مصحف التراويح

[azmeralda]

شفت اعلان عالتلفزيون مصحف كبير على حامل عبارة عن شاشة بتنور بالكهربا وبيبقى فى ايدك زرار تقلب الصفحة
المهم ملحقتش اكتب رقم تلفون الشركة والمصحف عاجبنى حد عنده فكرة ؟؟؟

[محمد يوسف]

متابع باهتمام

[human]

امسكى المصحف بايدك افضل او هاتى الاجزاء وامسكيها ...

[ahmedsamir5edr]

ه.................................................. ..........................................*

انا كنت طول عمري بسأل هوا مين اللي بيشتري من العالم دي ؟!!

اما اجابه السؤال ممكن حضرتك تجيبي حامل مصحف ب 30 جنيه و تحطي عليه المصحف و تقري براحتك .. بما اننا داخلين علي موسم ..

و تقبلي مروري ..


تم وقفك لمخالفه قاعده رقم 12 من قواعد وقوانين المنتدي
والتحدث بطريقه لا تليق بالاعضاء
مشرف عام 1

[azmeralda]

نسوان ؟؟اسلوب غريب فى الكلام

-----------------------------------------------------------
ومصحف للتراويح بحوالى 150 ج بالكهربا ومصحف التهجد العادى اصلا اللى بيتحط على الحامل من 80 ل 120 ج

عشان تبديل الصفح والحركة الكتير فى الصلاة غير مطلوبة
وسيادتك متقلقش انا بشتغل وهشتريه من فلوسى !!!!!!!!!


والمقارنة اساسا بين شرا اللاصقة السحرية وشرا مصحف عجيب والأعلان كان على قناةدينية


واسفة انا مش بطلب من حد رأيه انا قررت اشترى حاجة وكل اللى طالباه مساعدة فى شرائها مش اراء أ صرف فلوسى ازاى !!!

[ahmedsamir5edr]

دي لغه عربيه فصحي يا أستاذه

و ما تصدقيش كل كلام القنوات الدينيه لا في الدين و لا الاعلانات

[azmeralda]

عرفة انها فى المعجم بمعنى نساء



لكن الكلمة بتاخد معناها من المجتمع كمان وفى المجتمع المصرى الكلمة دى فيها اهانة وتعتبر غير لائقة
بعكس تقبلها فى مجتمعات تانية

ده حتى مرة فى مجلس الشعب عضو قالها وتم حذفها من المضبطة لأنها غير لائقة فى التحدث عن نساء مصر فياريت حضرتك يا أستاذ تاخد بالك ولو شايفها عادية فآسفة انا مش متقبلاها

ثم رغم انى قلت مش طالبة رأى اشتريه ولا لأ حضرتك مصر تعطى رأ]ك بعدم تصديق الموضوع

ومصدقش ايه بالضبط اذا كنت شفته بعينى هو ايه الغريب اللى فيه ما زى المصحف الألكترونى الصغير اللى بيتمسك فى الأيد وبسماعات

[ahmedsamir5edr]

اصل يا مدام انا اتعودت علي الكلمه دي و بقت من قاموس حياتي العادي .. هي و مرادفات اخري لها مفيش داعي لذكرها

اما بخصوص المصحف ف انا اميل دائما للكلاسيكيه و البعد عن التكنولوجيا .. لذلك افضل الورقي و انصح غيري به

[AHMED_DINAMO]

متابع باهتمام يا حجه واعتذر على لفظ ( نسوان ) انا استاذ احمد سمير خضر هو ال مدينى ال ديسلايك الوجيد ال عندى وشوفى التوقيع

[SHNORY]

اصل يا مدام انا اتعودت علي الكلمه دي و بقت من قاموس حياتي العادي .. هي و مرادفات اخري لها مفيش داعي لذكرها

اظن انها حاجه متخصش المنتدي او اعضائه عن قواميس لغات الاعضاء الحيه
والافاظ اللي بيتكلموا بيها في حياتهم
كلنا بنشتم وبنقول الفاظ
بس طبيعه المنتدي متسمحش باننا نتجاوز ونقولها

[azmeralda]

انا مش فهمة والله يا استاذ شنورى ايه الموضوع الواحد بقى له سنين فى المنتدى عمره ما شاف كده !!
واللى يخاطب عضوة ما يقول حضرتك مش نسوان ولا استاذة ولا حاجة ولا مدام واكيد ميعلقش بتصرف فلوس جوزها ازاى!!احنا مش قاعدين فى كافيه ولا ميكروباص
ده غير السخرية المتضمنة كمان
والمهم ان ليا استفسار اتحول الموضوع لجدال عقيم و اصرار على المضايقة والخطأ مع عدم افادة بالمعلومة المطلوبة اصلا
مع انى مش بستفسر اشترى ولا لأ

واللى مش عاجبه استفسارى ميردش وخلاص حاجة غريبة جدا

ولازم الأنسان يراعى طبيعة اللى قدامه ومياخدش عليه فى الكلام اصلا
ثم اذا لقاه اتضايق يعتذر
وفى الأسلام حتى الواحد ياخد باله من الفاظه ويقول كلام حسن لأن الشيطان بينتهز الفرصة ويوقع بين الناس
فما بال الكتابة اللى بتسمح للأنسان يفكر قبل ما يتكلم مش تخرج منه الفاظ غصب عنه

والحمد لله الأدارة اخدت موقف سريع احسن الكلمة طلع لها مرادفات ! بس مفروض يشيلوا الديسلايك اللى عمله لى : )

[mesaharaty]

فيه مصحف التهجد بيبقى كبير جدا وصفحته سطورها أكتر بكتير من مصحف المدينة اللى كلنا بنقرأ منه . يعنى حضرتك ممكن تفتحى المصحف فتقرى صفحة فى الركعة الأولى ثم الصفحة المقابلة فى الركعة التانية وبكده يبقى قريتى كم كبير جدا يعنى ربما ربعين مثلا (أنا مش عارف بالضبط الصفحة فيها ربع ولا أكتر) واعتقد إن الكم ده مناسب جدا لركعتين طيبتين وقدر يشعر المصلى بالراحة والكفاية وهذا من وجهة نظرى .
أنا عن نفسى (وأنا أصلى صلاة التراويح إماما فى المسجد) باجيب المصحف العادى بتاعى وأحطه على حامل ستانليس وأقرأ صفحتين مقابلتين على مدى الركعتين ولما أنتهى من الركعتين أقلب وأصلى من جديد بصفحتين جداد .

تقبل الله منا ومنكم

[azmeralda]

جزاك الله خيرا

[أبو_يوسف]

اللي شفتيه في الاعلان كان بكام؟؟
شوفي دا كدا:

http://www.easyquran.com/ar/muneer.htm

[azmeralda]

اعتقد ب 165 ج هو فعلا شبه ده بس واقف لفوق مش قصير على الأرض كده وهو فى مقرئين التانى انت اللى بتقرا بنفسك هو ده فى اختياركده برضه

و جزاك الله خيرا