمله ( لأنها ذكريات ) - وبكون حزينة إني مش بعمل لولادي الذكريات بتاعة الكعك دي لأني للأسف معنديش وقت .

[MohammedAladel]

ومع ذلك برضه رمضان إستهلاك أقل :) وبعدين مش لازم البيت يتقلب فرن عشان خاطر الذكريات الشئ لما يزيد عن حده يتقلب ضده

[Mohab.Nabil]

على فكرة برضه يا جماعة

اللى بيشترى كميات كبيرة اوى كده مش لازم يكون بيشتريها لنفسه و لبيته بس

و كل سنة و الامة الاسلامية بخير

و ان شاء الله السنة الجاية البلد يكون وضعها احسن

[SYD]

يا أخواني
رمضان كريم - وخيره كتير
وحماتي هتيجي لي يوم - يعني لازم أوريها الشطارة كلها في المشاوي والمحاشي وقمر الدين والحلويات بالمكسرات من قطايف وكنافة وبسبوسة واللذي منه
وطبعاً مامتي هتجيلي هي كمان - ومامتي مش أقل من مامتك وهعملها نفس التشكيلة .
وأكيد حد من الأقارب أو المعارف هيعزمنا وهضطر نعزمه وهو دا اللي بيخلي الواحد بشتري - وهو أحنا لو ما طلبناش إلا يوم بيومه - أنتوا يا راااااجال هتقولوا وأنت ما طلبتيش من الأول ليه - جيه تطلبي دلوقتي ، وكمان لو السفرة طلعت ناقصة - هيكون تعليقكم - ليه السفرة مش أد كدة .
وغير كدة دي عادات أتعودنا عليها من زمااااان وليها ذكريات - فلازم نسيب ذكريات لولادنا يفتكروها .
دا أنا بشم رائحة الكعك والغريبة والبيتيفور آخر عشر أيام من رمضان رغم إن ما فيش حد من الجيران بيعمله ( لأنها ذكريات ) - وبكون حزينة إني مش بعمل لولادي الذكريات بتاعة الكعك دي لأني للأسف معنديش وقت .

دة بالظبط الي انا اقصده
الحلويات وقمر الدين والكنافة ولمة الأسرة علي الفطار بتفرح الولاد وبتسيبلهم زكريات
كذلك الكحك والبسكويت والذي منه
داحنا يا كبار بنفرح ما بالك بالأطفال ؟؟

ايتمهم وانا عايش علي وش الدنيا

طب اقول لحضرتك علي حاجة
انا السنة الي فاتت جبت فانوس رمضان قبل رمضان باسبوع او عشر ايام
اتكسر في خلال نص ساعة
كنت فرحان جداً وانا بشتريه ووانا برميه
هكذا رمضان الي قبله
هكذا اللعب

والله اللعب بشتريها بالميات وبتتكسر في خلال يوم او يومين
هقول بقي انا مرتبي في كام 100 والأسراف والكلام دة ؟؟

طالما حاجة بتفرح الولاد

الدنيا وما فيها

ومع ذلك برضه رمضان إستهلاك أقل :) وبعدين مش لازم البيت يتقلب فرن عشان خاطر الذكريات الشئ لما يزيد عن حده يتقلب ضده

مين قال رمضان استهلاكه اقل ؟؟؟
اه الواحد بياكل مرتين فقط - لكن ماينفعش في رمضان تقضيها اورديحي
ولازم حلويات ومشروبات تعوض ساعات الصيام

ومحدش قال يقلب البيت فرن
بس يبدو ان حضرتك مش متجوز