تفكيرى صح ولا غلط ؟

[Esam Mosaad]

السلام عليكم

وكل سنه وحضرتكم بخير ورمضان كريم عليكم

انا بصراحه محتار فى موضوع وحبيت اخذ رايكم فيه

انا كنت خاطب ومحصلش نصيب والموضوع اتفركش فى شهر 10 الى فات
بدون الدخول فى تفاصيل
بقالى فتره وانا رايح الشغل وبيكون معايا العربيه بشوف عربيت الراجل الى كان اسموا حمايا مش عارف المصطلح الصحيح ليها ايه بس ما علينا
المهم انى بشوفها فى الجراج هوا جراج عمومى عليها كميه تراب تقول ان بقلها سنه واقفه
مره والتانيه والثالثه نفس الموضوع وبصراحه الراجل كان تعبان وظروفه الصحيه مش كويسه
اخر مره نزلت سالت السايس قالى بيجى كل اول شهر وترجمت عشان يدفع الفلوس

وبصراحه بفكر جديا انى اتصل اسئل على صحته ليس اكتر او اقل وافهمه القصه الى فوق ديه وان الغرص من اتصالى انى اسئل على صحته واقفل

ومتردد لانى مش عارف ايه رد الفعل مع انى متوقع الترحيب بس برضوا هل الى انا هعمله ده ليه لزمه او شىء كويس ولا لا يفضل وملهوش لزمه ؟

[minicooper20]

باشا السوال على المريض صدقه
اطمن عليه و مهما كان انتا كلت فى بيتو و دخلت
مفيهاش اى مشكله
بس المهم يكون غرضك السوال على صحه الراجل بس
هههههههههههههههه لئيم انا
اتكل على الله و اسل عليه

[gebreel]

اتصل يا باشا دي حاجة و دي حاجة و ان دل ده على شئ فهيدل على كرم اصلك و اخلاقك و لو هو فعلا مريض يبقى انت اخدت ثواب السؤال عليه و لو لأ يبقى انت اطمتت و في نفس الوقت تبقى عملت اللي عليك و متتصورش هتفرق مع الراجل قد ايه

لو كنا في عهد الرسول عليه الصلاة و السلام كان سأل عليه اكيد

[Esam Mosaad]

minicooper20

[color="rgb(65, 105, 225)"]يا باشا الله يكرمك فهمنى انت ديما
بس انا بعتذر انا بدل معمل معجب عملت غير معجب هيا بتتشال ازاى
والله انا الى محتاج يسال عليه انا مبقتش اشوف ههههههههههه[/color]

gebreel

ربنا يخليك يا باشا والله انا بقول كدا بس للاسف ناس كتير تفكيرها ضدى مش عارف ليه
مع ان غرضى والله السؤال
انا بس خايف ميفتكرنيش اساسا وديه تبقى مشكله وده لظروف الصحيه برضوا سعتها هعمل من بنها

[drmsadek1979]

اتصل عليه كنوع من فعل الخير

[Screenplays]

اسأل عليه عادي طالما الموضوع اتفركش و النفوس صافيه

[mazher_m]

باشا السوال على المريض صدقه
اطمن عليه و مهما كان انتا كلت فى بيتو و دخلت
مفيهاش اى مشكله
بس المهم يكون غرضك السوال على صحه الراجل بس
هههههههههههههههه لئيم انا
اتكل على الله و اسل عليه

[shaddadfalcon1]

شكلك ابتديت تحن يامعلم

[grand hand]

اتصل لاجل الخير بس اكيد اتصالك هيتفهم انك حنيت خصوصا لو خطيبتك السابقة لسه متخطبتش

[Esam Mosaad]

اتصل عليه كنوع من فعل الخير

اسأل عليه عادي طالما الموضوع اتفركش و النفوس صافيه

[COLOR="rgb(65, 105, 225)"]شكرا يا جماعه ربنا يخليكوا والله انا فعلا كنت متردد جدا بس بعد كلامكوا الواحد يعتبر اقتنع

[/COLOR]

شكلك ابتديت تحن يامعلم

هههههههههه فكرتنى باصاحبى لما بيقول طب والمصحف منا رادد
بس انا هرد عشان انت راجع زى العسل
لو رجعنا لفكره الموضوع اولا واخيرا هيا الحنيه او الذكريات الجميله
افتكر لو مكنش فى حنيه او ذكرى حلوه مكنش الواحد هيفكر انو يبص اصلا على العربيه الى منها بيدينى احساس انى اسئل على الراجل ده
بس اطمن هيا حنيه او بمعنى اصح محبه مفيش من وراها اى حاجه تانيه

اتصل لاجل الخير بس اكيد اتصالك هيتفهم انك حنيت خصوصا لو خطيبتك السابقة لسه متخطبتش

والله يا باشا هوا الموضوع اتفركش بلا رجعه وكل شىء نصيب بس ديه نقطه كويسه
ان شاء الله لو فكرت اتصل هيبقى وهوا بره بيته المفروض يكون فى شغله ده لو بيروح
لو فرضنا ان صحيا مش بينزل يبقى اتصالى هيكون الصبح يكون على الاقل الناس نزلت شغلها

[الغزالى]

مينفعش يا عصام بدون الدخول فى تفاصيل هنا .. افتكر الكلام الى اتقال لخالك اخر زياره

[mohammedabdallh]

مينفعش يا عصام بدون الدخول فى تفاصيل هنا .. افتكر الكلام الى اتقال لخالك اخر زياره

ايه يا غزالى انت جاى تهدى النفوس


يا كبير اتصل
والى يتفهم يتفهم
اعمل الخير ..........

[احمد المصرى]

فى كل الاحوال اتصالك غلط الا لو انت فعلا عايز ترجع تانى بس لو انت نسيت الموضوع فعلا بلاش تتصل خالص لان الموضوع اكيد هيتفهم بمعنى تانى خالص

[azmeralda]

اظن رد الفعل هنا هيكو ن متوقف على تفاصيل الموضوع من اوله لآخره
بس رغم ان ده خير وكل حاجة ممكن فعلا يتفهم غلط لأن اللى بقوا محترمين وبيعملوا لوجه الله الأيام دى قليلين شوية فمش بيتفهموا صح
مش ممكن تطمن عليه من اى حد مشترك بينكو ؟

[hussein]

روح زور اى مستشفى وبدل ماهتسأل على مريض هتسال على 10
ملهاش لازمة
ومصر فيها 40 مليون عيان زيهم زى الرجل دا (اقصد انهم ملهمش علاقة بيك)