اتقطعوا النور والمياة وكمان اتفتح عليا مطاوى وشوم بلد مش لاقية اللى يلمها بصحيح

[ashouhdy]

النهاردة المياة مقطوعة 3 ساعات من 12 الضهر لحد الساعة 3
واول ماجت المياة راح النور قاطع بقالوا ساعتين قمت نازل رايح الشغل
روحت ملقتش راكنة بعد لف نص ساعة اتنرفزت قلت حركن فوق الخوازيق اللى معمولة طلع عليا الصيع اللى شغالين فى المحالات بالمشوم والمطاوى مفيش راكنة واتشهد على روحك
طلعت الشغل لقيت النور مقطوع

هو فى اييييييييييييييييييييييييييييية ابو دى بلد على دة شعب هو خلاص دى صورة للمنظر المخذى بتاع الركنة كنت متنرفز وطبعا ايدى مهزوزة




وصلت لمرحلة من الامبالاة والاحباط واللى يكش تولع فظيعة حادثة وواحد متعور وانا مروح ومنزلتش اساعد
مش عارف مين اتخانق مع مراتة يولعوا
واحد عايز مساعدة ولا عبرتة
مراتى تكلمنى مردتش بنتى تضحكلى عايزة تلعب معايا معبرهاش

بقيت كائن جامد انا بقيت اكرهة بشتغل بجمود ولا احساس

اعمل اية ساعدونى

[minicooper20]

كلنا هذا الرجل
اهو رمضان جاى اعتقد اى حد نفسيتو تعبانه بتفك لوحدها فى رمضان
استهدى بالله و كده و هات حاجه حلوه لبنتك و انتا مروح و خد مراتك و وولادك فى حضنك و قول
الحمد الله
احنا الحمد الله فى نعمه رغم كل البنشوفو

[ashouhdy]

ملهاش حل

مبعرفش انزل مع مراتى وبنتى الصيع فى كل حتة وكل الخروجات معبية ناس لدرجة الناس قاعدة على الرصيف حتى السواقة بقت قذرة وبتخلى اللى نازل رايق يتنرفز ويرجع تانى مضايق

الناس فوق بعض واختلط الحابل بالنابل

انا مش مع تفرقة عنصرية

بس مينفعش العشوائيات والصيع يختلطوا مع الناس المتوسطة المتعلمة

لا هم نفس الاخلاق ولا الطباع

مينفعش تنزل تلاقى عيال احتلت ناصية وكلامهم كل بأقذر الالفاظ وتكمل فسحتك مع اسرتك مبسوط

دة حتى ارقى مناطق اسكندرية بقت عشوائيات

واللى من اسكندرية حيعرف سموحة بقت عملة اذاى عند الموقف بتاع الميكروباصات

احتلال تام من البلطجية والصيع واللى فارش شباشب واللى بيبيع فاكهة واستنطاع وحقد وغل

اية دة

هو فى اية

[Ghosts]

أنت محتاج تغير جو ....
أطلع مع المدام و بنتك على أى مكان بعيد عن دوشة أسكندرية و زحمتها ....

و أوعى تفتكر أن أحوال البلد هتتصلح و خصوصآ اليومين دول ....
كل حاجة ماشية بالبلطجة والدراع والأمن لازال بيتفرج ....

طول مانت عايز تشوف كل حاجة زى ما أنت عايز يبقى عمرك ما هترتاح ....
عايز أقولك أنى بشوف كل يوم سلبيات ملهاش أول من أخر و بعمل نفسى مش واخد بالى ....

للأسف مفيش حاجة نقدر نعملها ....
لا يوجد فرد يستطيع تغيير مجتمع لكن يوجد مجتمع يريد تغيير نفسة ....
و أحنا معندناش أى أستعداد أننا نتغير إلا إذا كان فى أيد من حديد هى اللى ماسكة البلد ....

[Elawany13]

ديه ضريبة الثورة والحرية والكرامة

الف مبروك لمصر
فعلا الحياة بقت كريمة
والسرقة انتهت وعايشين فى رفاهيه

[Ghosts]

ملهاش حل

مبعرفش انزل مع مراتى وبنتى الصيع فى كل حتة وكل الخروجات معبية ناس لدرجة الناس قاعدة على الرصيف حتى السواقة بقت قذرة وبتخلى اللى نازل رايق يتنرفز ويرجع تانى مضايق

الناس فوق بعض واختلط الحابل بالنابل

انا مش مع تفرقة عنصرية

بس مينفعش العشوائيات والصيع يختلطوا مع الناس المتوسطة المتعلمة

لا هم نفس الاخلاق ولا الطباع

مينفعش تنزل تلاقى عيال احتلت ناصية وكلامهم كل بأقذر الالفاظ وتكمل فسحتك مع اسرتك مبسوط

دة حتى ارقى مناطق اسكندرية بقت عشوائيات

واللى من اسكندرية حيعرف سموحة بقت عملة اذاى عند الموقف بتاع الميكروباصات

احتلال تام من البلطجية والصيع واللى فارش شباشب واللى بيبيع فاكهة واستنطاع وحقد وغل

اية دة

هو فى اية

المفروض تسئل وتقول:
هو مفيش أية؟؟!!

مفيش نظام
مفيش حكومة
مفيش قانون
مفيش أمن
مفيش تعليم
مفيش أخلاق
مفيش ضمير
مفيش دم
مفيش كبير
مفيش حاجة خااااااااااالص

والكلام دة من زمان و كل مدى الدنيا بتزداد سوء ....
أنا بقيت ماشى بالحكمة اللى بتقول:
أستمتعوا بالسىء فالأسوء قادم ....

[hany63]

عشان شباب الثوره يفرح هو و جماعة ٦ ابريل

[windofchange]

هما ضحوا بروحهم اللي هي اغلي مايملكوا انا ضحيت بايه

[Ghosts]

ديه ضريبة الثورة والحرية والكرامة

الف مبروك لمصر
فعلا الحياة بقت كريمة
والسرقة انتهت وعايشين فى رفاهيه

عشان شباب الثوره يفرح هو و جماعة ٦ ابريل

يا جماعة المشكلة مش فى الثورة ....
المشكلة فى اللى بعد الثورة .....

البلد لسة مفيهاش قائد نحس بهيبتة وبوجودة عشان يصلح شئون البلد (مع كامل أحترامى لدكتور مرسى لكن أحنا للأسف ماشوفناش حاجة منة لسة) ....

كدة الموضوع هيتنقل على أحوال الشارع المصرى وأنا مبحبش أروح هناك خااااااااااااااالص ....

[ashouhdy]

عشان شباب الثوره يفرح هو و جماعة ٦ ابريل

هما ضحوا بروحهم اللي هي اغلي مايملكوا انا ضحيت بايه

يا جماعة المشكلة مش فى الثورة ....
المشكلة فى اللى بعد الثورة .....

البلد لسة مفيهاش قائد نحس بهيبتة وبوجودة عشان يصلح شئون البلد (مع كامل أحترامى لدكتور مرسى لكن أحنا للأسف ماشوفناش حاجة منة لسة) ....

كدة الموضوع هيتنقل على أحوال الشارع المصرى وأنا مبحبش أروح هناك خااااااااااااااالص ....

لا ثورة ولا مرسى ولا اخرة

الشعب نفسة بقت اخلاقة فى الارض وكلة بقى على بعضة

حد يقولى اعمل اية فى حالة اللامبالاة اللى انا فيها

عايز حل

ما انا خايف لو رحت اجازة وارتاح مقدرش ارجع تانى واتكيف وافرقع اكتر

[ashouhdy]

كنت بفكر انقل اى مدينة جديدة فاضية مش عارف انفذ خايف لسة حرجع اعمل عيادة وسمعة وشغل تانى من الاول ؟؟

[ashouhdy]

طب واية علاقة قطع المياة والنور ببعض

[twinsrashed]

للاسف اسكندرية باظت تماما تحس انها عند بعد ما كانت احسن محافظة بقيت اوحش من اى مكان فى الجمهورية الحل انك من البيت للشغل و من الشغل للبيت و حاول على قد متقدر متركبش العربية استحمل رذالة التاكسيات بس ريح دماغك

[الطنطاوي]

حاول تشوف سفر بره

[Ghosts]

لا ثورة ولا مرسى ولا اخرة

الشعب نفسة بقت اخلاقة فى الارض وكلة بقى على بعضة

الشعب عايز اللى يشد علية عشان يتعدل لأنة مش ممكن يتعدل من نفسة ....

كنت بفكر انقل اى مدينة جديدة فاضية مش عارف انفذ خايف لسة حرجع اعمل عيادة وسمعة وشغل تانى من الاول ؟؟

الناجح بينجح فى أى مكان ....

حاول تشوف سفر بره

عندك حق ....
البلد فعلآ بقت غير صالحة للأستخدام الأدمى ....