سؤال ضرورى لدكاترة المنتدى .. والتخان يخشوا :)

[abdalah_hashem]

السلام عليكم ورحمة الله وبركاته

اول كل عام وكل المنتدى والامة الاسلامية بخير وسعادة وتكون لربنا اقرب كل عام عن العام اللى قبلة

دلوقتى فى سؤال للدكاترة

بالنسبة للناس الرفيعين بياكلوا مهما ياكلوا جسمهم مبيتخنش جرام واحد...... اية سبب دة ؟؟؟
الناس اللى جسمهما مليان شوية سواء خست او فضلت زى ما هى لو كلت كام يوم كدة بربع راحتها يعنى مش براحتها كاملة تقوم تتخن فى ثوانى .... اية سبب دة ؟؟؟

الناس اللى جسمها كان مليان شوية وخست ازاى بقى يوصل لمرحلة انة لما ياكل ميتخنش تانى ؟؟ او بمعنى اصح يبقى زى الناس الرفيعين دول اللى بياكلوا ومبيبنش عليهم انهم شربوا مياة حتى ؟؟؟؟

انا اكتئبت عايز لما اكل متخنش ازاى بقى انا مش هاكل براحتى خالص لاااااااا هاكل بعقل برضة بس مش هفضل صايم طول حياتى كدة !!!!!!!!!!!!!!!!11

من الاخر انا عايز ابقى نحييييييييييييف .... ازاى اوصل للمرحلة دية ؟؟؟ اية سبب لما اكل اتخن هو الرفيع احسن منى فى اية يعنى ؟؟؟ عندة اية مش عندى ؟؟؟

[abdalah_hashem]

لفوق

[AboELsoud]

من وجهه نظر الطب مقدرش اقول حاجه لاني مش دكتور

اما من وجهه نظر التجربه فانا كنت تخين من ساعه ما اتولدت و جيت في الثانويه خسيت جامد
و دلوقتي الحمد لله مفيش غير كرش بسيط كده

و من خلال خبرتي اقدر اقول ان اللي بياكل و ما بيتخنش دي بتبقى حاجه في الجينات او وراثه حتى لما بيتجوز مش بيطلع له الا كرش فقط ( شويه حسد )

اما الي جسمه قابل للزياده ( زي حالاتي كده )

فالرياضه و الحركه هي الموضوع الاساسي في الحوار ده
بمعنى بعد ما تخس ( اكل و رياضه طبعا ) و كله يبقى تمام
بتبدى تاكل طبيعي عشان وزنك يثبت مع رياضه منتظمه
طب عايز اكل اكله كبيره و جميله ؟؟
تقوم مزود الرياضه شويه عشان تحرق اكتر
طب مش عايز اعمل رياضه كتير ؟؟ يبقى تقلل الاكل شويه

بس كده هو ده اللي اعرفه و يا رب يبقى مفيد

[GMC]

بعيدا عن موضوع الرياضه والجهد وكمية الاكل في حاجه اسمها الهرمونات عند الشخص

في شخص بيبىق عنده نوع من الهرمونات لما يجي هوا وواحد تاني يا كلوا مثلا قطعة شوكلت

انت ممكن تاكلها وجسمك والخلايا الدهنيه تمتصها وتتحول لدهون وهو ممكن جسمه ميمتصش منها الا جزء صغير جدا

والباقي ينزل والي تم مصه هههههههههههههههه يتحرق في شكل حركه

عموما مش كل حاجه الاكل اولا لو عايز وزنك ينزل يبقى تكنسل حاجه اسمها سكر حتى لو سكر بدون سعرات

يعني انسى السكر نهائي مع الشاي او او او وكنسل الكولا كلها بانوعها السكر بيساهم بنسبة 30 %

في زيادة الوزن ,, ثانيا اللحوم حاول تاخد قطعه صغيره جدا وتكون من غير فاتس ولا مقليه في زبده والكلام ده

اللحوم بتساهم بنسبة 15 % في زيادة الوزن سواء لحوم بيضا او حمرا

الاجبان والحليب الكامل الدسم ده بيساهم بنسبة 15 % في زيادة الوزن

لو بتاكل مكسرات كاجو فصطق سوداني كنسلها او كلها بكميات قليله جدا لان فيها دهون عاليه

طبعا الرز والمكرونه بيساهم بنسبة 5 % في زيادة الوزن والمصريين مش مقصرين لازم كميه كبيره

العيش البلدي والحجات ديه بتساهم بنسبى 5 % في زيادة الوزن ومتنساش ان فيها خميره

ممكن تبدله بخبز الرجيم الاسمر ده

وطبعا متنساش ان عدم الحركه بيزود بنسبة 30 % من الوزن لان مفيش حاجه بتتحرق وتلاقي الديسكتوب كبرت

وكده بقى عندك سبب زيادة الوزن ولو جمعت النسب حتقلاقيها 100 %

وبكده مقدمكش غير انك تشرب ميه بس وانت حتبقى نحيف ههههههههههههههههههههههههههههههه

على فكره انا مشيت على نظام رياضي صارم لمدة شهرين كان وزني 130 بس مكنش باين عليا

عشان طولي 190 cm اصبحت 90 وبقيت ثابت عندها

لو بالكتير طلعت بكون 92 ولا 95 كيلو ومحدش يقولي بنزين 90 ولا 92 ولا 95 هههههههههههههههههه بجد وزني بيبقى كده مش عارف ليه D:

المهم مرحتش لل 80 والسولار ههههههههههههههه

وبرجع انزلهم تاني في اسبوع ولا حاجه وباكل الي انا عايز ه بس بكميات معقوله

الرجيم كان ............ لمدة شهرين ....... لو تحب تعرفه اقولك عليه بس خطير بس تستحمل ومفهوش تمارين رياضيه كتير

يدوب ساعه مشي في اليوم وشوية تماين بطن وصدر وباي وتراي وخلاص

وبردوا كان فيه حركه قبل الاكل بعملها عشان لو اكلت شويه صغيرين بحس اني شبعت وحركه بعد الاكل بحيث اني بعد ساعه ولا حاجه

احس اني شبعان بردوا

[Egyzizo]

كل بنى آدم جمسه متبرمج بعوامل متراكبة أهمها العوامل الجينية واللى بتخلي الجسم بيسعى إلى (ويحافظ على) وزن معين يخصه .. ، يعنى مصطفى متبرمج على 90 ، شريف متبرمج على سبعين ، وكمال متبرمج على 130 ، وهكذا ..

فى بحث علمى شيق جداً اتعمل على سؤالك ده ..
جابوا عشرة أشخاص من اللى بتحكى عليهم ، ياكلوا مهما ياكلوا وعمرهم ما يتخنوا .. وأكلوهم بالعافية ضعف ما يحتاجه جسمهم من سعرات حرارية لمدة شهر ، وفى الآخر الشهر كما هو متوقع مافيش واحد منهم زاد جرام ماعدا واحد بس زاد كام كيلو.

ولما بحثوا فى الاسباب لقوا ان بعضهم زاد معدل الحرق لديه (ربانى) فى نهاية الشهر بنسبة 30%
وبعضهم لما كانوا ياكلوا أكتر من احتياجهم يصابوا بسدة نفس وغثيان وأحياناً تقيؤ
وحتى الشخص الوحيد اللى زاد كام كيلو ، لما رجعوا له بعد انتهاء التجربة بأسبوعين لقوه خسهم من غير ما يعمل أى ريجيم.

هنقول ايه غير يا بختهم ..

[mohamedbook]

اعتقد فعلا انها هرمونات في الجسم هي الي بتحسم مستوي الزياده والنقصان
بس الاكل علية عامل اساسي يعين الرفيع لو ماكلش كويس هيختفي
والتخين لو كل كتير هيضرب ولو اكل قليل هينزل وزنه

[abdalah_hashem]

انا اصلا خسيت 30 كيلوا بس كنت تقريبا يوميا بمشى مسافة 8 كيلومتر غير الرياضات الجانبية اللى كنت بعملها فى البيت

لكن بعد ما خسيت الواحد نفسة بتطلب اكل فى اوقات غريبة رغم انة شبعان وبطنة مليانة ودة بيحصل من بعد العصر حتى بالليييييييييل بالاضافة لعدم توافر الوقت لعمل الرياضات دية او المشى

فعايز ابقى نحيف ولو كلت الغابات الاستوائية بكل ما تحتوية من حيوانات واشجار وفواكة وبنى ادميييييييين كمان ههههههههههههههههههههههههههههه متخنش ؟؟؟

يارب الرفيعين يتخنوا حاجة بسيطة تعادل طولهم مع وزنهم
والتخان يخسوا بنفس مقدار تخن الرفييعين ههههههههههههههههه

[amrelsaqqa]

موضوع الرفيعين اللى مهما ياكلوا ما يتخنوش

دى بترجع لمعدلات ال metabolism اللى هي الـ anabolism والـ catabolism

بالعربي معدلات الايض (البناء والهدم ) ، ودى لها عوامل كتير بتأثر فيها وخصوصا الوراثية ، وفي حاجات بتزود معدلات الهدم زي الشاى والقهوة

دى المعلومات اللى عندى لانى عندى نفس مشكلتلك بالظبط وكنت عايز اعرف سببها ، ( وطبعا انا مش دكتور، يعنى كلامى مجرد كلام سمعته قبل كدة )

[TARAXAN]

اعمل تحليل غدة thyroid gland
ابعتلي النتيجة وهاقولك الخطوة التانية

[M.ABDOU]

بعيدا عن موضوع الرياضه والجهد وكمية الاكل في حاجه اسمها الهرمونات عند الشخص

في شخص بيبىق عنده نوع من الهرمونات لما يجي هوا وواحد تاني يا كلوا مثلا قطعة شوكلت

انت ممكن تاكلها وجسمك والخلايا الدهنيه تمتصها وتتحول لدهون وهو ممكن جسمه ميمتصش منها الا جزء صغير جدا

والباقي ينزل والي تم مصه هههههههههههههههه يتحرق في شكل حركه

عموما مش كل حاجه الاكل اولا لو عايز وزنك ينزل يبقى تكنسل حاجه اسمها سكر حتى لو سكر بدون سعرات

يعني انسى السكر نهائي مع الشاي او او او وكنسل الكولا كلها بانوعها السكر بيساهم بنسبة 30 %

في زيادة الوزن ,, ثانيا اللحوم حاول تاخد قطعه صغيره جدا وتكون من غير فاتس ولا مقليه في زبده والكلام ده

اللحوم بتساهم بنسبة 15 % في زيادة الوزن سواء لحوم بيضا او حمرا

الاجبان والحليب الكامل الدسم ده بيساهم بنسبة 15 % في زيادة الوزن

لو بتاكل مكسرات كاجو فصطق سوداني كنسلها او كلها بكميات قليله جدا لان فيها دهون عاليه

طبعا الرز والمكرونه بيساهم بنسبة 5 % في زيادة الوزن والمصريين مش مقصرين لازم كميه كبيره

العيش البلدي والحجات ديه بتساهم بنسبى 5 % في زيادة الوزن ومتنساش ان فيها خميره

ممكن تبدله بخبز الرجيم الاسمر ده

وطبعا متنساش ان عدم الحركه بيزود بنسبة 30 % من الوزن لان مفيش حاجه بتتحرق وتلاقي الديسكتوب كبرت

وكده بقى عندك سبب زيادة الوزن ولو جمعت النسب حتقلاقيها 100 %

وبكده مقدمكش غير انك تشرب ميه بس وانت حتبقى نحيف ههههههههههههههههههههههههههههههه

على فكره انا مشيت على نظام رياضي صارم لمدة شهرين كان وزني 130 بس مكنش باين عليا

عشان طولي 190 cm اصبحت 90 وبقيت ثابت عندها

لو بالكتير طلعت بكون 92 ولا 95 كيلو ومحدش يقولي بنزين 90 ولا 92 ولا 95 هههههههههههههههههه بجد وزني بيبقى كده مش عارف ليه d:

المهم مرحتش لل 80 والسولار ههههههههههههههه

وبرجع انزلهم تاني في اسبوع ولا حاجه وباكل الي انا عايز ه بس بكميات معقوله

الرجيم كان ............ لمدة شهرين ....... لو تحب تعرفه اقولك عليه بس خطير بس تستحمل ومفهوش تمارين رياضيه كتير

يدوب ساعه مشي في اليوم وشوية تماين بطن وصدر وباي وتراي وخلاص

وبردوا كان فيه حركه قبل الاكل بعملها عشان لو اكلت شويه صغيرين بحس اني شبعت وحركه بعد الاكل بحيث اني بعد ساعه ولا حاجه

احس اني شبعان بردوا

يا ريت تقوله لانى انا محتاج فعلا اخس الرقم ده 30 كيلو لانىعندى خشونه فى الركبه وانزال وزنى شيىء اساسى طبعا فى العلاج

[abdalah_hashem]

التخن دة نقمة والله الواحد تعب

[A7MED_PHARMA]

الجسم بيحافظ على التوازن الطبيعي
بين عملية بناء البروتين .. وعملية حرق البروتين
بغدة إسمها الغدة الدرقية thyroid gland
تمام

بتفرز هرمون إسمه thyroxin
تمام

الهرمون ده لما بيزيد ---------> بيزود حرق البروتين والدهون .. وهنا التوازن بيختل .. والوزن بيقل نتيجة لحرق الدهون بزيادة
الحالة دي إسمها hyperthyrodism


الهرمون ده لما بيقل ---------> بيقلل حرق الدهون وهنا التوازن بيختل .. والوزن بيزيد مع اقل اكل
الحالة دي اسمها hypothyrodism




خلاصة الهري ده كله
إنك غالبا عندك نقص في الهرمون .. تعمل تحليل لمستوى الهرمون ولو طلع قليل عن الحد الطبيعي
تاخد أقراص اسمها التروكسين 50 .. قرص واحد في اليوم ..وبيتم زيادة الجرعة حسب مستوى الهرمون عندك
.
ماتخدهمش من نفسك
يعني ماتروحش تجيب علبة .. وتاخد منها.. هي هتخسس هتخسس
بس هتخسس على حساب حاجات تانية كتيرررررررررر أوووووووووووووي

لازم
تعمل
تحليل
دم
وتشوف
مستوى
الهرمون
الي
اسمه
ثايروكسين
كام


بس

[TARAXAN]

دكتور احمد ياريت تقولة ان علاجك ممكن يقلل الخصوبة وممكن يسببلة عقم :-/

[waelfarid]

طب يادكتور احمد الحاجات الكتير دي لومثلا مثلا يعني ذكرتها حناخد ......من المن........ولا ايه ومدي الثيروكسين دا من كام لكام وتبقي الجرعة قد ايه ولها علاقة بال bmi اصلي راسم علي معلومة ببلاش هههههههههه

[waelfarid]

يعني الرفيعين مبيخلفوش علشان الثيروكسين عندهم زي الفل والتخان ارانب
ارزاااااق