مشورة فى مشروع جداد

[lovely_love]

بصراحة ملقتش غيركوا اسالوا وياريت متكسفونيش
انا بدور على مشروع اعمله يزود دخلى ويكون تكاليفه مش غالية بالكتير 20 الف ولو اقل يكون احسن وكمان ياريت يكون حاجة مستواها محترم لانى بفكر ان المدام تشتغل فيه الصبح وانا بعد الضهر علشان شغلى الصبح بفكر فى حضانة او محل هدايا وياريت الى عنده معلومات عن المشروعين دول يعرفنى والى عنده فكرة تانية ياريت يقولى
وليكم جزيل الشكر

[GMC]

كان من يوم ولا يومين كان في واحد في المنتدى بيسال على محل تاجير فساتين فرح ويكون سعره رخيص

بال 20 باكو اشتريلك فستانين كويسين ولا تلاته واجرهم ومش محتاج محل ولا حاجه النت شغال

ايجار الفستان 500 ل 1000 جنيه على حسب شكله وتصميمه اظن مشروع كويس ومش محتاج متابعه اوي

وتعب ونزول وضرايب وسجل ووجع الراس ده

[friendship7897]

فكرت في مشاريع من فترة في حدود المبلغ اللي أنت ذكرته ، وكانت :-
1) مشروع محل كله بـ 2.5 ج ، المشروع مش محتاح أكتر من محل إيجار ووش بلاستك وشواية كشافات للإضاءة ورفوف وكل المنتجات صينية ولو هتشتريها بسعر الجملة الحاجات اللي بـ 2.5 سعرها جنية أو جنيه وربع ، وطبعاً ممكن تزود المنتجات ببترينة برفانات و إيشاربات و ميكياجات _ علشان المدام ممكن تقف فيه ، بس إختار مكان المحل كويس - يعني يكون واجهة في شارع حيوي .
2) مشروع منظفات - الأزمة المالية عند الكل - فعلشان كدة ممكن كل ست بيت بدل ما تفكر تشتري 5 ك مسحوق أوتوماتيك بـ 115 ج إجبار من أي سوبر ماركت - ممكن تشتري بـكيلو سايب من عندك ، ونفس الحكاية في الداوني والديتول والكلور ، ومعطرات الجو ، وكل المنظفات ، بس فيه بعض الناس بتقول مش منظر يعني إنك تقفي تعبي في إكياس ... بس أنا مش معاهم ... وأيه يعني مش شغلانه حلال .
3) تكيس مواد غذائية ، ودي عايزة مخزن ومكنة تكيس وعامل أو عاملين وطبعاً المنتجات ( أرز ، سكر ، دقيق ،..... ) وبتكون شكائر كبيرة ، وعايزة كمان علاقات تسويقية قوية لهايبرز ومحلات الجملة ، بس دي هتكون مجهود عليك أنت ، ودور زوجتك ممكن تكون لمتابعة عمال التكييس صباحاً فقط ، والتوزيع عليك .
والله الموفق ،

[GMC]

فكرت في مشاريع من فترة في حدود المبلغ اللي أنت ذكرته ، وكانت :-
1) مشروع محل كله بـ 2.5 ج ، المشروع مش محتاح أكتر من محل إيجار ووش بلاستك وشواية كشافات للإضاءة ورفوف وكل المنتجات صينية ولو هتشتريها بسعر الجملة الحاجات اللي بـ 2.5 سعرها جنية أو جنيه وربع ، وطبعاً ممكن تزود المنتجات ببترينة برفانات و إيشاربات و ميكياجات _ علشان المدام ممكن تقف فيه ، بس إختار مكان المحل كويس - يعني يكون واجهة في شارع حيوي .
2) مشروع منظفات - الأزمة المالية عند الكل - فعلشان كدة ممكن كل ست بيت بدل ما تفكر تشتري 5 ك مسحوق أوتوماتيك بـ 115 ج إجبار من أي سوبر ماركت - ممكن تشتري بـكيلو سايب من عندك ، ونفس الحكاية في الداوني والديتول والكلور ، ومعطرات الجو ، وكل المنظفات ، بس فيه بعض الناس بتقول مش منظر يعني إنك تقفي تعبي في إكياس ... بس أنا مش معاهم ... وأيه يعني مش شغلانه حلال .
3) تكيس مواد غذائية ، ودي عايزة مخزن ومكنة تكيس وعامل أو عاملين وطبعاً المنتجات ( أرز ، سكر ، دقيق ،..... ) وبتكون شكائر كبيرة ، وعايزة كمان علاقات تسويقية قوية لهايبرز ومحلات الجملة ، بس دي هتكون مجهود عليك أنت ، ودور زوجتك ممكن تكون لمتابعة عمال التكييس صباحاً فقط ، والتوزيع عليك .
والله الموفق ،

افكار رائعه ,, احيكي :)

[lovely_love]

متشكر جدا لكل الناس الى ردت وانا عجبانى اوىى فكرة محل 2.5 وانا اساسا كانت فى دماغى بس عاوز شوية تفاصيل اكتر من الناس الى عندهم خبرة يعنى الضرايب واالسجل والكلام دا كلوا وكمان اماكن اجيب منها البضاعة وياريت لو حد عنده افكار تانية يقولى ومتشكر جدا لتعبكم

[lovely_love]

اية يا جماعة مفيش جديد مفيش حد عنده فكره شاملة عن محل 2.5

[mohammedabdallh]

سوبر ماركت
بالمبلغ ده تقدر تفتح بيه
والاكل والشرب كلنا نازلين طالعين بشنط وانت عارف الباقى
الترخيض والضرائب امل سهل جدا
هقولك عليه بعد ما تفتح
كبر دماغك من الحاجات دى دلوقتى افتح انت بس اى مشروع والباقى سهل

[lovely_love]

يا باشا انا عجبانى اوى فكرة 2.5 بس انا عاوز اعرف الضرايب والتراخيص علشان ميجيش حد ملوش لزمة يتنطط عليا وانت عارف الموظفين الى ملهومش لزمة وياريت كمان اماكن اجيب منها البضاعة بتاعت محل 2.5 منين

[mohammedabdallh]

محل 2.5
بقى قديم
الا لو فتحت فى حته متفتحشى فيها من قبل
الضرايب والتامينات والترخيص
بعد ما تفتح المحل بفتره
بتروح مجلس المدينه النابع له المنطقه الى حضرتك فتحت فيها وتيجب ورقه من هنالك انك هتفتح محل
وبعد كدا هيقولك روح اعمل بطاقة ضريبيه واطلع على التماينات امن على اى حد وبعد ده كله ترجع لل مجلس المدينه تانى يكمل لك بقيت الرخصه
كدا بقيت فى السليم
ومكن تعمل سجل تجارى وممكن لا
وربنا معاك

البضاعه بتنزل تجبها من الموسكى والعتبه
بس شوف حد بيتاعمل هناك الاول من صحابك علشان الناس متغليش عليك السعر
علشان هتبقى جديد

[lovely_love]

متشكر جدا ليكم وياريت لو حد عنده افكرا او معلومات تانية يعرفنى

[Bonanza]

طالما زوجة حضرتك هاتشتغل في المحل

ممكن تفكر في كوافير حريمي للمحجبات فقط

كمان فكر في كوافير رجالي .. مكسبه حلو

بس للاسف زوجة حضرتك مش هاينفع تقف فيه

[lovely_love]

اية يا جماعة محدش عنده اى افكار تانية او اى مشاريع فى حدود ال20 الف دول