مقترحاتكم قبل افتتاح منتديات نايل موتورز لغير العربيات

[Karim_Monir]

السلام عليكم ورحمه الله
كيف حالكم يا اخواتي
كل عام وانتم بخير ورمضان كريم علينا وعليكم اجمعين
باذن الله احنا في الخطوات النهائية لافتتاح منتديات نايل موتورز الغير متخصصة بالسيارات
تصفيييييق عميـــــــــــــــــــــــــــــــــق :-)
والحمد لله بنشطب وبندهن الوش الاخير :-)
وبالطبع بما انكم اكبر مستخدمين واساس المنتدي
حابين ناخد رايكم في اي الاقسام تودو ان تكون موجودة في الاول
طبعا احنا قسمنا المنتدي تقسيم بسيط دلوقتي
اجتماعي واحوال وكرة قدم ورياضة وخيمة رمضانية ثقافية ووتتكنولجي من اول الكمبيوتر والسوفت والهاردة والموبايل والتابلت والخ
ايه طلباتكم تاني وايه دماغكم
في انتظار مقترحاتكم للظهور قريبا جدا ان شاء الله

[Hyper3G]

اولا مبروك التوسع فى منتديات نايل موتورز وان شاء الله من نجاح الى نجاح

انا اقتراح تخصيص اقسام لاعلانات البيع والشراء لكافة السلع
قسم للاخبار العامة التى تهم الاعضاء (سياسة .. اقتصاد .. رياضة .. الخ)
قسم اسلامى
قسم للمرأة
قسم للشباب الصغير
قسم للهوايات بأنواعها

لو افتكرت حاجة تانى هاقول

[Dr_Mido]

عايز ابص وم هقول لحد لون الحيطان ايه :d

[pro_samir]

بلاش احسن

صعب نجاح منتدي غير متخصص لأن مش هيكون فيه حاجه تجذب الناس للدخول

زود الأقسام اللي عايزينها تحت الاجتماعي افضل وبلاش كتر اقسام من الأول ، لما يتملي يتقسم .. مجرد رأي

[khaled_bibo]

هو اهم حاجة انه يكون فيه قسم للبرامج و ديه خليها عليا و اهم حاجة يبقى فيه قسم الاحوال و اللي في القسم هنا يعزلوا هناك طبعا بارادتهم و انا مؤيد للفكره بشكل كبيييييييييييير

[amrelsaqqa]

هو هيبقى منتدى مستقل ولا اقسام جديدة في نفس المنتدى ؟

لو اقسام جديدة في نفس المنتدى يبقى بلاش

[khaled_bibo]

هو هيبقى منتدى مستقل ولا اقسام جديدة في نفس المنتدى ؟

لو اقسام جديدة في نفس المنتدى يبقى بلاش

اظن منتدى لوحده

[michohat]

بلاش احسن

صعب نجاح منتدي غير متخصص لأن مش هيكون فيه حاجه تجذب الناس للدخول

زود الأقسام اللي عايزينها تحت الاجتماعي افضل وبلاش كتر اقسام من الأول ، لما يتملي يتقسم .. مجرد رأي

اؤيدك
الاقسام تبدء فى جزء من الاجتماعي وان كتب لها النجاح والاستمرار تستقل عن الاجتماعي

[drmsadek1979]

قسم للمغتربين خارج مصر

[OMAR61995]

قسم للجيمز (كمبيوتر- xbox 360 - PS3 )
قسم للهاردوير و السوفتوير
قسم للطلبة
قسم للهوايات

[OMAR61995]

قسم للمغتربين خارج مصر

فى قسم موجود فى الاجتماعى اسمه ملتقى المغتربين خارج مصر
ملتقى المغتربين خارج مصر - نايل موتورز - NileMotors.net

[eng/muhamad]

قسم عن تربيه الطيور و الحيوانات
عصافير بغبغان
كلاب قطط كده يعنى

[Ahmed Selim]

متنساش تعمل قسم للعربيات ههههههههه


قسم هوايات و يتقسم لآقسام فرعية زي حيوانات اليفة و تصوير و رسم و كده
قسم رياضة و فرعيات زي ما انت عاوز
قسم البرامج هل هيكون مسموح فيه بكراكات و لا ؟
قسم الهواتف المحموله و يتقسم اندرويد و ابل و سمبيان
قسم للوظائف
قسم للمغتربين و يتقسم حسب اكبر عدد متواجد يعني علي سبيل المثال المصريون في السعودية......المصريون في قطر و هكذا
و متنساش قسم للشيشة علشاني انا و كمال :-)

[friendship7897]

ألف مبروك ومن تطور لتطور إن شاء الله
بس هو منتدى لوحده ولا زيادة أقسام في منتدانا ؟!!
وياريت لو الإجابة دا أو دا - إضافة قسم خاص للمرأة بدل ما إحنا متشحطتين بينكم وبين فتكات

[me_medoo]

اولاً الف الف الف مبروك يا كريم باشا
ولو فيها سئالة لو تسيبلي قسم كده صغير على جنب ابيع فيه سندويتشات كبدة و سجوق وحاجة ساقعه يبقى كتر خيرك ههههههه لا لا بجد خبر جميل وبالتوفيق انشاء الله دائماً انتم مميزون
ومنتداكم مميز ومتئلق والى المزيد من الازدهار انشاء الله
@@@@@@@
انا عندي اقتراح صغير
انا شايف. ان في اقسام كتيرة لخدمة الاعضاء. ماعدى قسم واحد مش موجود
ألا وهو طلبات. الزواج والتوفيق راسين في الحلال
انا بعد ماشفت شباب زي الورد في العديد من المقابلات المنتدى بس مع الاسف
اغلبهم عزااااااااب وشفت كمان كتير من اولياء الامور في المنتدى
الي عندهم بنات في سن زواج .... فاقسام زي دي بتشد وبتمس العديد من الزوار
وبتبقى نسبة المشاهدة بتاعتها عاليه
ويابخت من وفق راسين في الحلال
@@@@@@@@
ايضاً قسم الموبايلات
وقسم البرامج والكمبيوترات
ممكن كمان قسم المطبخ العربي
لان المشكلة بنات كتير بتبقى عاوزة تخش المنتدى بس بتقولك ياعم وانا مالي
ده منتدى بتاع شباب وعربيات بس لمن تلاقي قسم المطبخ العربي او قسم الاكسسورات والمكياج وعالم الموضى على كام قسم ديني وتفسير الاحلام على قسم طلبات الزواج هتلاقيهم يتشجعوا. ويخشوا بقلب جامد وساعتها نكسب شريحة جديدة وكبيرة في المجتمع
وهو عنصر المراءة التي هيا نص المجتمع
@@@@@@@@@@
وتحياتي وبالتوفيق انشاء الله
والى المزيد من الاذدهار