محلات لايجار الفساتين الافراح

[bmya]

السلام عليكم ورحمه الله وبركاته

سؤال حريمي شويه ياريت حد من اخوتنا في المنتدى يفيدني
عاوز محلات لايجار فساتين افراح تكون محترمه واسعارها معقوله
وياترى رينج الاسعار ايه اصل انا لفيت كام لفه في عباس العقاد كده اقل حاجه شفتها 4000 فيرست ربنت
ياترى الاسعار دي صح ولا استهبال

[ahmad--ezzat]

مدينه نصر حراميه

في في الموسكي وف وسط البلد محلات كتير وكبيره

ومتقلقش مش بيئه خالص :-)

[bmya]

مش مهم زوقي انا المهم زوق العروسه يا عم احمد ههههههههه

[A7MED_PHARMA]

4.000 ج ياشريف في ايجار فستان ؟

ليه يعني
هو الفستان بيكون بكام اساسا علشان يتأجر بالسعر ده ؟؟؟؟؟؟؟
يعني لو قسناها على العربيات
عربية بــ 100 الف .. بتتأجر بــ 200 ج في اليوم
يعني الفستان لازم يكون بــ 2 مليون بقا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان يتأجر بــ 4 الاف

[AboELsoud]

ياااااااااااااااه لسه كنت في الحوار ده بقالي اسبوع :)

بص يا سيدي احسن مكان شفته روكسي و هتلاقي محلات كتير و طبعا عبودي اشهرهم
و احسن اسعار شفتها محل (نورهان) في الشارع اللي قدام نادي هيليوبلس بعد عيادات التأمين الصحي على الشمال
و المحل حلو و الفساتين اللي فيه جميله

[bmya]

يا فارما ده احنا غلاااااااااابه يبني تعالى نفتح محل تأجير واحنا تلعب معانا اخر حاجه الحوار ده بيكسب دهب ومن الهواء يدوب تجبلك كام فستان وتأجرهم واديك شايف الايجارات عامله ازاي

[bmya]

ابو السعود باشا جيتلي برجلك طيب الله يكرمك قولي رنج الاسعار للفساتين الfirst rent عامله كام

[A7MED_PHARMA]

يا فارما ده احنا غلاااااااااابه يبني تعالى نفتح محل تأجير واحنا تلعب معانا اخر حاجه الحوار ده بيكسب دهب ومن الهواء يدوب تجبلك كام فستان وتأجرهم واديك شايف الايجارات عامله ازاي

والله فكرت فيها مرة
ودخلت على منتدى فتكات .. وشوفت أسعار الفساتين بكام جديدة

تقريبا الفستان بيجيب تمنه من أول تاجيره .. ويمكن أكتر من تمنه كمان هههههههههههههههه

[bmya]

ارخص فستان شوفته بيتباع كان ب 4000 طبعا ده سعر الزبون شوف التاجر بقه جايبه بكام وبيكسب كام يعني لو اجره ب 1500 يا سيدي يعني ثلاث مرات وتجيب تمنه وزياده وتبدأ تكسب من اول
والله مشروع زي الفل وبقه كتيير فحت عندنا

[azmeralda]

انت من الدقهلية معرفش العروسة تعرف تجى المنصورة ولا ايه
طبعا عندك شارع الترعةكله و الدراسات وعندك شارع فى طلخا قدام مكسيم هتلاقى 100 محل
اصحابى مأجرين فساتين جميلة من الأماكن دى اول لبسة بيبدأ من 700 واعتقد اقصى حاجة 1500

[Mahmoud Mosaad]

انت من الدقهلية معرفش العروسة تعرف تجى المنصورة ولا ايه
طبعا عندك شارع الترعةكله و الدراسات وعندك شارع فى طلخا قدام مكسيم هتلاقى 100 محل
اصحابى مأجرين فساتين جميلة من الأماكن دى اول لبسة بيبدأ من 700 واعتقد اقصى حاجة 1500

فعلا أنا كنت داخل أقول كدا
أنا فرحي كان في المحلة فالمنصورة كانت قريبة، شارع الترعة مليان محلات إيجار فساتين زفاف ومن أربع سنين كنت مإجر الفستان أول لبسة وكان يعتبر أغلاهم ب-1200 جنيه من قصر الملكة

[bmya]

Azmerlda
انا فعلا نمري دقهليه بس العروسه بقه مش دقهليه وصعب انها تيجي تختار من المنصوره بس برده هشوف كده
بس معقوله الاسعار اقصاها 1500 دول بتوع عباس العقاد دول حراميه اوي بقه دي اقل حاجه شوفتها كانت 4000 ومعرفش في فصال ولا ايه

[أبو صلاح]

روكسي من افضل الاماكن
انا كل لما اسمع عن مكان في القاهرة روحته علشان اتفرج وسمعت اسعار فلكية بحجة انه اول ايجار وده كلام فكسان
وفيه كل الاذواق اللي انت عايزها
والحد الاقصى تقريبا 1500 ج لفستان الفرح الابيض
فساتين الخطوبة 750 ج ويفضل تشتريها جديد احسن لان سعرها مقارب للايجار

عامة لازم تفاصل على قد كما تقدر بس المشكلة ان البياعين صايعين لما بيتأكدو ان الفستان هجب العروسة بيتنكو بغباء

[AboELsoud]

ابو السعود باشا جيتلي برجلك طيب الله يكرمك قولي رنج الاسعار للفساتين الfirst rent عامله كام

فساتين الفرح الصراحه مش عارف
فساتين الخطوبه بتبتدي من 700

لو افتكرت حاجه تاني هقوللك :)

[Nistelrooy]

ده فعلا مشروع يكسب دهب نفتح محل وناجرة مرتيين ولا تلاتة وبعدها نجيب تمنة :)