استراحه من المنتدي

[Screenplays]

شكرا اخي العزيز مازيراتي و ليا الشرف انك بتعتبرني اخوك الصغير

احمد فارما ... شكرا علي حياديتك

محمد شنوري ... انا مش زعلان من طريقه كلامك اخر مره و مقدر موقفك

احمد مقلد ... يا ريت تكون مقتنع ان ده حوار معمول فيا و لو كنت رديت علي مكالماتي كنت عرفت التفاصيل صح و عرفت ان الاعضاء دول موجودين هنا و هناك و انا مستحيل اعمل اي موضوع بيع او شراء بدون اذن مسبق من صاحبه

اي حد يتلاقي اي اعلان باسمي او برقمي في اي حته و هو متكلمش معايا قبل كده يعرف ان مش انا اللي عامل الاعلان ده نهائي و غير مسئول عنه

خلاصه الموضوع

انا حر فيما اكتبه و محدش رقيب علي ما اكتبه الا الاداره هي الوحيده اللي ليها الحق تحاسبني مش اي عضو يدخل يتكلم و يقول انت عملت و معملتش

انتقد الاخوان انتقد مرسي اقول الشاطر جاب فلوسه منين ... اقول اللي انا عايزه و الفيصل هي الاداره

اي عضو مش عاجبه كلامي يتفضل شاكرا بعمل شكوي و ارسال تقرير بمشاركه سيئه

اللي مش عاجبه كلامي برضه يحطني في قايمه التجاهل و هكون سعيد بذلك

مش من حق اي عضو الهجوم الشخصي عليا طالما موجهتلوش كلام اصلا

اي عضو اقوله متتكلمش معايا تاني اتمني يخلي عنده دم و احساس و ميتكلمش معايا تاني احتراما لرغبتي

عيب الغمز و اللمز ... عيب الشتيمه و التريقه و انت قاعد قدام شاشه كومبيوترك ... عندك كلمه قولهالي في وشي و افتكر ان كل واحد ربنا بيحاسبه علي كلامه

الاخوان و السلفيين اللي بعض الاعضاء بيستموتوا في الدفاع عنهم يا ريت يفتكروا انهم مش فوق مستوي النقد و فعلا فيهم ناس عايزه الاعدام و محدش بياكل من وراهم عيش عشان الاستماته في الدفاع عن قضيه خسرانه اصلا و هو ده سبب الهجوم و كله عارف الحكايه دي علي فكره

مش من حق اي عضو انه يتطفل علي حياتي الخاصه او علي توجهاتي او يعد يدور في مشاركاتي او يعد يقولي انت عملت موضوع كذا او ليك عضويه كذا ... متتدخلش في حياتي الخاصه و في شغل الاداره لو سمحت و كل واحد ياريت يخليه في حاله

العضويه القديمه اللي اتوقفت دي كانت في 4 سنه 2010 و يا ريت الناس تبص علي التواريخ كويس ... الشركه اتفتحت 6 2010 .... انا مش مجبر اقول الكلام ده لحد اصلا لانه ميخصش حد و لكن توضيحا للامور

معلش علي صراحتي و اظن الكلام بالاصول و الاصول متزعلش

انا دخلت اكتب الكلمتين دول عشان خاطر الاعضاء المحترمين اللي موجودين و ياريت الناس متنساش الخط الرفيع بين الصراحه و الوقاحه ... بين الادب و الهبل

كلمه اخيره

بعتذر لاداره المنتدي علي اتهامي ليها بعدم الحياديه و لكن اتمني تطبيق القواعد بحزم اكتر من كده عشان بعض الاعضاء ترتدع و ان شالله يتوقف مليون عضو ... المنتدي مش بيقف علي حد

شكرا

[ahmad--ezzat]

انا ماشي ياسعاد
انا ماشي خلاص
انا ماشي اهو
بصي شايفاني وانا ماشي
انا خلاص همشي
همشي خلاص
والله العظيم همشي
طيب انا مشي

يووووووووووووووه اصلي نسيت الشراب وهمشي علي طول عشان اريح

هو دة كان فيلم ايه يا باشا !!!!
فكرنى كده

[grand hand]

هههههههههههههه

[TFSI]

هو دة كان فيلم ايه يا باشا !!!!
فكرنى كده

كان فيلم ماما زمانها جاية جاية بعد شوية جايبالى لعب وحاجات وهاتدينى مصروف

[ahmad--ezzat]

كان فيلم ماما زمانها جاية جاية بعد شوية جايبالى لعب وحاجات وهاتدينى مصروف

هههههههههههههههههههههههههههههههههههه

لا بجد

اعتقد كركون فى الشارع

[dodo2000]

ده الاستراحة الى بين شوطين الماتش بتكون اطول من كده

[Screenplays]

اتمني غلق هذا الموضوع

طلب شخصي من الاداره

[TFSI]

أتمنى من الإدارة عدم غلق الإستراحة دى عشان عجبانى ومستريح
مين معايا نعمل تصويت

[Screenplays]

و الله عالم فاضيه

[TFSI]

فعلاً عالم فاضية وقاعدة فى الفسحة جنب ماما

التهكم والهجوم على الاعضاء يعتبر مخالفة للقاعدة رقم 12 من قوانين المنتدى
لذا تم حصولك على انذار مع ايقاف لمدة اسبوع واضافة نقطتين الى ملفك
مشرف 4ب

17/7/2012
11.50 pm

[dodo2000]

فعلاً عالم فاضية وقاعدة فى الفسحة جنب ماما

ههههههههههههههههههههههههههه

من بعد الثورة و قبل الثورة و احنا فاضيين

[Screenplays]

فعلاً عالم فاضية وقاعدة فى الفسحة جنب ماما

اقسم بالله لو جبت سيره والدتي تاني علي لسانك مش هيحصل طيب ... قولي اللي انت عايزه امين ... تجيب سيره اهلي مش هسكتلك

اظن كلامي واضح

و لاخر مره بقولك معنتش ترد علي اي كلام ليا احسن

هي حصلت بنجيب سيره الاهالي في الكلام كمان ؟

[ahmad--ezzat]

ياريت الموضوع يتقفل عشان نخلص

[l0new0lf]

سلاماً

مش المفروض تنزل بالآيه كامله عشان الناس تستفيد!!!

[ahmad--ezzat]

مش المفروض تنزل بالآيه كامله عشان الناس تستفيد!!!

عارفنها كلنا

(وعباد الرحمن الذين يمشون على الارض هونا واذا خاطبهم الجاهلون قالوا سلاما)