تواريخ في حياتنا

[OlaOsman]

امبارح كنت باحط البلان بتاعة الشهر اللي جاي و منهم ميعاد اديته لحاجة يوم عشرة سبعة. التاريخ ده رن في دماغي.. عشرة سبعة.. عشرة سبعة..أأأأأأاايييييييييوه ده اليوم اللي كنت باخلص فيه امتحانات الثانوية العامة.. كنا بنبدأها 10/6 و نخلص 10/7.. ليه التاريخ ده بأه معلق معايا لحد دلوقتي؟ أصلي امتحنت ثانوية عامة مرتين.. السنة الأولانية جبت مجموع مش أد كده.. وداني كلية مش أد كده قسم مش أد كده و مش حاباه.. قمت بمنتهى البساطة (على أيامنا طبعا) عدت السنة عشان أحسن مجموعي و قد كان و الحمد لله جبت مجموع أفضل كتير.. دخلني كلية أفضل كتير.. قسم أفضل كتير كتييييييييير و الدراسة اللي انا باحبها :)

طبعا تاريخ 10/7 بالنسبة لي كان طوق النجاة من الضغطة و المذاكرة و القلق اللي كنت فيه.. بس طبعا لا يقارن باللي حاصل دلوقتي.. ده احنا نفدنا يا جدع

أكيد كلنا عندنا تواريخ في حياتنا عمرنا ما بننساها او حاجة حصلت في يوم معين عملت علامة في حياتنا.. حاجة ليها ذكرى.. سعيدة أو مؤلمة.. تعالوا نتشارك في التواريخ دي سوا :)

[tutankhamoun]

22 مايو ................... يوم خروجي من ج ع ع ............. كان أحلى تاريخ في حياتي

12 مايو ................ يوم الرجوع إلى ج ع ع ................... ربنا يسامحني عليه

[Xpert]

18 يوليو 1998 .. اليوم اللي جيت فيه مصر .. و سبت سويسرا و ماشفتهاش لحد دلوقتي .. اليوم اللي اتفارقت فيه عن الناس الحبايب .... و من ساعتها ماشفتش يوم قدام ...
و علي فكره التواريخ الفقر هاتبقي امتر من تواريخ السعاده هنا ....

[araberphilosoph]

23/6 يوم ميلاد ابني

[Islam_galal]

9-1-1997 تاريخ دخول الجيش
9-1-2006 تاريخ دخول عش الزوجية

في تشابه و لا حاجة؟

17 مايو تاريخ ميلاد واحد صاحبي عمرة ماعدي علي خير و دايما كان ييجي في الإمتحانات ، الله يسامحه
الله يخليكي يا علا ، دايما مواضيعك لذيذة و مختلفة

[aif]

20 / 9 / 1964 تاريخ ميلادي
20 / 9 / 1987 لجنة قيدي بسجل المحاسبين أ ( بقيت محاسب قانوني متمرن )
20 / 9 / 1995 تاريخ زفافي
20 / 9 / 2004 تاريخ ميلاد ابني ابراهيم ( في نفس المستشفى وعلي يد نجل الدكتور اللي انا جيت علي ايده وده لأن الدكتور الكبير كان توفى من سنين ) يعني مش ناقص غير انه يكون لبس نفس هدومي وعلي فكرة هو نسخة مني وانا صغير
غريبة شوية تكرر التواريخ عندي مش كدة ؟؟؟؟؟؟؟؟؟؟؟

[osama]

20/8/2006 يوم ميلاد ابني شهاب
10/11/2005 يوم زواجي
12Jun2007 تاريخ انضمامي للمنتدي

[hamedo0]

13/2/82 عيد ميلادى
22/8/98 بقيت خال
22/8/99 خال لاتاني مره
9/10/2002 خال لاتالت مره
دي التواريخ السعيده
دى التواريخ المؤلمه
23/9/2003 وفاه ولدى
25/11/2007 وفاه عمتي
7/4/2008 وفاه عمي
وبقيت مقطوع من شجره

[aif]

13/2/82
وبقيت مقطوع من شجره

وفي 17اكتوبر 2007 بقى عندك اكتر من 10000 اخ واخت وصديق ... وبيزيدو كل يوم :):):):):):):)

[emadkamel]

6 اكتوبر .... عيد جوازى !!
27 يوليو ... عيد ميلاد عفركوش

[hazem_khidr]

18/6/1997 انتهيت من امتحنات الثانويه العامه
18/6/2001 انتهيت من امتحنات الكليه و اتخرجت
18/6/2002 اشتغلت في شركه الادويه
18/6/2004 اول يوم اسيب اهلي و اسافر الامارات!!!!!!!
اليوم دا كل ما بيعدي عليا بيبقي فيه نقله غريبه ليا

[emadkamel]

18/6/1997 انتهيت من امتحنات الثانويه العامه
ليا

سؤال يا حازم لو تسمح ... ايه اللى مكتوب فى توقيعك ده .... انجليزى ده يا مرسى؟

[hazem_khidr]

سؤال يا حازم لو تسمح ... ايه اللى مكتوب فى توقيعك ده .... انجليزى ده يا مرسى؟

يا باشا
دا اغنيه نيجري بيه لمحمد منير و اغنيه نوبي مش انجليزي
:)
اما معناها ف لسه ما عرفتوش بس حاسس انه حيبقي حاجه جامده

[Ashraf A.Kader]

17/6 يو ميلادي
6/6 عيد ميلاد هاجر
1/8 عيد ميلاد محمد
11/11 عيد ميلاد نور
كلهم طبعا اولادي

[M!NA]

22/6/1980 -- تاريخ ميلادي
19/6/2000 -- بطلت سجاير بعد ست سنين تدخين (انحراف مبكر بأة)
15/12/2002 -- اتخرجت من تجارة (دور نوفمبر لمؤاخذة)
22/5/2005 -- اشتغلت بعد 3 سنوات طويلة من البحث عن عمل
1/12/2006 -- ربنا كرمني بحبيبة قلبي... البوينتر