سؤال من فضلكم ...ممكن ؟

[polo61]

ياجماعة هوه طبيعى تسيب مفتاح العربية لسايس الجراج حتى لو هى مكانها مش بيعطل اى عربية تانية طالعة او داخلة
انا بصراحة بعد الحاح منه سبت له المفاتيح بس متغاظة جدا خاصة بعد ماعرفت انه بيتعلم السواقة على العربيات دى بيعلمه واحد قريبه فى الجراج معاه
ارجوكم ردوا وفهمونى هو قانون يعنى سيب المفاتيح ؟
تحيتى لكم جميعا

[bee]

طبعا يعني مش المفروض اسيب مفتاح العربية لاي شخص كان ..
خصوصا لحد معرفهوش
انتي تركني ركنة كويسة وتقفلي العربية وتاخدي مفتاحك
الا في اماكن معينة في فنادق كبيرة لانه مضمون محدش بيلمس العربية وبيكون المفتاح معاهم للطوارئ فقط لا غير لا قدر الله

[Xpert]

مانصحكيش ... بس حضرتك تقدري تسيبي العربيه علي وضع الموور .. و لو هيا اوتوماتيك علي وضع ال N
و تسيبي فرمله اليد مش مشدوده علشان لو حب يزق العربيه قدام و وراء .. اكتر من كده يبقي ناخد العربيه معانا الشقه فوق احسن ...

[polo61]

شكرا اخى bee على الرد على سؤالى
بس لو ااقول لحضرتك كانوا هايجنوا , والمفتاح معايا كل شوية يطلع السايس يقول هاتوا المفتاح وانا بصراحة كنت عايزة اعمل نسخة لهم عليه ولكن ما امكنش وكل خوفى يضيع منهم مثلا وهو مفتاح الفابريكة والعربية زيرو بقالها شهر بس
بصراحة انا اتخنقت منهم قولت يمكن كل الناس بتسيب مفاتيح عربياتهم خاصة انهم الجراج ده اول جار لنا عالطول مش معقول اروح جراج تانى بعيد مثلا
بصراحة الموضوع مضايقنى ومحرجة منهم جدا خاصة مرة لقيت اعقاب سجاير جوه العربية على الموكيت

[fahd_628]

انا عمرى ما بدى المفتاح لحد حتى لو شوماخر :)

سواقين الجراج دول اسواء سواقين

بيجربو كل العربيات

و انا بشوفهم بيسوقو ازاى

و مش بعيد لو انتى مسافرة و سايبالة المفتاح تلاقية لامم اصحابة و خارجين :(

[Xpert]

شكرا اخى bee على الرد على سؤالى
بس لو ااقول لحضرتك كانوا هايجنوا , والمفتاح معايا كل شوية يطلع السايس يقول هاتوا المفتاح وانا بصراحة كنت عايزة اعمل نسخة لهم عليه ولكن ما امكنش وكل خوفى يضيع منهم مثلا وهو مفتاح الفابريكة والعربية زيرو بقالها شهر بس
بصراحة انا اتخنقت منهم قولت يمكن كل الناس بتسيب مفاتيح عربياتهم خاصة انهم الجراج ده اول جار لنا عالطول مش معقول اروح جراج تانى بعيد مثلا
بصراحة الموضوع مضايقنى ومحرجة منهم جدا خاصة مرة لقيت اعقاب سجاير جوه العربية على الموكيت

قوليله حضرتك بالنص : انا اسفه مقدرش اسيب المفتاح .. انا هاسيبهالك بحيث انك ممكن تزقها ... اكتر من كده لاء ...(بحزم)
ممكن لا قدر الله يخبط حاجه او حد بيها ... ممكن يعملوها التاكسي بتاعهم .. ممكن يسيبوا فيها حاجات غير شرعيه .. الواحد لازم ياخد احتياطاته ....

كفايه قوي انه لو خدها و البيه بيتعلم كده و لا قدر الله خبط حاجه او عمل مصيبه ......


بيشو ...

[polo61]

شكرا اخى Xpert

شوف العربية لبنتى وكونها بنت بتحرج تدخل الجراج تركنها بتسيبها له هوه يدخلها الجراج بنفسه
وطبعا بيستهبل ومايدهاش المفتاح ... العربية مش اوتوماتيك مانيوال
انصحنى اتصرف معاهم ازاى من فضلك ؟

[Xpert]

حضرتك ممكن تنزلي بنفسك تكلميهم .. قوليلهم انتو جراج بتاع عربيات ... لو هاسيب المفتاح لكم علي كول يبقي اركنها في الشارع احسن ...
العالم دي لابد ان تتعاملي معاهم بحذر ... و انزليلهم شخصياً ... قوليلهم موُروا العربيه و سيبو فرمله اليد مش مشدوده و المفتاح يرجع ..
و احنا في زمن مش بتاع كسوف .. اللي بيختشي بيتاكل حقه ...فاعتقد لازم يكون فيه حزم اكتر ..

[polo61]

ايوه صح معاك حق ماجاش فى بالى انه ممكن يخبطها لكن ممكن فعلا انا كل اللى مضايقنى انهم واضح انهم تقريبا بيفتحوا المكيف ويناموا فيها لأن بتبقى ريحتها وحشة وانا نفسى حريصة على عدم تشغيل التكييف الابعد الالف كم
طيب انا هاكلمه بكره ان شاء الله
استغفر الله العظيم
معلشى طولت عليكم

[polo61]

والله ما نا عارفة الناس مالها بقت كده انا كمان عندى عربيتنا القديمة واقفة فى الشارع مش عايزة ابيعها لأنه بيتعلموا عليها عشان اللى ماعندوش رخصة يطلع رخصة يعنى كل شوية ابص عليها بصراحة عينيا بقت فى وسط راسى والله انا هانزل اكلمهم دلوقتى فى الجراج

[Xpert]

حضرتك هوه الشعب نفسه بقي وحش ... عن تجربه ...
حرص ولا تستخونش زي ما بيقولو ...
لو حضرتك يعني بيشغل التكيف ... حضرتك نبهي عليه و قوليله لو مش قادر تشتريلك مروحه قوللي ههههههههه شعب رخم فعلاُ ...


نصيحه بقي جانبيه .. حضرتك اي عربيه مستغنيه عنها تقدري تبيعيها دلوقتي .. علشان من المتوقع كمان 5 سنين سوق العربيات ينهار ...فلوسها احسن منها دلوقتي ...
بعد تطبيق الاتفاقيات و الكلام ده .. -اتفاقيه الجات و النش عارف ايه - و المرشرات ظاهره حالياً ان البنزين غلي و من المتوقع انه هايغلي تاني علشان الدعم هايتشال تدريجياُ .. فتحوا فك الحظر بتاع المعاقين علشان يلموا فلوس قبل الاتفاقيات .. الرسوم الضريبيه زادت برضه .. كل دي مؤشرات الي ان سوق السيارات في خلال ال 5 سنين هايبقي اقرب الي الدول الخليجيه .. العربيات هاترخص و المصاريف التشغيليه هاتزيد ...


بيشو...

[polo61]

يعنى فعلا ده رأييى بس يعنى يخبطوا بيها شوية كده لغاية مايتمكنوا من السواقة وبعدين ابيعها
والله انا كنت شارياها مستعملة 127 من سنتين والله لو صاحبها شافها ما يعرفها من نضافتها بجد صرفت عليها تقريبا 5 الاف ج وكنت جايباها ب 15 الف هى موديل 83وحالتها العامة اساسايتها نضيفة وغيرت لها بطارية ومارش وطقم مساعدين وطبلة كونتاكت وتنجيد الكراسى جلد وحاجات فى العفشة وكاوتش تيوبلس وغيرت فيها حاجات كتير وكنت حريصة انى ماجبش مستعمل
وسمعت انها ممنك تجيب ال 15 بس
ياريت يحصل زى ماقلت ويبقىالسوق زى الخليج

[Fouad Ezz]

شكرا اخى bee على الرد على سؤالى
بس لو ااقول لحضرتك كانوا هايجنوا , والمفتاح معايا كل شوية يطلع السايس يقول هاتوا المفتاح وانا بصراحة كنت عايزة اعمل نسخة لهم عليه ولكن ما امكنش وكل خوفى يضيع منهم مثلا وهو مفتاح الفابريكة والعربية زيرو بقالها شهر بس
بصراحة انا اتخنقت منهم قولت يمكن كل الناس بتسيب مفاتيح عربياتهم خاصة انهم الجراج ده اول جار لنا عالطول مش معقول اروح جراج تانى بعيد مثلا
بصراحة الموضوع مضايقنى ومحرجة منهم جدا خاصة مرة لقيت اعقاب سجاير جوه العربية على الموكيت

إيه دة ... دا انت توديهم في داهية .. هم بياخدول فلوس عشان يحافظوا علي العربية ولا يلعبو بيها!!!!!!!!!!
الركن في الشارع كدة أسلم .. أو تكلمي صاحب الجراج .. يمشي العيال دول ويجيب ناس أمناء

[Xpert]

ماهه لو حصل هايبقي الدنيا باظط و كله يخسر فلوس ... فعلشان محدش يخسر يبقي العربيه اللي الواحد مش محتاجها تتباع ..
بالنسبه للسعر اعتقد انها تجيب اكتر لو حالتها نضيفه ..
مفايه كده احسن نتطرد هههههههههههه.. خرجنا عن الموضوع هههههههههههه

[polo61]

إيه دة ... دا انت توديهم في داهية .. هم بياخدول فلوس عشان يحافظوا علي العربية ولا يلعبو بيها!!!!!!!!!!
الركن في الشارع كدة أسلم .. أو تكلمي صاحب الجراج .. يمشي العيال دول ويجيب ناس أمناء

اشكرك اخى لكن الواحد دايما يتعامل مع الناس بالحسنى الاول ...طبعا اصلا مافيش غير الحسنى انا الصبح هاكلمهم بجد
شكرا لكم جميعا على الاهتمام والرد