هل توافق على حجب المواقع الاباحية ؟ ... حمله

[mhkash]

شباب غيورين على اخوانهم و على مستقبل ابنائهم

يسعون بكل الطاقات لتغيير شكل الانترنت فى مصر

شاركهم ولو بصوت - و جزاكم الله خير

http://www.as4ev.com/egy

وصل صوتك لاى حد مهم فى البلد دى - عضو مجلس شعب مثلا

عاوزين انترنت نظيفه - محجوب فيها كل المواقع القذره

عاوزين نحمي اولادنا من اعداء الدين الكفره

عاوزين نحمى اولادنا من المواقع الاباحيه اللى كانت زمان اجنبيه - دلوقتى للاسف بقى فى منها عربي

ولا حول ولا قوة الا بالله

الامارات و السعوديه حجبوا المواقع دي - عقبال ما يتم حجبها فى مصر و حسبنا الله ونعم الوكيل

اللهم من اراد المسلمين بسوء فخذه اخذ عزيز مقتدر و ارنا فى كل ظالم ايه

[MMamdouh]

كل واحد رقيب على نفسة... واللى عايز يمشى صح حيعرف يبعد عن اى حاجة غلط و اللى عايز يمشى غلط حيلاقى ملون طريق و طريق

MMamdouh

[Ahmed Samy]

كل واحد رقيب على نفسة... واللى عايز يمشى صح حيعرف يبعد عن اى حاجة غلط و اللى عايز يمشى غلط حيلاقى ملون طريق و طريق

MMamdouh

يا سلااااااااااااااااااام عليك

كنت باكتب نفس المعنى ده بس كلام كتير بقى

اوجزت فأنجزت

[ASD peugeot]

كل واحد رقيب على نفسة... واللى عايز يمشى صح حيعرف يبعد عن اى حاجة غلط و اللى عايز يمشى غلط حيلاقى ملون طريق و طريق

MMamdouh

انا متفق معاك يا استاذ محمد ان الانسان لازم بيكون من نفسه بيراعي ربنا بس ممكن بيكون ساعات اشيطان اقوي من الانسان والنفس اماره بالسؤ
طيب ليه الحكومه متمنعش المواقع دي اكيد نسبه كبيره هتبعد عن المواقع دي وفيه لا بس تعتبر محاوله واكيد هتكون خطوه كويسه

وجزاك الله كل خير يا استاذ mhkash
عاوزين نت نظيف

[H.ibrahim]

والعبد لله نفسه يكون نت المصرى نظيف تماما من اى مواقع اباحية (و اتمنى ان نتقى الله فى انفسنا و فى اهلنا فى السر و العلان )

[Dr.A.Nabil]

انا موافق تماما على حجب المواقع الاباحيه
وحكاية رفقيب على نفسك دي...
مع الشباب بتكون صعبه
والا ماكنش شباب كتييييير ادمن المواقع الاباحيه

وبعدين ما نجيبش السمنه جانب النار ونقولها ماتسيحيش

ممكن شاب قاعد لوحده في البيت
وبيتفرج مثلا على فيلم عربي
ومش في دماغه او نيته انه يدخل اي موقع جنسي
وشاف منظر خليع في الفيلم(وما اكثرهم في الافلام)
حركت عنده الشهوه وسيطرت عليه
وهو في عز شبابه وعنفوانه والشهو هند الشباب جامده..

سيطر عليه الشيطان
دخل على موقع اباحي
واتجرجر رجليه لغاية ما اصبح مدمن
وضيع صحته
وضيع قوته الجنسيه
واصيب ببرود جنسي
واصبحت حياته الزوجيه المستقبليع مهدده
لا وغير الذنوب الكتيييير اللي هاياخودها

[Islam_galal]

الموضوع ده مطبق في السعودية نعم
بس مفيش فايدة بيتصرفوا بطرق كتير و اللي عايز يدخل موقع اباحي بيلاقي طريقة بسهولة
إذا لا يتواجد الوازع الداخلي
إذا لم تكن هناك توعيه كافيه

يبقي مفيش فايدة

بالمناسبة موافق و لو ان الاسلوب ده أثبت فشلة
العلاج من الأساس

علي فكرة كان مرة نشر ان مصر تاني دولة في العالم بتدخل المواقع الاباحية

[MMamdouh]

ما هو دة اللى انا قصدى عليه... اللى عايز الغلط مش حيغلب سواء النت مقفولة و لا مش مقفولة

كل واحد رقيب على نفسة يا جماعة و بعدين محدش يعرف يقفل كل حاجة على النت... مهما قفلت حيبقى فيه مليون طريقة و طريقة للدخول على المواقع و كل يوم فيه الف موقع جديد

بلاش نجرى ورا العرض و نسيب المرض... ومن يتق الله يجعل له مخرجا

MMamdouh

=======
تنبيه للعضو بتحري الدقة في كتابة الآيات القرآنية
وشكرا

مشرف القسم

[Eng.Mohamed Amen]

موضوع جميل ومثير للجدل بصراحه حكايه كل واحد مسئول ورقيب عن نفسه صعبه

فعلا لكل شاب .لما المواقع مثلا تتقفل بردوا هتلاقى البنات فى الشارع ماشيه بملابس

أفظع من اليومين دول .علشان يتصلح حال الشباب يبقى لازم الأفلام العربيه يتمنع منها

كل منظر وكلمه خليعه ثانيا البنات اللى بتمشى فى الشارع ( الكاسيات العاريات رؤوسهم

كأسنمة البخت المائله ) لو التزمنا وتمسكنا بالدين وكل واحده تلبس حجاب أو إسدال

هايقل الدوافع الجنسيه عن الشباب والمعاكسات تقل وكل شاب يتمسك بالدين ويصلى

هيلاقى نفسه بقى كويس علشان مشى فى طريق الهدى وحس جواه بالحياء مش هايعاكس

أى بنت علشان هايبقى مكسوف من ربنا والبنات لو بتصلى هاتبقى مكسوفه من ربنا إنها

تلبس محزق فى الشارع وتحط برفان جزاب وفواح يشمه اللى ماشى فى آخر الشارع

فوق كل ده إن البنات حرام تنزل من البيت وهيه مستعطره .قال رسول الله صلى الله عليه وسلم ( أيما إمرأه إستعطرت وخرجت فمرت على رجال ليجدوا ريحها فهيه زانيه ) صدق رسول الله صلى الله عليه وسلم .شوف بقى كااااااااام بنت مسلمه بتخرج من البيت
وحاطه برفان .ده غير الملابس اللى بتلبسها .لو كلنا تمسكنا بالدين هانعلى لفوق ولفوق
ونبقى فى تقدم وحال أحسن .معلش طولت عليكم والمواضيع دخلت فى بعض بس خلاصه الكلام إننا لازم نحاول نتمسك بالدين مثلما قال الحبيب رسول الله صلى الله عليه وسلم
تركت فيكم ما إن تمسكتم به لن تضلوا بعدى أبدا كتاب الله وسنتى .صدقت يا رسول الله

الصلاه والسلام عليك يا رسول الله .والسلام عليكم ورحمه الله وبركاته

[Abdo_Eldesokey]

والله المفروض الموضوع مكنش يتعمل عليه حملة ... لأنها فاشلة قبل ما تبدأ ...

السعودية حاجبين فيها المواقع دي كل الناس بتشتغل بروكسي ... الناس مش هتغلب وعالم النت كبير

الحل الوحيد هو الواعز الديني وإصلاح النفس ... غير كده مفيش حل

[osama]

انا موافق تماما على حجب المواقع الاباحيه ايضاً المواقع الحكومية

[samehafez]

انا موافق علي حجب المواقع الاباحية بس ياريت متكونشي حجة لحجب المواقع السياسية المعارضة بالمرة
هو برضة انا مش مختلف مع راي ان كل واحد رقيب علي نفسه بس رقابة المجتمع علي الفرد موجودة و مطلوبة و الا لو كدة نلغي القوانين و نقفل اقسام الشرطة و كل واحد مسؤول عن نفسة

بصراحة من وجهة نظري انا مش عاوزها تتحجب عشان الشباب .... انا كل همي الاطفال اللي بيقعدوا علي النت و بتكون الحاجات متاحة قدامهم و هم في السن الصغير ده

[وائل عطية]

انا موافق تماما على حجب المواقع الاباحيه
وحكاية رفقيب على نفسك دي...
مع الشباب بتكون صعبه
والا ماكنش شباب كتييييير ادمن المواقع الاباحيه

وبعدين ما نجيبش السمنه جانب النار ونقولها ماتسيحيش

ممكن شاب قاعد لوحده في البيت
وبيتفرج مثلا على فيلم عربي
ومش في دماغه او نيته انه يدخل اي موقع جنسي
وشاف منظر خليع في الفيلم(وما اكثرهم في الافلام)
حركت عنده الشهوه وسيطرت عليه
وهو في عز شبابه وعنفوانه والشهو هند الشباب جامده..

دي خلاصة الكلام وأتفق معك
من الأسباب المعينة على ترك المعاصي والتوبة، هو تغيير الصحبة ..لأن لو الصحبة كانت صحبة خير أكيد هاتعين على الخير والعكس بالعكس ..وطبعاً النت بقت صاحب أساسي وأصيل لكل منا ..فيبقى من الأساس لو نظفناها من المواقع الإباحية والشوائب اللي فيها أكيد هاتبقى أفضل من لوسبنا الحاجات دي ونقول كل واحد رقيب على نفسه.. لأ طبعاً أنا ماجبش النار جنب البنزين وأقول كده !!

[MMamdouh]

برضة الناس بتبص فى الحتة الغلط... فيه حد سواء شخص او مؤسسه يقدر يحجب كل المواقع الاباحية بشكل كامل و نهائى؟؟؟

طبعا لا

بالتالى مينفعش يكون هو دة الحل... الحل فى الناس نفسها... انتوا كدة زى اللى عندة سخونية فا بدل ما نديلة دوا رحنا غيرنا الترمومتر... و متوقعين تغير النتيجة

انا مش بقول انى ضد الحجب لكن بقول انه غير فعال بالمرة... و طول ما النفس مش على الصراط لا حيوقفها حجب ولا غيرة

ليه بنستسهل نغير اى حاجة غير نفسنا؟؟؟؟؟؟؟؟؟

MMamdouh

[وائل عطية]

لا يستطيع أحد أن ينكر أن الرقابة الذاتية وبواعث الاستقامة الداخلية لها الأثر الكبير في تحقيق الاستقامة
ولكن جنبا إلى جنب مع ذلك، يأتي تهيئة البيئة والتماس صحبة الخير ، فلا مانع إطلاقاً من تنظيف الإنترنت، ولا أعتقد أن ذلك بالأمر العسير ، لأنك على المستوى الشخصي يمكنك وضع برامج معينة على جهازك تحجب كل مايمت بصلة لهذه المواقع