اخوكم حيتسرح في الشارع قريب ....

[CryptonX]

السلام عليكم ..
الحمد الله ...

باختصار كدة .. اخوكم مهندس معماري من 2005 .. و بيشتغل في مكتب متخصص في "الاظهار المعماري" و "الكتالوجات" و "الماكيتات" الخاصة بالمشاريع العقارية من ساعتها ... و مغيرتش شغلي لان الحمد الله كنت مرتاح نفسيا ... و صاحب العمل كان بيعملي كانه ابنه يعني ..

للاسف الشديد بعد الثورة .. السوق وقف نسبيا ..(هو مكانش ماوشي اوي) .. , بقى الشغل موجود بس يادوبك على ادي انا و مهندس تحتية و صاحب العمل و 2 محاسبين و فراش ...

كان دايما يقولي لو حصلي حاجة عايزك تكمل باسمي و تبقى شريك في المكتب . و كنت بدات فعلا اقابل العملاء و اجيب انا الشغل و اتناقش في الاسعار و اتخانق على التسليم و القصص دي ... وكنت باخد نسبة صغيرة ولكن الحمد الله مرضية من الارباح

لكن للاسف الشديد ... توفى مديري و صاحب العمل يوم الاربعاء الماضي بدون اي سبب حقيقي .. الراجل صحي يصلي الفجر ... توفى جنب السرير .. الله يرحمه و يدخله فسيح جناته ..

المهم انا كنت تقريبا قايم ب 95% من جميع الاعمال ... و هو كان بيجيب الشغل بس و يتفق على المواعيد و الاموال ..

اولاده مترددين خصوصا بعد ازمة السوق الحالية ... في استكمال المكتب ولا غلقه تماما ...
وللاسف الشديد انا اشتريت سيارتي الجديدة بالتقسيط بعد التشجيع منه و كان كتر خيره بيدفعلي تقريبا 40% من ثمن القسط زيادة على مرتبي لمحاولة مساعدتي يعني ..

وطبعا انا مفيش اي عمل دلوقتي الا حاجات بسيطة يا اما حاجات حتلخلي ابدء من الصفر ثاني ...
مش عارف اعمل ايه بصراحة ...

لسة لم اجلس مع اولاده خصوصا انهم في حالة صدمة حالية ...
اصدقاء اقترحوا عليا اني اقنعم يمولوا مرتبات المكتب 6 شهور قدام مثلا ونشوف عرفنا نجيب شغل ولا لأ ..
اصدقاء تانيين اقترحوا اخد انا المكتب منهم و اعفيهم تماما من اي مصاريف مقابل نسبة كبيرة ليا (لكن للاسف انا لا املك اي راس مال علشان اصرف منه على المكتب).

اصدقاء اخريين اقترحوا اني اطلب مكافئة لنهاية الخدمة كتعويض عن غلق المكتب ...

و في راي بيقولي اكون انا مكتب بتاعي خالص واعتمد على علاقاتي القديمة في اني اجيب شغل .. بس حنرجع لنفس النقطة .. .مفيش راس مال اصلا ...

باختصار وصية الراجل اني اكمل باسمه .. بس الورثة لسة مش راسيين على حل .. لو اني حاسس انه بنسبة 80% حيفضوا المكتب ...

تعملوا ايه لو مكاني ؟؟؟

[ahmedeihab]

الحل الامثل فى مثل هذه الامور خصوصا انك بتتعامل مع ناس واخده قرار

قدامك حاجه من دول :

اولا : اللى ملوش لزمه فى المكتب ياخد نصف الراتب بتاعه و دى حاجه متزعلش بدل ما تقعدوا كلكوا فى البيت

ثانيا : تطرح عليهم فكره انكوا هتشتغلوا بنص الراتب بتاعكوا مقابل ان لو فيه شغل ليكوا نسبه من الارباح لا تقل عن 20 % ( عموله يعنى )

ثالثا : تاخد قرض من البنك طويل الاجل ( لو انت ضامن 100 % انك هتنجح علشان متلبسش فى الحيطه )

رابعا : لازم افراد المكتب يتجمعوا كلهم فى تواجد اصحاب المكتب و تبحثوا فى الكلام ده و كل واحد يقول اقتراح

خامسا و ده الاهم :

ربنا معاك و يوفقك و ان شاء الله هتقف على رجليك تانى و تبقى فى احسن حال

^_^

[moner]

صلي صلاة إستخاره

[Evo]

ابعتلي دراسة جدوى للمصروفات والارباح وتصورك لمشاركتك في المكتب مع شريك خارجي وأنا هشوف ممكن نعمل إيه مع بعض إن شاء الله لأن لو هيفضوا المكتب ممكن ناخده أنا وإنت

[أحمد كمال]

ربنا يوفقك يا كريم ...... الرزاق ربنا و الرزق بيد الله ........ رزقك و رزق اهلك و رزق اهل المدير الله يرحمه مكتوب عند الله


اصبر اما يفوقوا من الصدمة و اتكلم معاهم

[Screenplays]

بص يا باشا

وصيه الراجل غير ملزمه لانها مش مكتوبه مثلا

شوف ولاده ناويين يعملوا ايه و دوس معاهم

بالنسبه للعربيه

مقدرش افتيلك

شوف احتياجاتك و مقدرتك الماديه

[assaf]

ربنا ييسر لك امورك
احسن حاجه انك تكلمهم بفكره تمويل المكتب فتره لحد ماتشوفو الوضع ومن دلوقتي دور علي شغل و شوف السوق عايز ايه تحسب لاي وضع وربنا يكرمك

[alfath8]

ان شاء الله ربنا هاييسرك امورك وكل حاجة هاتمشى تمام

[تامر.محمد]

الحقيقة ان اسم المكتب يساوي فلوس و موقعك فيه بالتالي يساوي فلوس داخلة لك

اتمنى ما تتنازلش عنهم , حتى لو هاتضطر تبيع العربية

[mody3on]

بص يا باشا

وصيه الراجل غير ملزمه لانها مش مكتوبه مثلا

شوف ولاده ناويين يعملوا ايه و دوس معاهم

بالنسبه للعربيه

مقدرش افتيلك

شوف احتياجاتك و مقدرتك الماديه

يعني لو هيفضوا المكتب هيدوس معاهم ازاي يعني ؟
--------
ربنا معاك ان شاء الله يا كريبتون وتطلع من المحنة دي ، حاول تبعت ال cv بتاعك لشركات بره وتشوف فرص عمل في الفترة دي

[hossam165]

الحقيقة ان اسم المكتب يساوي فلوس و موقعك فيه بالتالي يساوي فلوس داخلة لك

اتمنى ما تتنازلش عنهم , حتى لو هاتضطر تبيع العربية

اؤيد هذا الراي تماما
هو ده اللي لازم تحاول فيه اذا تأدكدت تماما انهم مش عاوزين المكتب
مع الترتيب مع من في المكتب انهم لازم يساعدوك توقفو المكتب علي حيله
بس نصيحة لا تخبرهم ما في نيتك الا بعد ترتيب امورك مع ابناء الراجل صاحب المكتب ربنا يكتبله الرحمة

[MASERATI]

السلام عليكم و رحمة الله و بركاته

هو حضرتك ماتقدرش بأى حال من الأحوال خاااااالص, أنك تاخد المكتب لحسابك ؟؟؟؟

يعنى أنا مافهمش فى شغلك و ماعرفش هتحتاج رأس مال أد ايه و كده, بس حاول أنك تدبر رأس المال -لو تقدر- و تاخد المكتب, غير كده, خليك فى الشغل لحد ما أولاده يتخذوا قرار و ان شاء الله, أيا كان القرار ده, أكيد هيكون فى مصلحتك و فيه خير ليك, و عشان تبقى واخد بالأسباب, دور على أى فرصة عمل تانية من دلوقتى سواء جوه مصر و لا بره مصر و ان شاء الله, ربنا هييسرلك الأحوال.

بالتوفيق ان شاء الله و ابقى طمننا عليك.

[sas5]

اخى العزيز السلام عليكم ورحمه الله
اول شى ضرورى محاوله البحث عن بيع السياره لان القسط سوف يكون عبء عليك.
وبيع السياره سوف يعطيك بعض السيوله الماليه التى قد تساعدك فى اتخاذ اى قرار

[Land_Cruiser]

بص حضرتك مبدأيا لازم تدور على فرصه عمل فى مكان تانى بسرعه و تخلليها معاك كحل بديل ترجعله عند الضرورة خاصه و ان هناك احتمال ان المكتب لاقدر الله يقفل. انا عارف ان موضوع البحث عن عمل اليومين دول صعب بسبب ظروف السوق لكن اعمل اللى عليك و اجتهد فى البحث فى الداخل و الخارج و محدش عارف الخير فين و موضوع البحث ده اللى ممكن يسهله لحضرتك العلاقات اللى كونتها من خلال عملك ممكن تستغلها فى البحث داخل نفس مجالك و ده لو تريد العمل داخل مصر و لو عايز رأيي حاول تدور على فرصه خارج مصر و خاصه ان الحاله الاقتصاديه غير مستقره و ده حتى مع الشركات الكبيره و بكده تقدر تجمع رأسمال محترم تقدر ترجع و تفتح به الشركه اللى نفسك فيها و احتمال حتى تكون الأوضاع الاقتصاديه اتحسنت فتلاقى مشاريع تعملها. يعنى باختصار استغل فتره الكساد دى فى العمل فى الخارج و الادخار لتكوين رأسمال تقدر تبدأ به تحقيق حلمك و ربنا يوفقك لما فيه الخير و اعلم من داخلك ان محدش بيرزقك غير ربك لا صاحب المكتب و لا اولاده و لا أى مخلوق

[CryptonX]

الحل الامثل فى مثل هذه الامور خصوصا انك بتتعامل مع ناس واخده قرار

قدامك حاجه من دول :

اولا : اللى ملوش لزمه فى المكتب ياخد نصف الراتب بتاعه و دى حاجه متزعلش بدل ما تقعدوا كلكوا فى البيت

ثانيا : تطرح عليهم فكره انكوا هتشتغلوا بنص الراتب بتاعكوا مقابل ان لو فيه شغل ليكوا نسبه من الارباح لا تقل عن 20 % ( عموله يعنى )

ثالثا : تاخد قرض من البنك طويل الاجل ( لو انت ضامن 100 % انك هتنجح علشان متلبسش فى الحيطه )

رابعا : لازم افراد المكتب يتجمعوا كلهم فى تواجد اصحاب المكتب و تبحثوا فى الكلام ده و كل واحد يقول اقتراح

خامسا و ده الاهم :

ربنا معاك و يوفقك و ان شاء الله هتقف على رجليك تانى و تبقى فى احسن حال

^_^

شكرا يا استاذ احمد, والله ححاول ادرس معاهم كل الحلول لما نقعد ... ربنا يستر.

ابعتلي دراسة جدوى للمصروفات والارباح وتصورك لمشاركتك في المكتب مع شريك خارجي وأنا هشوف ممكن نعمل إيه مع بعض إن شاء الله لأن لو هيفضوا المكتب ممكن ناخده أنا وإنت

والله يافندم لو هما يوافقوا على مشاركة مع شريك خارجي انا معنديش اي مانع .. بالنسبة للدراسة اديني شوية وقت علشان حاليا انا "غارق" في الحسابات و بواقي الشغل و بواقي الاموال الي عندنا برة و الي علينا برة .. لاني مكنتش ليا علاقة بحسابات الشركة خالص و مرة واحدة بقى كله فوق دماغي ..

بس بنظرة سريعة على 2011 كدة ... ارباح الشركة صافي في 2011 (ودي كانت سنة منيلة بنيلة يعني .. ) كانت حوالي 500 الف جنيه مصري (صافي 100%)

المصاريف بنسبة 90% ثابتة شهريا حوالي 16 الف جنيه ( حوالي 190 الف جنيه في السنة) و دول

ربنا يوفقك يا كريم ...... الرزاق ربنا و الرزق بيد الله ........ رزقك و رزق اهلك و رزق اهل المدير الله يرحمه مكتوب عند الله


اصبر اما يفوقوا من الصدمة و اتكلم معاهم

انا والله اقولك ايه .. الحمد الله حتى مش خايف يعتي ... عارف ان شاء الله ان شاء الله ان في خير مهما حصل سبحان الله...

المدام بتشتغل هي كمان ... وانا ليا شغل خارجي بس مش كبير اوي ... يعني في اسوء الظروف لو بعت العربية علشان الاقساط .. حنعيش يعني الحمد الله مؤقتا لحد مالاقي حاجة تانية ...

بص يا باشا

وصيه الراجل غير ملزمه لانها مش مكتوبه مثلا

شوف ولاده ناويين يعملوا ايه و دوس معاهم

بالنسبه للعربيه

مقدرش افتيلك

شوف احتياجاتك و مقدرتك الماديه

ماهو كل حيتحدد ... بس الفكرة انا صعبان عليا نفسي ...ليه ؟
انا بشتغل زي ماقلت من 2004 ... جات كام فترة المكتب كان ميت فيهم تماما .. وكنت انا المهندس الوحيد ... جالي عرضين مرة واحدة بنفس المرتب و التاني ازيد شوية .. بس الاتنين كانوا عايزين امشي خلال اسبوع .. , لو كنت عملت كدة في صاحب المكتب كان حصله حاجة ... فرفضت امشي .. ولائا مني ليه و خصوصا انه مش مقصر في حاجة معايا ...

بس حتصعب عليا نفسي اوي ... لما اضحي بشغل برة مصر و جوة مصر في شركات احسن ... و مرتبات احسن علشان العشرة و الوفاء .. و لما الراجل يتوفى ... محدش يفكر بنفس المبدأ ويرموا المكتب بالي فيه في الشارع ...

دي اكثر حاجة مضايقاني بصراحة ...

ربنا ييسر لك امورك
احسن حاجه انك تكلمهم بفكره تمويل المكتب فتره لحد ماتشوفو الوضع ومن دلوقتي دور علي شغل و شوف السوق عايز ايه تحسب لاي وضع وربنا يكرمك

ماهو ده الحل المنطقي الوحيد الي انا شايفه ... 5-6 شهور كدة على الاقل .. ححاول انحت الحجر علشان اخد شغل ... وفي نفس الوقت ادور على شغل تاني علشان احلق اعمل حاجة قبل انتهاء المدة ..

ان شاء الله ربنا هاييسرك امورك وكل حاجة هاتمشى تمام

الله يكرمك يا باشا

الحقيقة ان اسم المكتب يساوي فلوس و موقعك فيه بالتالي يساوي فلوس داخلة لك

اتمنى ما تتنازلش عنهم , حتى لو هاتضطر تبيع العربية

ده صحيح يا تامر .. بس الي عايز اقولهولك .. ان معظم الشغل الي كنا بناخده مش بناخده علشان اسم المكتب .. كنا بناخده علشان علاقات صاحب المكتب الله يرمحه بأكبر عميل عندنا.

وفي 80% من الوقت كانوا بيديلوه الشغل يا علشان العشرة برده .. يا اما علشان الوقت .. واحنا كنا نتميز بموضوع الوقت ... يعتي الي اي حد يخلصه في شهر ... نخلصه احنا في اسبوع !

ربنا يسهل يارب ..