عندي شقة في ميامي وعاوز اجرها مش عارف اعمل اية ؟

[hamadaalo2002]

عندي شقة بميامي قريبة من خالد ابن الوليد وبحرية قمت بتوضيبها اليومين دول علي املاني اقوم بتاجيرها في الصيف لك الصنايعية طلعو عيني والحمد للة قربت تخلص
ومش عارف اعمل اية !
هية فيها
سريرين ,تلاجة,غسالة,بوتاجاز,كنبة,موكيت ,مدهونة حديث,الدور الخامس بدون اسانسير

1-ااجرها قانون جديد ؟ولا اسيبها لسمسار وياخدها شهرين الصيف؟

2- هل القانون الجديد لازم تكون الشقة فاضية خالص؟؟؟

3- ازاي ائمن نفسي بمعني ممكن تحصل اي مشكلة من السكان اللي في الشقة اعمل اية عشان اخلي طرفي؟؟


اسف للاطالة وان شاء الله الاقي النصيحة السليمة

[Karim_Monir]

شوف يا حمادة
في اقتراح ظريف مش هاقول اني اخترعتة
لكن شوفتة على منتدي تاني متطبق خاصة ان معظمنا هنا عارفين بعض
ناس كتير هنا معندهاش شقق مصيفية
تقدر تصور الشقة والفيو بتاعها من البلكون وتحط الصور هنا
وتقول اللي عايز يطلع اليوم بكذا
وتحط تليفونك
طبعا هايكون في البيع والشراء
وطبعا ادارة المنتدي مالهاش دعوة باي تعاقد بينك وبين اي مستاجر
الميزة ان المستاجر هايروح على شقة مباشرة وتديلة انت المفتاح من هنا لو انت في القاهرة
او لو في اسكندرية تبقي محلولة
غالبية الاعضاء هنا محترمين للغاية بس طبعا هاتامن نفسك
ياما تاخد مبلغ تامين تحت حساب العفش والتلفيات
واما تروح وتيجي تسلم وتستلم الشقة
انا مش عارف هاتمشيها ازاي
بس ده اقتراح
وبرضه هاتسيب المفتاح لسمسار ياجرهالك بس لازم تكون تعرفة او سمعتة كويسة وياما هايجرها للعزاب والشمبوهين ومش هايديلك حاجة وهايجرها 10 ايام ويقولوك ماتجرتش غير يومين ويبخسلك بيها الارض وتتبهدل
خليك عن طريق المنتدي وعن طريق الوسيط
واتاكد انهم عائلات
او شباب محترمة
وربنا يحسنلك ايجارها ويباركلك في رزقها

[MoToRiZeR]

انت ناوي تأجرها قانون جديد لواحد يسكن فيها فترة طويلة
ولا كشقة مصيف باليوم ؟

لو مصيف يبقي زي ما كريم باشا قالك
و معظم الناس في المنتدي هنا معروفة و برده أمن نفسك

يعني حدد سعر لليوم في الشقة و حطلنا صور و أكيد ناس كتير بتروح اسكندرية هتكلمك

[Yarisawy]

بالضبط ذى ما كريم قال ... حط بس صور ليها وايجارها كام مثلا لليوم او فى اجازة اخر الاسبوع وكده

[yahyanaabil]

لو عاوز النصيحه من مجرب احنا عندنا شقه فى العصافره ناحيه كافيتيريا دهب
الوالد كان الاول بيأجرها كمصيف باليوم وكان موضوع مربح بس الشقه عفشها اتبهدل جامد اوى وكمان وجع دماغ وحاجه اخر قرف وتلاقى الشقه فيها جيش
ممكن تأجرها بالسنه وده اريح كتير لان الشقه فى المنطقه ديه مطلوبه من طلاب الاكاديميه او المغتربين عامتا
رأى الشخصى حط فيها عفش معقول بدون اى مبالغه واجرها طول السنه ايجارها حيبقى فى المتوسط 800 جنيه شهريا (ده على حسب مكانها ومساحتها) وطبعا تستنضف الناس اللى حتأجرها
حذارى انك تسيب مفتاح شقتك لسمسار لانه ممكن يخدعك بسهوله جدا وانته تكلم سمسار يجيبلك مستأجر للشقه يقعد فيها السنه وتريح دماغك
احنا حاليا مأجرين الشقه لطالبه قاعده لوحدها من جامعه بيروت وبناخد منها 750 جنيه فى الشهر
وفيه حالجه تانيه ناس قرايبى عاملينها عندهم شقه فى الشلالات بس مصروف عليها جامد جدا جدا بيأجروها لنوع معين من الناس (اجانب مثلا وسياح وساعات كان بيقعد فيها مديرين شركات) وكان ايجارها فى الشهرمن 4 سنين تقريبا 1300 جنيه ده كان لما بياجروها تأجير اى كلام وكانت شركات السياحه هيه اللى بتجيب مستأجرين للشقه وبياخدوا نسبه طبعا