انا بعتللك رصيد بالغلط

[AboELsoud]

النهارده و انا بتمشى لقيت واحد بيتصل بيا بيقوللي معلش فيه رصيد ابتعت ليك بالغلط
قلتله و الله موصليش حاجه
قاللي خلاص لو وصلتلتك الرساله ابعتهاللي تاني معلش انا اسف
قلتله ماشي ولا يهمك
هما 5 ثواني و لقيت الرساله وصلت : تم تحويل رصيد 5 جنيه من الرقم الفلاني ( اللي بيتصل منه )

و عشان انا قريت قبل كده كذا مره انها ساعات بتبقى نصب
قمت باصص على عنوان الرساله ( المفروض بيبقى موبينيل ) لقيت عنوانها الرقم اللي اتصل
قمت بسرعه متصل و عرفت الرصيد لقيته زي ما هو

قعدت اشتم فيه و العن في تيييييييييت ابوه
و قمت باعتله رساله من رقمي
: تم تحويل رصيد 5 جنيه من الرقم ( و كتبت رقمي )

عشان يعرف انه اهبل و انه اتكشف و يمكن يبطل هبله ده و ميعملهوش في الناس

ايه رأيكم انا صح ولا كان المفروض اتصل اشتمه خصوصا اني بقاللي كتير ماسك لساني :)

[mr_vampire]

النهارده و انا بتمشى لقيت واحد بيتصل بيا بيقوللي معلش فيه رصيد ابتعت ليك بالغلط
قلتله و الله موصليش حاجه
قاللي خلاص لو وصلتلتك الرساله ابعتهاللي تاني معلش انا اسف
قلتله ماشي ولا يهمك
هما 5 ثواني و لقيت الرساله وصلت : تم تحويل رصيد 5 جنيه من الرقم الفلاني ( اللي بيتصل منه )

و عشان انا قريت قبل كده كذا مره انها ساعات بتبقى نصب
قمت باصص على عنوان الرساله ( المفروض بيبقى موبينيل ) لقيت عنوانها الرقم اللي اتصل
قمت بسرعه متصل و عرفت الرصيد لقيته زي ما هو

قعدت اشتم فيه و العن في تيييييييييت ابوه
و قمت باعتله رساله من رقمي
: تم تحويل رصيد 5 جنيه من الرقم ( و كتبت رقمي )

عشان يعرف انه اهبل و انه اتكشف و يمكن يبطل هبله ده و ميعملهوش في الناس

ايه رأيكم انا صح ولا كان المفروض اتصل اشتمه خصوصا اني بقاللي كتير ماسك لساني :)

ههههههههههههههه جامدة.... او كنت تبعتله ( شكرا لكرمك تم استقبال الرصيد بنجاح وفي انتظار رصيد اكثر في مرات مقبلة ) وكان وقع مكانه مشلول.

[eng.m7md.ali]

هههههههههههه كويس انك خدت بالك ياباشا ربنا يتوب علينا من الاشكال دي

[AboELsoud]

هههههههههههههههههه

ماهو انا بعتهاله بنفس الصيغه عشان يعرف انه الصايع في الاصيع منه
مع انه اهبل مش صايع :)

[yehia]

ده انت كمان ممكن تفرسه بحاجة تانية ....

أول ما يتصل بيك ويقوللك حوار بعتلك رصيد قول له الف شكر يا باشا والله ربنا العالم جم في وقتهم ... كمل جميلك وابعتلي قدهم كمان مرة :)

[Moe86]

ممكن تكلم خدمة العملاء تقولهم, بيهتموا جدا بالموضوع دة و غالبا هيوقفوا خطه علشان مايعملش كدة تانى

[rompo10]

لا اله الا الله هو لسه في ناس كده

[naser_56]

انته كان بعت له رساله وكتبت تم تحويل ٥٠ جنيه بعد شويه اتصل بيه وقله معلهش بدل ما ابعت لك ٥ جنيه غلطت وبعت ٥٠ يلا كده ابعت ال٤٥ بتوعي

[DreAmO]

حصلت معايا .. وغالبا بتحصل مع موبينيل فقط

لأن بيجيلك الراسله كاتبلك فيها الصيغه بالظبط .. بالرصيد الحالي

هو بيتصل يستعلم عن الرصيد والخدمه في موبينيل فيها استعلام عن رقم اخر .. ويروح ضايف عليه مبلغ التحويل علشان الرساله تبقى محبوكه

الغبي اللي عملها معايا استعلم عن رصيدي لقى 5 جنيه .. اتصل بيه وبعتلي الراسله بعد ماقفل بثواني

رصيدك الحالي بعد التحويل 15 جنيه وهو قال حول 10 جنيه

ههههههههههههه طيب الغبي لما لقى رصيدي خمسه جنيه .. مش يفكه مني ويشوف واحد معاه رصيد كافي يحوله

هحوله ازاي 10 جنيه انا ههههههههههههههه

الغباء التاني .. كاتب رقمه في الرساله زايد رقم هههههههههههههه 12 رقم يعني

وعلى فكره كان لهجته سعودي


انا بقى غرمته يجي خمسه جنيه مكالمات

عملت نفسي عبيطط

ارنله يتصل بيه .. اقوله بعتهالك وصلت ؟ .. يقولي لا والله يا اخي ما وصل شىء

طب احاول تاني ويكلمني .. طب قول كود احول بيه .. طب اجرب تاني .. وعلى كدة هههههههههههه

بس غبي غبي يعني .. عايزني احوله عشره حنيه وانا رصيدي فيه خمسه جنيه هههههههههه

[amr.elsayed]

هههههههههههههههههههههههههههههههههههههههههههههههههه هههههههههههه شعب مشكلة
بس انت اتصرفت احسن تصرف .. دة انت لو شتمته اكرم له من انك تبعتله الرسالة دى انت كدة تمام

[م.احمد زكريا]

انا العمالها معايا قولتله مش مشكلتي

انت الغلطان وقفلت السكة