لحد أمتى هنفضل نتمرمط و نتسرق فى المرور بالطريقة دى؟؟!!

[Magdyahassan]

انت عايز البلد تتغير ازاى وانت نفسك مش قادر تتغير فرطت فى حقك ودفعت المخالفات ومشيت امورك بالرشوة
مافتكرش ان فيه موظف من دول حط ايده فى جيبك انت اللى دفعت بمزاجك.
وبعدين مدام انت صاحب حق بتدفع رشوة ليه؟
انت لازم تلوم نفسك لان انت نفسك مش عارف تتغير
لو كل واحد بدأ بنفسه يبقى كده فيه امل ان شاء الله

[Survival]

انا بسافر كتير و ملقتش زى بلدنا فى المرور و الموصلات ابدا
اقرب حاجة كانت الهند من حيث الموديلات القديمة و الطرق السيئة لكن الوضع عندنا أسوء من حيث البلطجة فى السواقة و قلت الادب
الرشوة فى المصالح الحكومية بقيت اساس و بيعتمد على صاحب المصلحة يعنى هتعرف تتعامل و تاخد حقك و لا تدفع و تمشي امورك
اخر مرة جددت الرخصة فى شهر 6 اللى فات ما دفعتش حاجة لحد وطبعا مفيش شباك ما لمحش انه عاوز الحلاوة بس انا كنت واخد قرار انى مش دافع لحد حاجة و كنت فى مرور حلوان.
القرار ده اخدته عشان شوفت قبل كده انه سواء دفعت او ما دفعتيش فى الاخر نفس النتيجة تقريبا و مش 10ج اللى هتخلى الموظف يمشيلك ورق مش مظبوط و اهم من كده عيب عليا ابقى مهندس و معرفش اتعامل مع البنى ادمين دول و اجبرهم على احترامى و اخد حقى منهم.
المشكلة بدايتها مع الطبقة الجاهلة و الغير متعلمة حيث انه لا يستطيع التعامل مع الاوراق او الاشخاص عشان كده بيريح دماغه و يشوف حد يخلصله الموضوع و طبعا الموظف بيلاقى مصدر دخل كبير من غير تعب فيبتدى يتعب الناس اللى ليها مصالح عنده عشان ياخد المعلوم.
مع كل ده انا شايف ان بتوع المرور لو عربيتك سليمة و ورقك سليم مش هيعرف ياخد منك حاجة.
لكن المشكلة فى شرطة المرور ودى مشكلة كبيرة
تروح تلاقى عليك مخالفات غريبة
حمايا مثلا من شهرين دفع 1200 ج مخالفة سير عكس الاتجاة و معاها فى نفس الوقت عدم لبس الحزام
الجميل بقى فى الموضوع ان الكلام ده لا يمكن يحصل مع شخص زيه لانه لا يتحرك بالعربية ابدا من غير ما يلبس الحزام - دا بغض النظر ان المخالفة كانت فى الغربية تقريبا و هو من القاهرة

حاول على اد ما تقدر انك تبعد عن سكة الرشوة و ربنا هيسهلك امورك و هتلاقى ناس بتساعدك لوحدها

[Ghosts]

لا مصر هتتغير وهتبقي أحسن أن شاء الله. وبلاش أحباط الله يباركلك.
ومفيش حاجة بتتغير في يوم وليلة, الراجل مش حاوي يعني, وبيشتغل علي قد ما يقدر
وعمل انجازات في 60 يوم معملهاش المخلوع في 30 سنة. انت يعني عاوزة ينزل مثلا ويقولك امشي في حارتك ولا احترم اشارة المرور ولا ماتركنش صف تاني . ابدأ بنفسك الاول. احنا عشنا 30 سنة في فوضي وفساد وعلشان دا يتغير محتاج علي الاقل 10 سنين. وبعدين انت محتاج حاكم يخاف ربنا بجانب انة قوى ( دا كفاية حركة خلع المشير ورئيس الاركان دي) اي واحد مابيفهمش سياسة هيعرف ان الراجل دا عندة شخصية قوية وحكمة في نفس الوقت . والقوة مش معناها اني امسك كرباج وانزل ضرب في الناس علشان يعملوا ال انا عاوزة كدا بقي ديكتاتور بيحكم عبيد. واقرأ كويس انجازات رئيس بلدك ال عاملها في 60 يوم وانت تعرف اذا كانت مصر بتتغير للاحسن ولا لا. شوفت ميدان الجيزة بقي شكلة اذاي دلوقتي. ودي حاجة بسيطة جدا.

ثبيت 17ألف عامل بالتأمين الصحى

- إفتتاح أول وحدة متابعه تطبق فى مصر بالاسكندرية :
لمراقبة الشوارع بالكاميرات على مدار 24 ساعه لمتابعة الأمن والمرور وتسجيل أى حادث سرقه أو ما شابه

عمال وإنجازات الرئيس محمد مرسي التي قام بها خلال 53 يوم من توليه رئاسة الجمهورية وهي :
1-اسقاط المجلس العسكري وحله وانهاء حكم العسكر لمصر لاول مرة منذ مئات السنين
2-الغاء الإعلان الدستوري المكبل الذي وضعه المجلس العسكري المعين
3-بسط السيطرة المصرية العسكرية على سيناء وذلك عقب احداث رفح للتعامل مع الاحداث وحلها
4-اعفاء 41 الف فلاح من ديون تقدر ب109 مليون
5-صرف علاوة اجتماعية بنسبة 15% للموظفين وأصحاب المعاشات
6-زيادة معاش الضمان الاجتماعي بمبلغ 100 جنيه ليصبح 300 جنيه بدلاًمن 200 جنيه ليستفيد منها 1.5 مليون مستفيد
7-انشاء ديوان المظالم لتلقي شكاوى المواطنين
8-حل مشكلة انقطاع الكهرباء والتي ظهرت فجأة نتيجة للإهمال المتراكم من العهود السابقة
9-التغلب على مشكلة الغاز والوقود وحلها في معظم المحافظات وجاري القضاء عليها بشكل كامل
10-التغلب على مشكلة طوابير الخبز وحلها في معظم المحافظات
11-الإفراج عن دفعتين من المعتقلين السياسيين بعد تشكيل لجنة لدراسة الحالات
12-تامين اكثر من مائة مستشفى كمرحلة اولى
13-زيارة بعض الدول وجلب الكثير من الاستثمارات لمصر بالاضافة لحل بعض المشاكل العالقة بين مصر والمحيط الخارجي
14-حملة نظافة شعبية وحكومية
15-حملات امنية مكبرة لاستعادة الامن والقبض على البلطجية واللصوص
16-عودة رجال المرور للشارع كبداية لحل ازمات المرور الخانقة
17-جولات وزيارات مفاجئة للرئيس ورئيس الوزراء لمراقبة الوضع على الأرض ومحاسبة المقصرين
18-رئيس الجمهورية يصدر توجيهًا بعدم تعليق صورته بالمؤسسات أو نشر أي تهاني له وذهاب تكلفتها للدولة
19-الرئيس يطلب عدم تعطيل موكبه للمرور ويتمسك بالبقاء بمنزله وعدم الانتقال للمعيشة بالقصر الجمهوري وجعله للعمل فقط
ويذكر أيضا أن الرئيس محمد مرسي خلال شهر رمضان قام بصلاة 5 صلوات جمعة في 5 محافظات

* تشكيل لجنة تقصى حقائق خاصة بجمع الأدلة حول قتل الثوار من اول الثورة وحتى استلام السلطة
*تخصيص 72 مليون جنيه لبناء اسواق للباعة الجائلين وتفريغ الميادين منهم بمنتهى السرعه
*إصدار قرار بسحب 26 مليون متر مربع من الاراضي شمال غرب خليج السويس من المستثمرين غير الجادين، منها 8.5 مليون متر لهيئة المجتمعات العمرانية، و17.5 مليون متر مربع تابعة لشمال غرب خليج السويس.. وإعادة طرحها بسعر السوق .
*سحب مايزيد عن 41 مليون متر مربع بشرق بورسعيد.
*تشكيل لجنة من القضاء العسكري والنائب العام ووزارة الداخلية لحل مشكلة المعتقلين والمحبوسين على ذمة الأحداث التى اعقبت ثورة يناير في أسرع وقت ممكن وتحرير من لم يثبت في حقه أى جريمة جنائية.
* الأفراج عن 630 معتقل .
*السعي لتعزيز دور مصر العربي و الأفريقي بزيارة السعودية و أثيوبيا التي لم يزرها مبارك منذ 17 سنه و حضور مؤتمر القمة الأفريقي بأثيوبيا( التي تبني سدود علي مياه النيل ) لحل المشكلة بشكل دبلوماسي - و اللقاء مع الجاليات المصرية هناك.
*وضع حجر أساس مصنع لتدوير القمامة في المنيا يعتمد على تكنولوجيا تحويل الغاز إلى طاقه كهربائية ويعد الأول على مستوى الجمهورية والتاسع عالمياً .
* علاج الأطفال من عمر يوم وحتي عُمر 6 سنوات (الأطفال دون السِن المدرسي) على نفقة التأمين الصحي.
*كشف غازي جديد بالبحر المتوسط يصل انتاجه لـ39 مليون متر مكعب يوميا
* زيارة الأقصر و مقابلة السياح و الترحيب بهم تشجيعا للسياحة
*استقبال أمير قطر الذي وضع 2 مليار وديعة في البنك المصري.
*يذهب كل يوم جمعه تقريبا الي محافظة مختلفة ويخاطب الناس - و كذلك خاطبهم في برنامج اذاعي يومي في رمضان
*انطلاق أول حملة في مصر للنظافة و التوعية بأهميتها يومي 27 و 28 يوليو .
*أقال رئيس المخابرات و رئيس الشرطة العسكرية عندما ثبت تقصيرهم
*أمر بالقصاص لشهداء رفح و التأمين الجيد لسيناء و دخلت أسلحة ثقيلة مصرية سيناء لأول مرة
منذ حرب 73 - و قام بزيارة الجنود في رفح و تناول معهم الأفطار في رمضان
* يصدر قرار بإيقاف حوافز العاملين بالدرجات العليا بوزارة الكهرباء
بعد ثبوت تقصيرهم في الإنقطاع الواسع للكهرباء
*امر بتشغيل محطتين جديدتين للكهرباء وامر مهندسين ببدء في عمل محطات للسنوات القادمة
*يكرم الفائزين في مسابقات حفظ القرآن الكريم
*الغاء الأعلان الدستوري المكمل
*اقالة المشير طنطاوي رئيس المجلس العسكري و الفريق سامي عنان رئيس الأركان
*إعفاء المزارعين المتعثرين عن السداد لبنك التنمية الزراعية الذين لا يزيد قرضهم على 10 آلاف جنيه وبلغ عددهم 44 ألف فلاح ، وتتحمل الخزانة العامة للدولة 107 ملايين جنيه.
*افتتاح المرحلة الأولى من محطة توليد غرب دمياط بقدرة 500 ميجا
*الغاء اضافة الذرة فى الخبز المدعم الذى يعتبر منبعا رئيسيا فى ارتفاع نسبة السرطانات فى مصر نتيجة لسياسات النهب و الفساد
*مجمع لإنتاج الايثلين بتكلفة استثمارية 1.9 مليار دولار يوفر 10 آلاف فرصة عمل جديدة
* أول رحلة نيلية طويلة بين القاهرة وأسوان على متنها 28 سائحاً من جنسيات مختلفة، بعد توقف دام لأكثر من 15 عاماً
*75 تأشيرة للحج لعام 2012، وذلك لمصابى الثورة وأسر الشهداء عرفانا وتقديرا لهم من
المجلس القومى لرعاية أسر الشهداء والمصابين .
-----------------------------------------------------------------------------
(تكريم الشهداء و المصابين و لجنة للتحقيق من جديد - حل أزمة الأنابيب - حل أزمة السولار- حل أزمة الصحفية المصرية المحتجزة - حل أزمة الكهربا - توافر السلع -
انشاء ديوان للمظالم عمرنا ما سمعنا عنه - حملة للنظافة عمرها ما حصلت - الأفراج عن 630 معتقل - تشجيع السياحة - اعفاء 44 ألف فلاح من ديونهم - 4 وزراء فقط من الأخوان في كل المناصب بالدولة - انهاء حكم العسكر و الغاء الأعلان الدستوري المكمل - التواصل مع الناس يوميا و أسبوعيا - نشاط مكثف لاستعادة دور مصر افريقيا و عربيا و دوليا - اللقاء مع الجاليات المصرية بالخارج - أسلحة ثقيلة تدخل سيناء لحمايتها لأول مرة منذ حرب 1973 - مجمع لإنتاج الايثلين بتكلفة استثمارية 1.9 مليار دولار يوفر 10 آلاف فرصة عمل جديدة-إعفاء المزارعين المتعثرين عن السداد لبنك التنمية الزراعية الذين لا يزيد قرضهم على 10 آلاف جنيه وبلغ عددهم 44 ألف فلاح ، وتتحمل الخزانة العامة للدولة 107 ملايين جنيه-.
الرئيس يرفض أن تتحمل الدولة تكاليف سفر عائلته و مثل رائع في المحافظة على المال العام و يعالج أخته في مستشفي جامعة الزقازيق

كل دى أنجازات محدش يقدر ينكرها لكن بردوة فى حاجات أهم من الأنجازات اللى فاتت كان لازم تحصل قبل أى شىء عشان البلد ينصلح حالها زى المرتبات الأدمية و تشديد الرقابة على الموظفين و تنظيم الهيئات و المكاتب الحكومية اللى حالها ما يعلم بية إلا ربنا ....

يعنى لو حد سئلنى أية القرار اللى يفرق بالنسبة لى ومنتظرة و نفسى أسمعة ....
هل أقالة واحد سفاح زى المشير زفتاوى ولا رفع المرتبات بحيث أنها تتناسب مع الغلاء اللى عايشين فية؟؟!!

أكيد أكيد أكيد هقول أن المرتب هو الأهم بالنسبة لى ....
أنهى أهم بالنسبة للمواطنين ... أقالة رئيس المخابرات و رئيس الشرطة العسكرية عندما ثبت تقصيرهم ولا توفير البنزين للمواطنين؟؟!!

أكيد هقولك البنزين بالنسبة لى وبالنسبة لكل المصرين أهم من أقالة رئيس المخابرات ....
اللى أنا عايز أقولة أنى مش لاقى إنجازات ملموسة تخلينى مبسوط وحاسس بتغيير البلد بعد الثورة ....

يعنى لسة المرتبات زى ما هيا فبالتالى الموظفين الحكوميين بيعتمدوا على الرشوة ....
لسة فى أزمة فى البنزين ....

لسة مفيش أى رقابة على الموظفين فى الدولة ....
لسة حركة المرور مش منتظمة ....

لسة فى شوارع ملياااااااااانة زبالة على أخرها ....
لسة سواقين الميكروباصات و التكاتك بيعملوا كل اللى هما عايزينة عشان مش لاقيين حد يخافوا منة ....

لسة فى أنفلات أمنى بدليل سرقة سيارة للحرس الجمهوري من أمام منزل الرئيس مرسي بالزقازيق ....
لسة فى أعتصامات و أضرابات (أضراب مدرسين, سواقين, دكاترة ....)

لييييييييييييييييييية؟؟!!
عشان الناس دى وغيرهم بيستعبدوا و بيتهانوا عشان أخر الشهر يقبضوا شوية ملاليم ....

يوم ما أحس أن كل السلبيات دى أختفت و أحوال البلد أتحسنت ساعتها هقول أن البلد أتغيرت بعد الثورة و أن الرئيس مرسى قدر يغير البلد للأحسن ....

انت عايز البلد تتغير ازاى وانت نفسك مش قادر تتغير فرطت فى حقك ودفعت المخالفات ومشيت امورك بالرشوة
مافتكرش ان فيه موظف من دول حط ايده فى جيبك انت اللى دفعت بمزاجك.
وبعدين مدام انت صاحب حق بتدفع رشوة ليه؟
انت لازم تلوم نفسك لان انت نفسك مش عارف تتغير
لو كل واحد بدأ بنفسه يبقى كده فيه امل ان شاء الله

أنا مكنتش أحب أبدآ أنى أدفع مليم واحد للأشكال دى ....
لكن لما تلاقى موظف بيندة على أسمك و يطلب منك 5 جنية و لما تقول لية يرمى الورق ويندة على الأسم

اللى بعدة ... تقدر تقولى هتعمل أية؟؟!! هتتخانق؟؟!! هتزعق؟؟!! مين هيسمعك ولا هيقف معاك؟؟!!
غصب عنك هتدفع عشان تخلص من المشوار الأسود دة ....

المشكلة مش فينا ....
المشكلة فى أختفاء الرقابة و التسيب و الأهمال اللى للأسف لا يزال موجود ....

[kimocyc]

حسبنا الله ونعم الوكيل..

اسوء ايام العمر ايام التعامل مع المصالح الحكومية..

[م. حاتم السباعي]

انت عايز البلد تتغير ازاى وانت نفسك مش قادر تتغير فرطت فى حقك ودفعت المخالفات ومشيت امورك بالرشوة
مافتكرش ان فيه موظف من دول حط ايده فى جيبك انت اللى دفعت بمزاجك.
وبعدين مدام انت صاحب حق بتدفع رشوة ليه؟
انت لازم تلوم نفسك لان انت نفسك مش عارف تتغير
لو كل واحد بدأ بنفسه يبقى كده فيه امل ان شاء الله

تسلم ايدك يا فندم
و استكمالا لكلام حضرتك انا كنت برخص عربية جديدة و غالية و اتلكك ليا البهوات في المرور
و لم اعتمد علي الرشوة بفضل الله و جريت علي حقي و تعبت حتي اكرمني الله بعد عذاب ان الرخصة تطلع
و اخيرا رسالتي للاستاذ جوست انت اللي فرطت في حقك و هذا لا ينفي ابدا اتهامك لهم بأنهم بؤرة فساد
تحياتي لك

[casperinoo]

مرور النزهة محترم جدا ورئيس الوحده على طول الباب مفتوح يا بيلف والي بيلاقيه بيدلع بينفخة

فعلا ..انا بقالي 5 سنين مثلا عمري ما دفعت جنيه زياده

[windofchange]

فين مرور النزهة ده وده غير مررور مصرالجديدة؟

[Ghosts]

حسبنا الله ونعم الوكيل..

اسوء ايام العمر ايام التعامل مع المصالح الحكومية..

+1 ....
اليوم فى أى مصلحة حكومية = 10 سنين ....

[Magoda]

مينفعش نحول مرور النزهة

[yoko]

فين مرور النزهة ده وده غير مررور مصرالجديدة؟

أيوه غيره مرور النزهة بيدعم جزء من مصر الجديدة وهو في شيراتون بيدعم شيراتون والنزهة الجديده وأعتقد جزء من الحجاز

[Magoda]

انا صحابى بيشكروا فيه برضه بيقولوا عليه جااامد جدا ياريت الباقى كله يبقى كدته