تواريخ في حياتنا

[OlaOsman]

لأ ولسه لو قلت لك تعلق تواريخ مهمة في حياتي بتواريخ تانية ذات صلة ..
يحكى أنه في يوم التاسع عشر من فبراير 1975 أن تعرضت محافظة القاهرة لأعنف عاصفة ممطرة على مدى عدة سنوات ، وتواصل هطول المطر مدة زادت عن العشر ساعات المتصلة ..
في هذا اليوم جئت إلى الدنيا .. وذهب جدي رحمه الله إلى نفس المستشفي مصاباً بكسر في رجله نتيجة انزلاقه بسبب الماء أمام المستشفى .

تصادف انتهاء آخر يوم في امتحانات البكالوريوس أن تعرض الرئيس إلى محاولة اغتياله الشهيرة بأديس أبابا .

تصادف أن كان يوم ولادة ابنتي أميرة 29/8/2002 يوم حادث السيدة عائشة وكوبري أكتوبر الإرهابيتين

تصادف أن كانت مناقشة الماجستير يوم مقتل الشيخ أحمد ياسين رحمه الله مؤسس جماعة حماس

يعني هناك علاقة مباشرة ومؤكدة بين الحوادث ، وبين الأيام المهمة في حياتي .. مش عارف العيب فيا أنا ولا العيب في انهم بيستقصدوا أيامي المهمة للعكننة عليا .

طيب مافيش حاجة واحدة صادفت حدث سعيد؟.. اي حاجة كويسة حصلت

[Noha.M]

موضووعك ظريف جدا يا علا .. هفتكرلك مع انى اصلااا ضايعة فى الذاكرة

21 ابريل 2002 : وفاة والدي الله يرحمه و يغفرله ( امين يا رب ) و كنت ثانوية عامة و فاضل على امتحان العربي شهر باين و جاتلى حالة نفسية و تهيؤات و اعصاابي كانت بايظة بس الحمد لله ربنا سترها معانا

25 مايو 2000 دى كانت اول مرة البس ايشارب فى حياتى و رحت المدرسة و رجعت بعيط عشان حراااااااااانة و الايشارب مش عارفة اربطه و بايظ عليه و الى الان والله مبعرفش

30 نوفمبر 1997 فرح اختى الكبيرة و قعدت اعيييييييييييط عشان هتمشي و تسيبنا بس احسن اخدت اوضتها بعد كدة

27 سبتمبر 1998 عيد ميلاد على ابن اختى و بعشقــــــــــــــــــــــــه انا متهيالى لو خلفت عيال مش هحبهم اد على لانى انا اللى مربياه من و هو عنده شهور و لحد دلوقتى انا اللى مسئولة عن كل حاجة تخصه سواء مذاكرة او تمارين كرة و سباحة حتى لما بسأله بتحبنى انا اكتر ولا مامى يولي انتى بس متقوليلهاش

18 يناير 2006 اول مرة شفت محمود خطيبي :)

[د.أحمد سمير]

طيب مافيش حاجة واحدة صادفت حدث سعيد؟.. اي حاجة كويسة حصلت

والله يا علا أنا باحاول افتكر ...
أنا عندي ايام مهمة كتيرة وأحداث سعيدة وجميلة لكنها لم تصادف حدثاً مهماً..

ولكن كان فيه حاجات تانية غريبة
يوم 12 نوفمبر 2001 كان يوم الرئيس والسيدة الأولى كانوا في جولات رسمية مع شيراك وحدث تاني ثقافي مهم جداً مش فاكره .. والبلد اتقفلت تماما وكان يوم كتب كتابي ورحت مسجد النور بالعباسية بعد ساعة ونص من ميعادي ويومها لطعنا الدكتور على جمعة المفتي الحالي بتاع ساعتين ..

كمان أم كلثوم ماتت قبل مولدي بحوالي 16 يوم (أنا محبش الست دي رغم اعترافي بعبقرية صوتها لكنها كإنسانة مبحبهاش )

دارين بنتي التانية اتولدت يوم 30 إبريل2005 وبكدة ضمنت طول عمرها يكون تاني يوم أجازة (1 مايو)

وجايز افتكر حدث تاني .. لكن أكتر واحد صاحبته وكان هو بذاته حدث مهم صديق لي يدعى (نصر) حيث ولد يوم السادس من أكتوبر 1973 بعد الظهر يعني مع أول بيان كدة .. قبل البيان رقم 7 الشهير ..

[mo7amed_omara]

انا عندى تاريخين لسة جداد
31/5/2008 اخر امتحان فى كلية الهندسة
25/6/2008 مناقشة مشروع التخرج مع دكتور محترم جدا مش حقدر انسى اليوم دة
و لسة بقى مفيش تواريخ خطوبة ولا فرح ولا ..... وربنا يبعت
ههههههههههههههههههههههههههههههههههههههههههههههههه

[Abohmaid]

اية المواضيع الجامدة دي النهاردة

16/5/2002 يوم مولد ولدى يوسف
وفى نفس اليوم الاهلى بهدل الزمالك 6/1 :party:

[mo3tazelgamal]

17/9/1977 عيد ميلادى
3/7/1995 أخر أمتحان ثانويه عامه
6/8/1995 النتيجه
11/9/1995 رخصه قيادة (قبل ما أكمل 18 سنه بأسبوع ما كنتش قادر أصبر- الموظفه ما أخدتش بالها من التاريخ)
22/8/2000 وفاة جدتى لأبى
24/8/2000 التخرج من هندسه
26/8/2000 أول شغل فى السويس
9/10/2001 عملى بشركتى الحاليه
2/1/2003 قراءة الفاتحه على زوجتى الحاليه
13/2/2003 الخطوبه
13/3/2003التوقف عن التدخين بعد 9 سنوات و3 علب سجاير فى اليوم
26/3/2004 كتب الكتاب
2/2/2005 حجز القاعه
15/6/2005 أول سيارة ملكى شخصيا من حر مالى(سيينا)
15/7/2005 الفرح
23/7/2005 تفجيرات شرم الشيخ (كنت هناك والحمد لله طلعت سليم والدليل أهو جاى)
10/12/2006 أستلام الأسبيرانزا
30/1/2007 أبنى ياسين
24/4/2008 السفر للسعوديه للعمرة (فرقت معايا كتير)
معلش يا جماعه أنا أنا عارف أن أنا أكتر واحد كتبت بس أنا عندى مشكله ذاكرتى قويه جدا جدا

[OlaOsman]

اية المواضيع الجامدة دي النهاردة

16/5/2002 يوم مولد ولدى يوسف
وفى نفس اليوم الاهلى بهدل الزمالك 6/1 :party:

و هل هذا تاريخون يونسى؟

يومها كنت باحضر درس لعمرو خالد في مسجد الحصري و كان على ما أتذكر قصة سيدنا داوود و الدرس شغال في المسجد و الماتش شغال برة و كل شوية الناس هيييييييييه و الشباب قاعد في المسجد بيتقطع و كل شوية عمرو خالد يصبرهم بإنهم ليهم ثواب مضاعف بإذن الله انهم سابو ماتش مهم زي ده و جم يحضروا الدرس.. المهم كل شوية نسمع هيصة جامدة و ما نعرفش دي فرصة ضايعة و لا جون و بعد ما خرجنا و عرفنا النتيجة ما كناش مصدقين :)

[Noha.M]

كمان اخر يوم ليه فى الكلية , يوم مناقشة مشروعي
18 يوليو 2007
كان احساس جامد موووووووووووت انى خلصت رسالتى فى الحياة

[Hassan Khalil]

و هل هذا تاريخون يونسى؟

يومها كنت باحضر درس لعمرو خالد في مسجد الحصري و كان على ما أتذكر قصة سيدنا داوود و الدرس شغال في المسجد و الماتش شغال برة و كل شوية الناس هيييييييييه و الشباب قاعد في المسجد بيتقطع و كل شوية عمرو خالد يصبرهم بإنهم ليهم ثواب مضاعف بإذن الله انهم سابو ماتش مهم زي ده و جم يحضروا الدرس.. المهم كل شوية نسمع هيصة جامدة و ما نعرفش دي فرصة ضايعة و لا جون و بعد ما خرجنا و عرفنا النتيجة ما كناش مصدقين :)

مظبوووووووط..
كنا هناك برضه ...
الظريف في الموضوع اننا طلعنا جري بعد الدرس علي نادي الزمالك ..علشان نتفرج علي المنظر .. فوجئنا ان المكان هناك اصبح ثكنة عسكرية ..و باظت فرحة الفرجة ..
بس بالفعل ..كان ..تاريخ لا ينسي

[OlaOsman]

أصل النهاردة 10 سبعة :)

[aif]

أصل النهاردة 10 سبعة :)

اوعي تنسي المعاد يا علا

امبارح كنت باحط البلان بتاعة الشهر اللي جاي و منهم ميعاد اديته لحاجة يوم عشرة سبعة

انا فكرتك أهوه .... عشان يبقى ما فيش حجة :)

[OlaOsman]

اوعي تنسي المعاد يا علا



انا فكرتك أهوه .... عشان يبقى ما فيش حجة :)

مظبوط يا فندم :)

شكرا على التذكير :)

[Goodle]

6 أكتوبر.... لأنه ذكرى ميلاد جدي (رحمة الله عليه)
4 مايو..... لآنه ذكرى ميلاد والدي (رحمة الله عليه)
22 أبريل.. لأنه عيد ميلاد والدتي (أدعولها ربنا يشفيها..قولوا آمين)
4 مايو (تاني).. لأنه عيد ميلاد بنتي
17 أبريل... ذكرى وفاة الشيخ متولي الشعراوي (والله يومها كان عندنا خروجة مرتبين ليها بقالنا اكتر من شهر.. ويومها ما خرجتش حزنا على فقدانه)

30 مايو.. ذكرى قراري الجمهوري ببدء العمل في الصيف (1992)

والقائمة طويلة :)

[OlaOsman]

22 أبريل.. لأنه عيد ميلاد والدتي (أدعولها ربنا يشفيها..قولوا آمين)

اللهم آمين يا رب العالمين.

30 مايو.. ذكرى قراري الجمهوري ببدء العمل في الصيف (1992)

يعني ايه؟

[Goodle]

اللهم آمين يا رب العالمين.

يعني ايه؟

30 مايو.. ذكرى قراري الجمهوري ببدء العمل في الصيف (1992)

والقائمة طويلة :)

راجعي الموضوع ده وانتي تعرفي :)

http://www.nilemotors.net/Nile/showthread.php?t=16034&page=2

وبقية الأعضاء مدعوين للإدلاء بدلوهم في هذا الموضوع الشيق للغاية