إعـــــــلان

Collapse

.

,
See more
See less

موقف لمواجهه البلطجه ... جمد قلبك

Collapse
X
 
  • Filter
  • الوقت
  • Show
Clear All
new posts

  • موقف لمواجهه البلطجه ... جمد قلبك

    علي فكره البلطجيه دول اجبن خلق الله

    جمد قلبك انت بس مقولتش تخش في مواجهه مش معروف عقباها

    الموقف ده حصل يوم 28 يناير 2011 يوم انسحاب الشرطه

    مروح و دي كانت اخر مره اسوق فيها العربيه قبل ما تتسرق يومها بليل

    المهم اتلاقيت عربيه واحد جاري واقفه علي اليمين و حواليها 3 بلطجيه

    شكلهم غلط و شايلين مطاوي و ماسكين جاري من قفاه و هما بيقلبوا العربيه

    كنت ناوي اكبر دماغي و لكن قولت لا لازم اخد موقف

    ركنت العربيه بعيد شويه علي اليمين و نزلت

    الجزء اللي جاي حصل في ظرف 3 ثواني تقريبا

    طلعت الطبنجه الصوت و ضربت طلقه في الهوا

    طبعا البلطجيه اتحول انتباهم ليا

    مفيش الا طلقه واحده في الماسوره

    واحد منهم جاي جري عليا بمطوه قمت رازع المسدس في وشه

    جاري خطف المطوه من البلطجي التاني و رزعه بونيه في وشه

    التالت طلع يجري لما شاف المنظر ( قولتلكم عالم جبانه )

    كل ده في ظرف ال 3 ثواني

    اللي اكل المسدس وشه جاب دم

    اخدت الطبنجه من علي الارض و قمت رازع البلطجي ده شلوت في بطنه

    البلطجي التاني طلع يجري في الحاره التانيه من الطريق

    روحت علي العربيه و طلعت اجري وراه

    طبعا داخل عكس اتجاه لاني مشيت في نفس الحاره في اتجاه معاكس

    انا كنت ناوي ادوس علي اللي كان اكل الطبنجه في وشه

    حظه الحلو انه قام و جري في الحاره التانيه ورا صاحبه

    فضلت وراهم لكن معرفتش اجيبهم

    المهم رجعت لجاري و اطمنت عليه

    انا بحكي الموقف ده عشان الناس تجمد قلبها

    الكوميدي في الموضوع

    ان من بعد ما عربيتي اتسرقت

    جاري ده طلع علي الخليج و سابلي السيراتو بتاعته

    لان الراجل مكنش عارف يجازيني ازاي

    الحمد لله تم تعويضي عن سرقه العربيه

    بس كعيت شويه فلوس زي الفل ههههههههههههههههه

  • #2
    المشاركة الأصلية كتبت بواسطة screenplays مشاهدة المشاركة
    علي فكره البلطجيه دول اجبن خلق الله

    جمد قلبك انت بس مقولتش تخش في مواجهه مش معروف عقباها

    الموقف ده حصل يوم 28 يناير 2011 يوم انسحاب الشرطه

    مروح و دي كانت اخر مره اسوق فيها العربيه قبل ما تتسرق يومها بليل

    المهم اتلاقيت عربيه واحد جاري واقفه علي اليمين و حواليها 3 بلطجيه

    شكلهم غلط و شايلين مطاوي و ماسكين جاري من قفاه و هما بيقلبوا العربيه

    كنت ناوي اكبر دماغي و لكن قولت لا لازم اخد موقف

    ركنت العربيه بعيد شويه علي اليمين و نزلت

    الجزء اللي جاي حصل في ظرف 3 ثواني تقريبا

    طلعت الطبنجه الصوت و ضربت طلقه في الهوا

    طبعا البلطجيه اتحول انتباهم ليا

    مفيش الا طلقه واحده في الماسوره

    واحد منهم جاي جري عليا بمطوه قمت رازع المسدس في وشه

    جاري خطف المطوه من البلطجي التاني و رزعه بونيه في وشه

    التالت طلع يجري لما شاف المنظر ( قولتلكم عالم جبانه )

    كل ده في ظرف ال 3 ثواني

    اللي اكل المسدس وشه جاب دم

    اخدت الطبنجه من علي الارض و قمت رازع البلطجي ده شلوت في بطنه

    البلطجي التاني طلع يجري في الحاره التانيه من الطريق

    روحت علي العربيه و طلعت اجري وراه

    طبعا داخل عكس اتجاه لاني مشيت في نفس الحاره في اتجاه معاكس

    انا كنت ناوي ادوس علي اللي كان اكل الطبنجه في وشه

    حظه الحلو انه قام و جري في الحاره التانيه ورا صاحبه

    فضلت وراهم لكن معرفتش اجيبهم

    المهم رجعت لجاري و اطمنت عليه

    انا بحكي الموقف ده عشان الناس تجمد قلبها

    الكوميدي في الموضوع

    ان من بعد ما عربيتي اتسرقت

    جاري ده طلع علي الخليج و سابلي السيراتو بتاعته

    لان الراجل مكنش عارف يجازيني ازاي

    الحمد لله تم تعويضي عن سرقه العربيه

    بس كعيت شويه فلوس زي الفل ههههههههههههههههه
    10/10
    أنا نفسى أشترى طبنجة صوت
    هتعمل شغل حلو أوى
    بس الله ينور عليك
    لو كل الناس عملت زيك......البلطجية هيقلقوا...ومش هيتجرأوا أوى كدة
    بس للأسف.......الناس اللى مش هتقدر تعمل كدة....هم اللى هيتظلموا فى الموضوع ده
    التركيز هيبقى عليهم من البلطجية
    بس الله ينور بجد
    :Y_hi_3[1]:
    [CENTER] [/CENTER]
    Eng. Fahmy

    Comment


    • #3
      الله يخليك يا باشا

      و الله انا لحد دلوقتي مش عارف عملت كده ازاي

      خلاص الواحد قلبه مات

      بس لو كان معاهم سلاح ناري كنت هعمل فيها من طنطا اكيد ههههههههههههههه

      Comment


      • #4
        ممكن يكون البلطجى جبان ....
        بس لما يقرر يسرق بيبقى أكيد مرتبك و ممكن يقتل اللى عايز يسبتة من غير ما يقصد ....

        فى فيديو كنت شفتة من حوالى 4 شهور لواحد بلطجى قتل واحدة ست فى عز الضهر عشان يسرق عربيتها بس مش لاقية دلوقتى على ال you tube ....

        المهم وأنا بدور لاقيت كمية فيديوهات فيها بلاوى البلطجية فى بلدنا ... حاجة فظييييييييييييعة فعلآ ....
        البلد فيها أكتر من 500000 بلطجى عايشين حوالينا وهيزيدوا ....

        ومايزيدوش لية؟؟!!
        لا فى قانون يلم ولا شرطة تهم ....

        Comment


        • #5
          ربنا يطلعنا من البلد دي علي خير

          Comment


          • #6
            المشاركة الأصلية كتبت بواسطة screenplays مشاهدة المشاركة
            ربنا يطلعنا من البلد دي علي خير
            البلطجة ظاهرة مش موجودة فى مصر بس ....
            دة يمكن فى أوروبا وأمريكا البلطجية بيبقوا أعنف بكتييييييير من البلطجى المصرى ....

            Comment


            • #7
              امريكا و اوروبا فيها قانون بيتطبق علي الكل و طبعا اكيد في حالات كوسه و فساد بس قليله مش زي هنا

              Comment


              • #8
                والله العظيم طول عمري بقول كدة
                سواقين الميكروباز والبلطجية لان كلهم عينة واحدة دول اجبن ناس في الدنيا ومحدش مصدقني
                وفي الاخر يجي واحد لسة مسجل امبارح هنا يقولي اني بفبرك قصص وخيال كيبورد والكلام ده هههههههههههههههههههههههههههههههههههههههههههههههههه ههههههههههههه
                eng f3lix سابقا

                Comment

                Working...
                X