كارنيهات للمنتدى

[AHMED_DINAMO]

السلام عليكم


الفكره دى يا جماعه كنت قرأتها قبل ما اعمل اكونت هنا فى المنتدى كان فى عضو عامل موضوع لكارنيهات للمنتدى وعمل اشكال تخيليه للكارنيه وكده.
المهم الفكره دى جت فى دماغى تانى ليه ميبقاش للمنتدى بتاعنا كارنيهات عضويه زى الانديه وكده هتبئا فكره حلوه ومعتقدش ان صعب تنفيذها

يبئا زى كده مثلا بغض النظر عن الحج George



الظهر عليه اللوجو بتاع المنتدى

والوش الاسم وتاريخ الانضمام للمنتدى والعربيه مثلاً

هيبئا دمه خفيف وشرف لينا اننا نشيل كارنيه عضويه للمنتدى

يا ريت تشاركو باقتراحتكم وارائكم والاداره تشاركنا برده

[Ahmed A Rahman]

ولو معييش الكارنيه ممكن الراجل اللي على الباب ميدخلنيش !!!

انا بحاول على اد ما اقدر اني اقلل في عدد الكارنيهات اللي شايلها وعايزين نعمل كارنيهات لموقع افتراضي على النت ههههههههههههههه

[AHMED_DINAMO]

ولو معييش الكارنيه ممكن الراجل اللي على الباب ميدخلنيش !!!

انا بحاول على اد ما اقدر اني اقلل في عدد الكارنيهات اللي شايلها وعايزين نعمل كارنيهات لموقع افتراضي على النت ههههههههههههههه

تقريباً كده لو معكش الكارنيه مش هتدخل
الفكره كلها ان موضوع الكارنيه ده هيبئا دمه خفيف ان نايل موتورز يبئا ليه كارنيه زى استيكر نايل موتورز تتعامل بيه زى الاستيكر فى الخصومات والعروض المقدمه لنايل موتورز وفى المقابلات وكده

[Karim_Monir]

هي الفكرة انه مالوش لازمة وبعدين ماهو الاستيكر على العربية
يبقي الكارنية في المحفظة عشان دمه خفيف :-)
انا في بنوك سايب الفيزا بتاعتها في البيت عشان اقلل البطاريق والكارنيهات في المحفظة اللي اغلي محفظة مابتكملش 6 شهور بسببهم :-)
وبعدين عندك فكرة عن كارنية محترم يليق باسم نايل موتورز يتكلف كام للكمية
وكام شخص هايدفعو عشان يشيلو كارنية بالنسبالهم ملوش لازمة ؟؟
بلاش اقولك عشان ما تتخضش

[AHMED_DINAMO]

ههههههه خلاص يا عم كريم اقفل الموضوع يا عم ده انتو قفلتونى قفله انا هطبع واحد لنفسى يا عم ولما نتقابل اوريهولك وهبئا عضو ماسى فيه كماااان ده انتو عالم فظيعه بتحطمو الواحد وتكبتو افكاره كده