عايز مساعده في تشطيبات الشقة

[zrzr1]

يا شباب عايز منكم مساعده في تشطيبات شقتي من شغل جبس ديكور منين ممكن اتفرج علي التصاميم

عشان اقدر اختار سواء للسقف او للحيطان؟؟؟؟,, و الالوان كمان المناسبه والموضه اليومين دول

وكمان كنت سمعت عن ارضيات زي الباركيه كدا بس صيني سعرها معقول لو حد يعرف عنها حاجه يفيدني بيها

وتصميم ابواب الغرف والوانها ... وشكراً مقدما

[abo_anas]

يا شباب عايز منكم مساعده في تشطيبات شقتي من شغل جبس ديكور منين ممكن اتفرج علي التصاميم

بالنسبه لشغل الجبس والسقف المعلق انت بتشوف واحد بتاع اعمال الجبس وهو معاه صور لشغل بتاعه وشعل من النت ، خليك فى شغل يكون هو اللى عامله ويفضل انك تشوف على الطبيعه اى شغل هو عامله ان امكن ، السقف المعلق بيتعمل بشكل يناسب المساحه وبيتعمل فيه اماكن اضاءه سبوت ، سيبك من بيت النور علشان بيلم تراب ، وخليه يعمل عود بانوه يكون شكله حلو

عشان اقدر اختار سواء للسقف او للحيطان؟؟؟؟,, و الالوان كمان المناسبه والموضه اليومين دول
موضوع الالوان الموضه احسن حاجه تروح مكتب دهانات توكيل الجزيره مثلا وتشوف على الطبيعه الدهانات الجديده والالوان الجديده وهما ممكن يرشحولك نقاش بيتعامل معاهم ده هيكون افضل لان ممكن تجيب بويات غاليه والنقاش يكون على ماتفرج يبقى انت كده الخسران ، فى انواع دهانات للحيطان زى القطيفه والرخام بس دول اعتقد ان فى حاجات نزلت اجدد منهم هما هيفيدوك ، وابعد عن مهندسين الديكور انا بقولك تشوف نقاش محترم من طرف توكيل بويات محترم

وكمان كنت سمعت عن ارضيات زي الباركيه كدا بس صيني سعرها معقول لو حد يعرف عنها حاجه يفيدني بيها
فى بورسلين صينى يبدأ من 85 ج للمتر وفى تابلوه ديكور 4 بلاطه او 6 بلاطه على حسب ، بالنسبه للسيراميك فى الجوهره حلو وعموما موضوع السيراميك لو عاوز حاجه عاليه يبقى السلاب، ولو معقوله يبقى عليك وعلى الفجاله

وتصميم ابواب الغرف والوانها ... وشكراً مقدما
فى جاهز وفى عموله براحتك الخشب يكون سويد والدهانات ادخل على النت وشوف اللون اللى يعجبك او اللى يتناسب مع دهان الشقه والافضل انك تدهن استور مط
وربنا يوفقك

[abo_anas]

معلش انا بعد مارديت عليك لاحظت انك مقيم فى الكويت ، لو الشقه اللى هتشطبها فى الكويت يبقى ياريت تنسى كل اللى انا قولتو ههههههههههههههههه

[amrelsha3er]

معلش انا بعد مارديت عليك لاحظت انك مقيم فى الكويت ، لو الشقه اللى هتشطبها فى الكويت يبقى ياريت تنسى كل اللى انا قولتو ههههههههههههههههه

:d:d:d حلو موضوع الكويت تنسى كل اللى قولته ده:d:d
بااشا سؤال بقى عشان انا داخل على موضوع الدهانات
فين مركز الجزيره ده واسعاره ايه اغلى من بره يعنى ياريت تفدنى فى موضوع الدهانات
حاجه كمان انا جبت بورسيلين صينى بس فى ناس مخوفانى منه انت ايه رايك؟! جبته من السلاب
الف شكر مقدما

[abo_anas]

:d:d:d حلو موضوع الكويت تنسى كل اللى قولته ده:d:d
بااشا سؤال بقى عشان انا داخل على موضوع الدهانات
فين مركز الجزيره ده واسعاره ايه اغلى من بره يعنى ياريت تفدنى فى موضوع الدهانات
حاجه كمان انا جبت بورسيلين صينى بس فى ناس مخوفانى منه انت ايه رايك؟! جبته من السلاب
الف شكر مقدما

ليهم فروع كتير اعمل سيرش وشوف اقرب فرع ليك واعمل لهم زياره
بالنسبه للبورسلين الصينى انا جايبه عندى وركبته وتمام وهو فى ميزه عن البورسلين المصرى انه قطع ليزر يعنى اللحام والفواصل مش بتكون باينه بين البلاطه والاخرى ، اللى خوفك منه قالك ايه؟؟ وياترى عن تجربه ولا كلام ، انا رايى ماتقلقش وبعدين انت جايب من السلاب يعنى اكيد السلاب مش هيستورد اى حاجه ، وعلى راى الناس الصينى درجات يابيه هههههههههه
واى خدمه

[zrzr1]

انا متشكر جدا يا فندم لردك ..

والشقه موجوده ف مصر متقلقش هستفيد بكل كلمه قلتها يعني

طيب انت ايه رأيك في موضوع الخشب ف الارضيات دا؟؟ يعني اعمل اوض النوم بس خشب و الصالتين

بورسلان مثلا ولا كله بورسلان وخلاص ومش هتفرق

وبالنسبه للأبواوب انا كنت عايز برده اشوف اشكالها أولا ثانيا لو هتاخد لون يبقي لون خدمه زي بتاع العفش

ولا جملكه ودهان عادي ولا مفيش فرق مع العلم ان اكيد خدمه زي بتاعه العفش هتكون أغلي