أحذروا برنامج فيبر viber

[tutankhamoun]

السلام عليكم .
يا جماعة إذا كان البرنامج مفيد ..... فأعتقد و الله أعلم أن ضرره أكبر من فائدته .
البرنامج له بدائل ...... زي السكايب مثلا .
الفرق أن السكايب أن بتعمل حساب جديد و ملوش علاقة بتليفونك أو دفتر عناوين التليفون أو قائمة الأسماء .

طبعا بما أن كل البرامج دي برامج صهيونية أمريكية (أغلبها ) الأمر ما يسلمش .
و لكن الفيبر .... و الواتس أب ..... بيشتغلوا مع رقم التليفون و قائمة الأسماء .

الله أعلم بقى إذا كانوا بيأخدوا بياناتنا أو لاءة .
أنا قلت أبلغ علشان اللي شاكك في الأمر ....... يوقف أستخدامه .
و اللي عايز يكمل ........ مفيش مشكلة خالص لو شايف أن ده كويسه له .

و الله الموفق

[naser_56]

ياسيدي كبر مخك الدوله بكبرها اكيد مخترقه هتيجي علي الفايبر مثلا طيب فكر في الاقمار الصناعيه مثلا ولا حتي جوجل ايرث الي خلوه للعامه من سنوات بالتأكيد وصلو لانظمه تقنيه اكتر منه بكتير تخيل انته لما يكونو شايفين قواعدك العسكريه ولا مطاراتك ولا ولا ولا هتبقي جات علي الفايبر وبعدين لو جات علي الفايبر يبقي هيجيلهم شلل من كتر الرغي الي فيه انا اعرف ناس بتقعد بالساعتين ترغي في حاجات ملهاش اي تلاتين لازمه اكترها اه ياحبيبتي عامله ايه طيب اتغديتي ولا لسه طيب اتغديتي ايه طيب ايه اخبار العيال اتعشو ولا لسه وهلما جرا ولا انته فاكر لما يكون في تنسيق بين قيادات عليا ولا خلافه هيكون عن طريق الفايبر ولا تانجو مثلا ههههههههه

[tutankhamoun]

ياسيدي كبر مخك الدوله بكبرها اكيد مخترقه هتيجي علي الفايبر مثلا طيب فكر في الاقمار الصناعيه مثلا ولا حتي جوجل ايرث الي خلوه للعامه من سنوات بالتأكيد وصلو لانظمه تقنيه اكتر منه بكتير تخيل انته لما يكونو شايفين قواعدك العسكريه ولا مطاراتك ولا ولا ولا هتبقي جات علي الفايبر وبعدين لو جات علي الفايبر يبقي هيجيلهم شلل من كتر الرغي الي فيه انا اعرف ناس بتقعد بالساعتين ترغي في حاجات ملهاش اي تلاتين لازمه اكترها اه ياحبيبتي عامله ايه طيب اتغديتي ولا لسه طيب اتغديتي ايه طيب ايه اخبار العيال اتعشو ولا لسه وهلما جرا ولا انته فاكر لما يكون في تنسيق بين قيادات عليا ولا خلافه هيكون عن طريق الفايبر ولا تانجو مثلا ههههههههه

يا أخواني أنا مش بتكلم عن المحادثات الصوتية .
أنا بتكلم عن بياناتك اللي بتكون كلها عند الشركة .
و لو قرأت رخصة الأستخدام فيها بند بيقول أن بيانات تحصل عليها الشركة هي ملك للشركة و في حالة بيعها (شركة فيبر) تنتقل الملكية للشركة الجديدة (يعني بياناتك و بياناتي و أرقام تليفوناتنا بأسماء أصحابهم .... عند شركة صهيونية )

أنا بس بحذر للي عايز يأخد حذره .

[Sherif Khalifa]

طيب ما ال icqبرضة اسرائيل !!
و برامج كتير جدا كدة
الناس بيطورو نفسهم فى كل حاجة
مش شرط خالص يكون التجسس الهدف
و لو كان دا الهدف كان هيكون مش معروف مصدرة او اى مصدر واهمى

[م/مصطفى محمود]

شكرا على التنبية ، وفعلا الموضوع مهم جدا ، وعلى فكرة التجسس مش بس اني اعرف مين مخبي سلاح فين ، الأهم اعرف مين (عايز) يعمل اية فى المستقبل والجو العام عامل اية

انا شخصيا هشيلة وواثق اننا عندنا اللى يعرفوا يعملوا برنامج افضل منة وفى انتظارة

[tutankhamoun]

اللي عايز يقتنع و مقتنع أن الأسرائليين مش بيستغلوا أي فرصة للتجسس علينا هو حر في رأيه .

بس لاحظوا أن صاحب البرنامج ........ كان شغال في الجيش الصهيوني
صدفة غريبة ........ و لا مش غريبة ؟

أنتوا عارفين أنهم بيتجسسوا على أمريكا ذات نفسها و كل شوية يتمسك جاسوس و بعدين الأمريكان يسيبوه ... الناس دي متغلغلين في كل شئ .

أنا قلت أحذر ....... و اللي عايز يستمر ....... يتفضل ........ و اللي عايز يوقفه ...... يتفضل .

كل واحد حر .

[tutankhamoun]

فاكرين حادثة التجسس الشهيرة بتاعة موبينيل
برج التغطية اللي كان موجود في العريش حد من الجواسيس في الشركة ضبطه على أنه يرسل ناحية فلسطين .

و طبعا الصهاينة كانوا بيتجسسوا على المكالمات المحلية و الدولية على أد ما يقدروا .

طيب تفتكروا هما حاولوا يوصلوا أنهم يرشوا واحد علشان يتجسسوا على شبكة تليفونات .

تفتكروا أن برنامج زي ده و بتاعهم و ملكهم و صاحبه كان ضابط في الجيش بتاعهم
تفتكروا هايسيبوه الفرصة دي ؟

الله أعلم اللي بيعملوه و ايه اللي في ضميرهم الزبالة ........ فالحذر واجب .

[abou_ruqi]

يا جماعة الراجل حذر بمعلومة صحيحة ، اللي بيشتغل في وظيفة سيادية سياسية او امنية او دبلوماسية ياخد بالتحذير ، اما البني ادم العادي اللي زي حالاتي مثلا مش هو المستهدف ومش حيضيعوا وقتهم علشان يسمعوا بيقول ايه ، بس كده !

[m7mda7md]

يا جماعة الراجل حذر بمعلومة صحيحة ، اللي بيشتغل في وظيفة سيادية سياسية او امنية او دبلوماسية ياخد بالتحذير ، اما البني ادم العادي اللي زي حالاتي مثلا مش هو المستهدف ومش حيضيعوا وقتهم علشان يسمعوا بيقول ايه ، بس كده !

حلو الرد ده ههههههههههههههههج