بلطجة بلا حدود

[Medicalist]

امبارح يا جماعه كنت رايح مشوار شفت موقف لن انساه و ما نمتش من وقتها ومش قادر انساه
واحدماشى بعربيته قام واحد بتاع عربيه كارو ماشى مخالف فام داخل فين بتاع العربيه نزل بيلومه
التانى مش عاجبه انه التانى بيلومه وانه ازاى ما وسعلوش و دخل فى الرصيف وفى الناس
بتاع العربيه كان غلبان وفى منتهى الاحترام قام فجأه بتاع الكارو واد بلطجى قام ضربه بالقلم وقام جايب عصايه من الكارو و طاخ نزل بيها فى دماغه بكل قوته الراجل ساح فى دمه
وطبعا الناس واقفه تتفرح وماحدش عايز يدخل كله بيهدى وخلاص من بعيد
بتاع الكارو طبعا مشى و ماحدش يعرف هو مين وبالتالى حق الراجل ده كمان ضاع
فى المواقف دى الواحد يعمل ايه ؟ لو واحد بلطجى تعدى عليكى و جرى تعمل ايه ؟
جسبى الله ونعم الوكيل فيكى يا بلد

[Medicalist]

اه الاجمل بقى انه الراجل لما اتعور لقيت الى طالع ببن و بيحطه على راسه و الى جايب الفوطه الزفره و يمسحلة بيها الدم و ينشف بيها عايزين يجيبوله التهاب سحاءى بالمرة
رحت انا شيلت القرف ده كله و حبتله شاش ولفبتهاله
يا نهار اسوح يا جدعان لو شفتو منظر الفوطه الزفره الى كانو بينشفولها لدم بيها

[gaaz]

البلد ما بقتش بتاعت الناس المحترمه
يا تبقى بلطجي وتقدر تمشي بالشارع بثقة
يا اما لو انت ابن ناس ومحترم تمشي جمب الحيط وتعتذر لأي حد يغلط فيك لحد ما تشوف طريقة تسافر بيها لأي حته

[Ahmed_Ramadan]

أنا مش هعلق علشان متوقفش

[mohammedabdallh]

حسبى الله ونعم الوكيل

[Elawany13]

والله الواحد قرف من البلد ديه
بقيت بخاف انزل الشارع من اللى بشوفه
ومن حرقة الدم والأعصاب
ومن قلة الأدب والذوق والبلطجه والجليطة

حسبنا الله ونعم الوكيل
اعوذ بالله من غضب الله
اللهم ارفع مقتك وغضبك عنا
اللهم ارفع مقتك وغضبك عنا

[mesaharaty]

لا حول ولا وقوة إلا بالله العلى العظيم

أستغفر الله العظيم الذى لا إله إلا هو الحى القيوم وأتوب إليه

[Elawany13]

البلد ما بقتش بتاعت الناس المحترمه
يا تبقى بلطجي وتقدر تمشي بالشارع بثقة
يا اما لو انت ابن ناس ومحترم تمشي جمب الحيط وتعتذر لأي حد يغلط فيك لحد ما تشوف طريقة تسافر بيها لأي حته

بذمتكم حد حاسس انه عايش بكرامته فى البلد ديه
بضحك قوى لما بلاقى واحد ثورجى متشنج بيقولى الثورة رجعتلنا الكرامة
وان العيب فى النظام واحنا زى الفل
بنضحك على نفسنا ... وبنطلع من نقرة نقع فى دحديرة
فين الكرامة ديه !!!!

[MOK3336]

ايلي حصل إحنا السبب فيه لأننا سلبيين
يعني لو ايلي واقفين كل واحد خبط الواد العربجي ده قلم كان عمرة ما هيعمل كده لكن بعد ايلي حصل ده هيعمل كده مرة و أثنين و ثلاثة
لازم كل واحد مننا يشعر بالمسئولية وبلاش سلبية

[SAMEH_FOUAD]

ياجماااااااااااعة ماهو العيب فى الناس , الصورة السلبية اللى كلنا بنشوفها يوميا فى اى مكان

والله لو لقوا حرامى بيجرى وسارق شنطة من واحدة محد هيتحرك

الناس اتعودت انها عشان تخلص اوراقها لازم تدفع حتى لو الموظف مطلبش ( شاى )

الناس اتعودت على ( المشى عكس - البجاحة - البلطجة - النصب - قلة الضمير )

والله ولا مليون ثورة هتقدر تغير الشعب الا لو كل واحد عايز يتغير من جواة ويبقى فعلا مواطن صالح

[gaaz]

امبارح برضو نفس الموقف شفته في كارفور في اسكندرية
تكسجي تقريبا خبط في شاب شكله محترم وغلبان وابن ناس
ووالتكسجي هو اللي غلطان
التكسجي نزل بيقوله هات خمسميت جنية اصلح الفانوس يا اما حكسرلك فانوسك ودماغك
الواد بيقوله ليه يعني خمسميه كتير ( مع العلم انه مش غلطان) وبرضه انا بقول للتكسجي ليه ياسطا خمسمية ايه انت حتجيب نص قدماني للعربية ده هو الفانوس بس اللي مكسور وبعدين انت اللي غلطان )
قام شاتمني وراح طلع عصاية كسر بيها فانوس الولا ( باسات ) وضرب الواد على دماغه بالعصاية فتحله دماغه وجه يخبطني على دماغي فاديتها بايدي ايدي لحد دلوقتي مش قادر اكتب بيها اتلمينا عليه طلع مطوة وركب العربية وجري
قولي بقى ايه البلد دي ؟
وده في كارفور الساعه اتنين الضهر
حد يفهمني ايه البلد دي اللي احنا عايشين فيها
انا امبارح اتفقت مع واحد على طبنجة ونازل اجيبها دلوقتي
هي بقي البلد دي بقت كده
امشي محترم مع المحترمين
ولو حد مش محترم عندي اموته وادخل السجن ولا احس بالاحساس اللي انا حسه دلوقتي

[Medicalist]

معلش يا باشا انت بتتكلم فى تاكسى رقمه هتجيبه وتعمل بلاغ او هتعرف توصله باى شكل او هتاجر حتى ناس تموته بس الكارو ده هتجيبه ازاى

[AhMeD MeTwAlY]

واللهي انا عندي حق لما بلبس الجزمه ومعايا الشومه في العربيه
الي بيقولي كلمه وانا ماشي بنزل بكل هدوء وفي ايدي العصايا ومكسره وواخد بعضي وماشي
طبعا الكلام دا مع الناس الي مش محترمه فقط
يعني واحد بتاع عربيه نص نقل خبطني وانا في بنزينه دخل في الاكصدام بس وانا ببص في المرايا لقيته نازل بيبص علي عربيتي وبيقولي انا اسف ولو فيها حاجه هصلحها علي حسابي هقوله لا لازم اضربك نزلت وضحكت في وشه وقولتله دي عليها اقساط وضحكنا ومشيت

[م.محمد علاء]

يا اما لو انت ابن ناس ومحترم تمشي جمب الحيط وتعتذر لأي حد يغلط فيك لحد ما تشوف طريقة تسافر بيها لأي حته

و ده اللي انا بعمله حاليا..
فتره انتقاليه لحد مسافر بره مصر

[Medicalist]

انا كمان نفسى اخلص من البلد واسافر ربنا يسهل