جرعات كافيين عالية ... موضوع عن أي منبه

[Eng.Geo]

صورة عظيمة
تصحي الصبح ماتبقاش حاسس بالدنيا
تجري عالمطبخ وتعمل أسطوانة كل يوم المحفوظة ... سواء قهوة أو شاي أو كاكاو أو كابوتشينو
الموضوع هنا بقي عن الأستفسارات عن أي حاجة
والأبداع في مجال المنبهات
هابدأ كدة عشان انا من النوع اللي بيزهق وبيحب التغيير
الشاي
جربت انواع كتير وأكتر حاجة عجبتني هي ahmad tea
طبعا معروف الشاي بيتعمل ازاي
ولكن كنت عايز أجربه بطرق تانية
كنت باحط الشاي ي كوباية وانزل عليه بالمية السخنة لغاية مابقيت أحط الشاي في البراد ... تقريبا هو ده الشاي الصعيدي أو المكمور
طعمه رهييييييييييب
وجربت أحط أحمد برضه وكان جامد جدا
اضافات بقي
أكتر أضافة بحبها هي القرنفل ... مزاااااااااااااااااج
قرنين قرنفل علي كوباية شاي يبقي أحلي دماغ

القهوة
ده موضوع كان ليها لو حد حابب يعرف

http://www.nilemotors.net/Nile/265814-a.html

وغير كدة ليها طرق تانية سواء تركي أو أمريكاني

النسكافيه
حسب مزاجي بقي
ممكن أعمله dark black زي ال american وبابقي مستمتع جدا
ممكن بلبن وممكن بcreamer و ممكن أعملها cappuccino
وفي مشروب كدة بس باعمله في الشتا بس عشان بيبقي صعب شوية
نسكافيه علي كاكاو علي قوة وعليهم لبن
كل واحد من دول بيبقي تقيل
ممكن أحط ال 3 حاجات في مج وانزل عليهم باللبن سخن
وممكن كل واحد يتعمل لوحده وبتبقي مصيبة ... حاول تنام بقي ... انا باشرب قهوة وانام عادي علي فكرة :)

عايز أفكار جديدة :)
فلنجعلها كافيين

[mohammedabdallh]

انا بكره بقى القهوه
فين وفين لما بشربها

[eng.octooo]

اى حاجة فيها قهوة هاتتشرب هاتتشرب :) ( واحشنى يا جيو والله )

بص القهوة السريعة بتاعتة كل يوم الصبح

معلقتين قهوة سريعة (هنتز) ومعلقتين كريمة ( بتاعة الحلويات مش الطبخ بتبقى من جهينة)

وسكر وعيش :)



الشاى احمد تى طبعا - و ليبتون النكهات المستورد مش المصرى

القهوة التركى : العميد - المحمصة الللبنانية

القهوة الامريكان او السريعة (الى احنا بنسميها نسكافية بس نسكافية دة اسم الشركة مش نوع القهوة) : شركة اللى -هنتز-مدريد-نسكافية

الكابتشينو واللاتيهات : اتيليان كومبانى - بونجور

الكريمير والاللبان : مش باستعملهم باستعمل كريمة الحلويات من جهينة طعمها احلى واغنى وليها ريحة مميزة



بالنسبة للافتكاسات فى الشاى او النكهات الى ممكن تحطها : انا باحب الميرامية تحححححححفة - القرنفل- الهيل (الحبهان) - النعناع - شريحة ليمون - والجديد دلوقتى ورق شجرة الليمون- عود قرفة بيخى طعمة خراااااافة

بس كدة كفاية :)

[aminibrahim]

ايه احمد تي ده؟؟؟؟

[Eng.Geo]

انا بكره بقى القهوه
فين وفين لما بشربها

ليها طرق كتير وانواع كتير ... يمكن انت بتجرب حاجة مش حلوة

[Eng.Geo]

اى حاجة فيها قهوة هاتتشرب هاتتشرب :) ( واحشنى يا جيو والله )

بص القهوة السريعة بتاعتة كل يوم الصبح

معلقتين قهوة سريعة (هنتز) ومعلقتين كريمة ( بتاعة الحلويات مش الطبخ بتبقى من جهينة)

وسكر وعيش :)



الشاى احمد تى طبعا - و ليبتون النكهات المستورد مش المصرى

القهوة التركى : العميد - المحمصة الللبنانية

القهوة الامريكان او السريعة (الى احنا بنسميها نسكافية بس نسكافية دة اسم الشركة مش نوع القهوة) : شركة اللى -هنتز-مدريد-نسكافية

الكابتشينو واللاتيهات : اتيليان كومبانى - بونجور

الكريمير والاللبان : مش باستعملهم باستعمل كريمة الحلويات من جهينة طعمها احلى واغنى وليها ريحة مميزة



بالنسبة للافتكاسات فى الشاى او النكهات الى ممكن تحطها : انا باحب الميرامية تحححححححفة - القرنفل- الهيل (الحبهان) - النعناع - شريحة ليمون - والجديد دلوقتى ورق شجرة الليمون- عود قرفة بيخى طعمة خراااااافة

بس كدة كفاية :)

أوكتووووووووووووووووووووووووووووو
حبيبي
هاتفضل مختفي كدة ؟ ... أهم بيقولوا انك خطبت أهو :)
ايه حوار كريمة الحلويات ده ؟
اللي هي شانتيه ؟

[Eng.Geo]

ايه احمد تي ده؟؟؟؟

ده شاي زي ليبتون كدة بس تحسه نضيف وصافي
وفي انواع تانية زي دلمة وتوينينجز

[solyahmed]

جبت ماكينة اميركان كوفي بس مش لاقي بن مخصوص يكون حلو لها لاقيت بس في زهران اسكندرية طبعا بن النجار مكتوب علية اميركان كوفي .. جربتة بس مش عاجبني .. حد يعرف نوع بن تاني يكون حلو مخصوص للماكينة اميركان كوفي ..

[Gelgel2004]

جبت ماكينة اميركان كوفي بس مش لاقي بن مخصوص يكون حلو لها لاقيت بس في زهران اسكندرية طبعا بن النجار مكتوب علية اميركان كوفي .. جربتة بس مش عاجبني .. حد يعرف نوع بن تاني يكون حلو مخصوص للماكينة اميركان كوفي ..

الى غالى شويه
و ممكن من بن شاهين

[AhMeD EzZ]

وقت الامتحانات لما ببقي محتاج جرعة كافيين غبية بحط معلقتنين نيسكافيه كبار علي كوباية بيبسي و عيش يا معلم !

[help4me]

انا جسمى قشعر من كمية المنبهات دى
حرام الى بتعملوه فى اعصابكم
هى كباية كابتشينو واحدة فى اليوم
و بخ على كده

[hobiko]

جبت ماكينة اميركان كوفي بس مش لاقي بن مخصوص يكون حلو لها لاقيت بس في زهران اسكندرية طبعا بن النجار مكتوب علية اميركان كوفي .. جربتة بس مش عاجبني .. حد يعرف نوع بن تاني يكون حلو مخصوص للماكينة اميركان كوفي ..

من الأخر

جيب قهوه lavazza العلبة الدهبى و ادعيلى

فيه منها العلبة السودا دى تقيله شوية و فيه الحمرا خفيفة شوية ...... بس الدهبى رائعة

[Imhotep]

القهوة التركى باللبن.... انا بشربها لما اكون داخل على صداع او عايز افوق جامد..... بشربها زيادة و اللبن بيخليها متتعبش المعدة

[damasry]

انا بحب القهوة بس مشكلتي معاها اني بشربها من هنا وانام علي طول

بتعمل معايا مفعول عكسي :(

يا تري في حل للموضوع ده!!!

[Hacker5]

احسن عبوات كابتشينو جربتها كانت
bonjorno مصرى و العبوة بعملها على مرتين عشان تقيلة جدا و طعمها جميل
La Festa مستورد رومانيا تحففففففففففففففة و نازل بكذا طعم زى bonjorno بالشيكولاتة و الفانيليا و البندق و الكريمر و اللاتيه