شواية الفحم

[م/محمد صلاح]

السلام عليكم يا رجاله

اخوكوا مزنووووق ... عايز اجيب شواية فحم يتشوى عليها فراخ ولحمه واللذى منه كل سنه وانتوا طيبين

من شهر روحت كارفور لقيتها هناك ب 800 جنيه ... طبعا صباح الهبل ... الخامه رديئه جدا جدا جدا وماتستحملش حاجه ... يعنى القعده بتاعتها هاتشوى عليها شهرين تلاته وهاتدوب من السخونه وهاتقع

ماحدش يعرف مكان اعملها عنده او اشتريها منه ؟؟

المطلوب شوايه كبيره برجلين طويله عشان اللى هايقف يشوى مايتعبش من الوقفه وكمان يبقى جمبها زى استاند يتحط عليه الحاجه قبل ماتتشوى ... يعنى اللى شاف بتاعة كارفور انا عايز زيها بس خامه اقوى واحسن

وجزاكم الله خير

[Ghosts]

مفيش أطعم من الأكل وهو مشوى على الفحم ....
بس يا خسارة أخطر حاجة على الصحة هو الأكل المشوى على الفحم ...

روما - يعتبر شوي اللحم الأحمر على الفحم أسوء عدو للمعدة لا بل أنه العامل الرئيسي في خطر تطوير سرطان المعدة. ويشير الباحثون الإيطاليون الى أن المتهم الأول في ذلك هو القسم "المحروق" الموجود على شريحة اللحم المشوي كونه يحوي مواد الهيدروكربون الخطرة على الصحة. وينصح الباحثون اقتطاع الجزء المحروق من اللحم المشوي وعدم المبالغة في أكله.

فالإفراط في استهلاك اللحم الأحمر(بخاصة المشوي) وعدم أكل كمية كافية من الخضار والفواكه يقف وراء خطر تطوير سرطان المعدة.

منقووووووووول ....

[م/محمد صلاح]

مفيش أطعم من الأكل وهو مشوى على الفحم ....
بس يا خسارة أخطر حاجة على الصحة هو الأكل المشوى على الفحم ...

روما - يعتبر شوي اللحم الأحمر على الفحم أسوء عدو للمعدة لا بل أنه العامل الرئيسي في خطر تطوير سرطان المعدة. ويشير الباحثون الإيطاليون الى أن المتهم الأول في ذلك هو القسم "المحروق" الموجود على شريحة اللحم المشوي كونه يحوي مواد الهيدروكربون الخطرة على الصحة. وينصح الباحثون اقتطاع الجزء المحروق من اللحم المشوي وعدم المبالغة في أكله.

فالإفراط في استهلاك اللحم الأحمر(بخاصة المشوي) وعدم أكل كمية كافية من الخضار والفواكه يقف وراء خطر تطوير سرطان المعدة.

منقووووووووول ....

اشكرك على المعلومه بس بره بيشوو اللحمه تخينه قوى وبتفضل من جوه حمرا فعلا انما احنا بنعملها شرايح رقيقه جدا او كفته وبنسويها كويس ومابنحرقهاش كمان زيهم هما بيضطروا يحرقوها عشان تستوى

[SHNORY]

ممكن تروح لحداد يعملهالك زي ما انت عاوز
او تجيب شوايه من الصاج العاديه وتحطها علي حاجه رجليها عاليه
وفي كل الاحوال لازم تحط طبقه رمل الاول تحت الفحم
اولا علشان تحمي قاعده الشوايه
ثانيا علشان تشرب الدهون اللي بتنزل في عمليه الشوي

[egyptiandiver]

حضرتك جيب شواية كهربا.... صحية أكتر

[ibn_seena]

اي حد بيشتغل في الكريتال ممكن يعملك واحده استانلس. .. لا هتصدي ولا هتتاثر بالحراره

[A7MED_PHARMA]

ممكن تروح لحداد يعملهالك زي ما انت عاوز
او تجيب شوايه من الصاج العاديه وتحطها علي حاجه رجليها عاليه
وفي كل الاحوال لازم تحط طبقه رمل الاول تحت الفحم
اولا علشان تحمي قاعده الشوايه
ثانيا علشان تشرب الدهون اللي بتنزل في عمليه الشوي

او يشتري الشواية بتاعت المنتدى بــ 500 ج بسسسسسس

[w-m-a]

سعادتك تنزل باب الخلق وراء المديريه هتلاقى اشكال والوان من الشويات من اول اللى بتتحط على السفره لغايه بتاعه الكبابجى وكملن هتلاقى كل مشتملاتها اسياخ ومراوح ومدخنه الخ
وكمان هتلاقى شمسيات وكراسى البحر والحديقه
وقماش خيم رمضان وشيش
عيش حياتك هناك يا باشا
وشوف عبق التاريخ
وكل عام وانتم بخير
الهم بلغنا رمضان
ودعواتك

[chicobon]

ممكن تشتريها من عند اي محل بيبيع فحم بس هيكون عادي شويه و بس من غير الي انت بتقول عليها

[Bonanza]

الشوايات المحترمة اسعارها غالية اوي

لو دخلت الفا ماركت هاتلاقي حاجات بألف و اتنين

من ييجي اكتر من 6 سنين مثلا كنت في سوق الجمعة و لقيت شواية من النوع المحترم و اشتريتها كانت تقريبا بـ 100 جنيه

بس حاجة محترمة و بعجل و كام دور و كده

فكرة انك تعملها عند حداد دي احسن و اقوي حاجة و هي اللي هاتعيش

ممكن تشتري ( اصعة ) اللي هي الفواعليه بيشيلوا فيها الاسمنت و تلحم عليها رجلين عند الحداد هاتستحمل كتير و مش مكلفة خالص

و اهم حاجة شوية الرمل اللي بيتحطوا في ارضية الشواية هايوفر عليك نضافة الشواية و يحافظ علي الارضية

[cyborg_ift]

مالهه الشوايه اللي عند بتاع الشيش والمعسل

بخمسه وعشرين جندي واشتري ترابيزه تحطهه عليهه وكام سيخ وعيش اللحظه

انا عندي الشوايه ديه وكل عيد بشوي عليهه وأكل لوز اللوز

[wael2sh]

سعادتك تنزل باب الخلق وراء المديريه هتلاقى اشكال والوان من الشويات من اول اللى بتتحط على السفره لغايه بتاعه الكبابجى وكملن هتلاقى كل مشتملاتها اسياخ ومراوح ومدخنه الخ
وكمان هتلاقى شمسيات وكراسى البحر والحديقه
وقماش خيم رمضان وشيش
عيش حياتك هناك يا باشا
وشوف عبق التاريخ
وكل عام وانتم بخير
الهم بلغنا رمضان
ودعواتك

الراجل ده جابلك من الاخر ,,اسمع كلامه مش هتندم

[Gelgel2004]

بما انى من عشاق المشويات و ليا فيها افتكاسات
انصح ب كرف المعادى او سبينس م نصر
عندهم و احده بغطاء 55 سم و رجلين و حبشتكنات ب 450 جم بس ايه ولعه
هاتها و موش هتندم
تحياتى و متنساش اول عزومه

[A.Saad]

بما انى من عشاق المشويات و ليا فيها افتكاسات
انصح ب كرف المعادى او سبينس م نصر
عندهم و احده بغطاء 55 سم و رجلين و حبشتكنات ب 450 جم بس ايه ولعه
هاتها و موش هتندم
تحياتى و متنساش اول عزومه:s_thum1[1]:

احنا بنقعد نكتب معلومات ونصايح
ومفيش مرة عضو بعت حتى كتكوت مشوى

[الطنطاوي]

شوف يا باشا ....
انت تشوف أي واحد من الغالية وتصورها كويس من كل حتة ...
وتروح لواحد حداد محترف يعملها لك ...
مش هاتكلفك ربع تمنها