ايه تعقيبك على نهائي اليورو؟؟

[medo_2060]

ايه ري جميع الاعضاء في الماتش
انا كنت بشجع المانيا وزعلت جداااااااا لما خسرت بس بصراحه المانيا ملعبتش عشان تكسب واول مره اشوف الاستسلام دا في المانيا

[ashour]

أداء مقنع من اسبانيا و تشكيلة متوازنة
المانيا مقصرتش بس معجبنيش تغير لام!!!

و علي غير عادة السنين اللى فاتت النهائي يبقى مفتوح بس فيه هدف واحد.

[Ramy.Gamal]

انا طبعا مش هتكلم عن النواحى الفنيه بس هتكلم عن حاجه معقدانى وقهرانى اللى هى ازاى المشجعين الالمان والاسبان قاعدين جنب بعد بيشجعوا ويغنوا وازاى ملك وملكه اسبانيا قاعدين ولا فيه جنبهم حراس ولا قاعدين ورا ازاز مضاد للقنابل الذريه و ازاى بعد المباراه ومنتخب المانيا طالعين يستلموا المدليات الفضيه منتخب اسبانيا واقفين بيحيوهم وبيصفقولهم وملكه اسبانيا لما قبلت كاسيياس وميركل (مستشاره المانيا ) ولويس ثباتيرو (رئيس وزراء اسبانيا) بعد المباراه بيسلموا على لعيبه المانيا واسبانيا وبيهزروا ويهرجوا و طبعا بقعد احقدهم واحسدهم واقول امتى الناس ده هتبقى زينا همجيين وعشوائيين ونكسر ونشتم ونحدف بالطوب لاننا طبعا عمرنا ما هنبقى متحضرين زيهم ولا بعد 1000 سنه وسلملى على الحضاره وعلى ام الدنيا

[noon_eg]

نهائى كاس الامم الاوربيه فى سطور

1- اى فرقه تحس انها ممكن تكسب فى اى وقت لازم تتغلب زى المانيا النهارده
2- متوسط اعمار اسبانيا اصغر وده كان فى صالحهم لما لعبوا مباريات كتيره فى فتره صغيره
3- الحكم كان سىء للغايه ضيع على المانيا فرصه انفراد حقيقه وكمان محسبش لمسه يد على جول المانيا خارج منطقه جزاء المانيا
4- اضاعه فرص كتيره جدا من اسبانيا بشكل بشع ولو استغلوا الفرص لكانت حتبقى سابقه انهم يغلبوا الالمان 5 صفر مع الرأفه
5- عدم تركيز لاعبى المانيا كان واضح جدا وتحس انهم تايهين وده حرمهم من التسجيل طول 90 دقيقه
6- المباره عموما مش ممتعه اوى
7- فى راى ان نهائى كاس الامم الافريقه كانت احلى بكتير !!

هانى حجى -- قناه مودرن سبورت

[AhmedGen2]

6- المباره عموما مش ممتعه اوى

هو دة الكلام.
المبارة كانت سيئة جدااااااا.

[wawoo]

ايه ري جميع الاعضاء في الماتش
انا كنت بشجع المانيا وزعلت جداااااااا لما خسرت بس بصراحه المانيا ملعبتش عشان تكسب واول مره اشوف الاستسلام دا في المانيا

معليش يا ميدو , خيرها فى غيرها , بس الاسبان كانو بيلعبو تحفة , الالمان سيطرو على المبارة تقريبا 25 دقيقة من الشوط الاول , و بعد كدة الطور الاسبانى بدا يشتغل , و عينك ما تشوف الا النور , كمية ضرب على المرمى , يا رجل دة الحارس الامانى داخ من كتر الضرب و دة غير العرضة اللى انقذت كام هدف كمان , لا لا دة فريق ملوش حل , الماكينات الالمانية تحولت اللى ماكينات خياطة , تقريبا مافيش ولا ضرب بين الاتلات خشبات , اسبانيا استحقت الفوز عن جدارة مفيش شك فى كدة .
مبارة ممتعة فعلا , رغم انها كانت تكتيكية فى اوقات كتيرة , لكن كمية الاثارة و الحرفنة غير مسبوقة .

[wawoo]

انا طبعا مش هتكلم عن النواحى الفنيه بس هتكلم عن حاجه معقدانى وقهرانى اللى هى ازاى المشجعين الالمان والاسبان قاعدين جنب بعد بيشجعوا ويغنوا وازاى ملك وملكه اسبانيا قاعدين ولا فيه جنبهم حراس ولا قاعدين ورا ازاز مضاد للقنابل الذريه و ازاى بعد المباراه ومنتخب المانيا طالعين يستلموا المدليات الفضيه منتخب اسبانيا واقفين بيحيوهم وبيصفقولهم وملكه اسبانياا

الحرس موجودين خارج الاستاد , دة غير الحرس السرى و غيرة , متقلقش الحرس فى المستويات دى بيكون محترف , وانت بتتكلم على ملكة اسبانيا عشان متخبها فاز , كانت تشوف مستشارة المانيا و هى بتسلم على لعيبة اسبانية كائنها بتاخد عزاء , و بتسلم كدة بابتسامة بلاستك لزوم الاعلام .

[medo_2060]

شكرا لكل الاعضاء الكرام اللي شاركوا في الموضوع وعقبال اليورو الجايه ان شاء الله بس تكون المانيا احسن