تحذير هام جدا جدا جدا

[osamaesm]

تحذير هام جدا
يوم 29 /6 اشتريت حجات من مركاتو من ضمنها 3مربي فيتراك اسكويز دي بجبها لولادي احمد 4 سنين وعمر 1 هما اللي بيكلوها عشان شكلها حلو وبيحبوها
مراتي اكتشفت امبارح ان اتنين منهم انتها الصلاحيه 7/2008 وواحده 5/2008 فرحتلهم امبارح وزعقت وهددت اني هروح القسم واعتذروا قلولي دي اكيد غلطه ولو عايز تغيرهم او ترجعهم احنا تحت امرك قلت كده كده هجيب المربي تاني فقلت اخد غيرهم لقيت كل الي علي الرف صلاحينه منتهيه 5 /2008 و7/2008
فلو سمحتو يا ريت تاخدو بالكو

[mkhalifa73]

شكرا علي ايجابيتك

[hero]

شكرا علي التحذير....ربنا يهدي...

[CryptonX]

واحب اضيف :
اولاد رجب - المحمل - ابو ذكري .


ازبل من الزبالة و النظافة صفر و ياما لفيت حاجات بايظة و تاريخها منتهي .

[som3aa]

المحلاوى كمان صفر فى النظافة
حاجة غريبة فعلا!!!

[osamaesm]

مش عارف لما امحلات الكبيره دي فيها كده امال المحلات الصغيره فيها ايه
حسبي الله ونعم الوكيل

[fahd_628]

شكرا يا باشا على ايجابيتك و متسكتش عن حقك و لازم تبلغ

[osamaesm]

ابلغ فين لو حد يعرف رقم جهاز او جه ابعتله شكوي

[Mosso]

على فكره الكلام ده حصل معايا في مترو برضه قبل كده,
و خصوصا الشيكولاتات و الحاجات المستورده لأن السحب عليها ضعيف,
و بيحصل في اي سوبر ماركت لكن من حق اي حد كمستهلك انه يشوف تاريخ الصلاحيه و لو مش واضح يسأل التاجر عنه,,,

[osamaesm]

انا دخلت دلوقتي علي بوابه الحكومه الالكترونيه
قسم الشكاوي
وبعت شكوي لرئاسه مجلس الوزراء لاني نعرفيتش اقدم الشكو فين

[Mosso]

رئاسة مجلس الوزرا مره واحد!!!!!
لا حضرتك في جهاز حماية المستهلك هو الي مختص بالموضوع ده,
انما رئاسة مجلس الوزرا انا شايفها كبيره شويه عشان مربى

[Karim_Monir]

دايما باخد باللي من الصلاحيات كويس قوي
امبار في سبينس لقيت عرض مغري على الجمبري
دخلت اشتري واشتريت
بحط الحاجة في شنطة العربية حاسس بريحة مش حلوة قولت يمكن الجارج ريحتة وحشة
قولت لاء ابص
فتحت الشنط هووووف من شنطة الجمبري لقيت الريحة ورغم اني حاسبت الباركينج خلاص
طلعت تاني وساعة عشان يترجع ويقوللي سليم اقولوة انت مش بتشم اساسا
دي ريحتة الناس واقفة قرفانة منه
واحدة ست تقولوة يابني ده احنا هانرجع من الريحة وانت تقولوة سليم
هو معذور من الوقفة طول النهار في وسط البقالة والمنظفات الصناعية حاسة الشم عندة راحت
خدت فلوس وخدت تيكيت كمان احاسب بيه لاني كنت بقاللي ساعة ومش هادفع 5 جنية باركينج عن الساعة دي كمان وهما الغلطانين

[osamaesm]

تمام يا باشا بس انا المربي دي بجيبها فعلا لولادي واحد اربع سنين والتاني سنه
لو حد منهم كان حصله حاجه مكنش هيكفين 1000000 مجلس
وانا هو ده اللي لقيته قدامي

[CryptonX]

دايما باخد باللي من الصلاحيات كويس قوي
امبار في سبينس لقيت عرض مغري على الجمبري
دخلت اشتري واشتريت
بحط الحاجة في شنطة العربية حاسس بريحة مش حلوة قولت يمكن الجارج ريحتة وحشة
قولت لاء ابص
فتحت الشنط هووووف من شنطة الجمبري لقيت الريحة ورغم اني حاسبت الباركينج خلاص
طلعت تاني وساعة عشان يترجع ويقوللي سليم اقولوة انت مش بتشم اساسا
دي ريحتة الناس واقفة قرفانة منه
واحدة ست تقولوة يابني ده احنا هانرجع من الريحة وانت تقولوة سليم
هو معذور من الوقفة طول النهار في وسط البقالة والمنظفات الصناعية حاسة الشم عندة راحت
خدت فلوس وخدت تيكيت كمان احاسب بيه لاني كنت بقاللي ساعة ومش هادفع 5 جنية باركينج عن الساعة دي كمان وهما الغلطانين

يا عم ادفع زيادة - اتشري و خلاص !

حتكسب جراند بونتو XD

[Mosso]

الخط الساخن لجهاز حماية المستهلك : 19588
البريد الالكتروني على : www.cpa.gov.eg
فاكس : 0235380384