فية بدروم عمارة و عايز اعمل فية مشروع و محتاج افكار

[atamim]

السلام عليكم ورحمه الله و بركاته

فى العمارة الى انا ساكن فيها فية بدروم بمساحة يمكن 450 متر كان مفروض يكون جراج بس متعملش و مقفول من سنين

لو حبيت ااجرة من اتحاد الملاك يا ترى اى المشاريع الى تنفع فية ؟

علما انه على شكل حرف u

85% منه تحت الشقق و 15% منور بين 4 شقق اخر فتحة حرف ال u

[M!NA]

ممكن تعمله Gym
بس دا طبعا هيكلفك سعر الأجهزة و تجهيز المكان و كله

[nabil246]

سوبر ماركت

لو ليه مدخل من الشارع ، ممكن يبقى سوبر ماركت . وفى جميع الأحوال سيحتاج إستحداث وتوسيع وعمل سلالم لهذا المدخل.
ممكن يتم تقسيمه إلى بوتيكات ومحلات صغيرة بما يشبه المولات التجارية، لو الشارع او المنطقة تجارية فكرة التقسيم تكون مناسبة ، لو ماكانش الشارع تجارى يبقى سوبر ماركت افضل.
ممكن المشروع يبدأ بتأجير جزء من المساحة وليس كل البدروم .

[tarekkasaby]

معلش انا هاقولك حاجه غريبه شويه
اعمله جراج هو صحيح مش شغل بس هوه فيه مكسب كبير
فكر لو ينفع و مش حايكلفك كتير
وكمان حاتركن عربيتك ببلاش :embarrassed2:

[magomago]

لو المكان قريب من كليات
ممكن مركز علمى ( تصوير - طباعة - كتابة رسائل - لوحات هندسية ...)

[bassem.naguib]

معلش انا هاقولك حاجه غريبه شويه
اعمله جراج هو صحيح مش شغل بس هوه فيه مكسب كبير
فكر لو ينفع و مش حايكلفك كتير
وكمان حاتركن عربيتك ببلاش :embarrassed2:

صح مليون في المية .. جراج ثم جراج ثم جراج .
أولاً: لأن مكسبه كويس جداً من غير مجهود .
ثانياً: حتبقى سليم لأن المكان أصلاً مخصص لجراج في ترخيص المبنى .. ولو عملته غير كدة حتاخد مخالفة

وبالتوفيق

[hazem_khidr]

يا تري المبلغ اللي معاك في حدود كام.
بس عموما الجراج كويس و تشوف شغل تاني و يبقي دا دخل شهري يساعدك.
ممكن تعمل مغسله عربيات او كار كير يبقي جامد برضه.
ممكن مغسله ملابس لو المنطقه عندك ما فيهاش مغسله.

[Abdo_Eldesokey]

أكيد جراج طبعا ً خصوصا ً إنه مش محتاج تشطيب أو مصاريف أولية .. أو حتى مصاريف تشغيل .. يعني يا دوب ممكن مرتب السايس

[Xpert]

لو ينفع جراج .. شغله جراج !

[SS]

يا تري المبلغ اللي معاك في حدود كام.
بس عموما الجراج كويس و تشوف شغل تاني و يبقي دا دخل شهري يساعدك.
ممكن تعمل مغسله عربيات او كار كير يبقي جامد برضه.
ممكن مغسله ملابس لو المنطقه عندك ما فيهاش مغسله.

+100000000000
زى ما حازم باشا قال ..انا شايف ان موضوع الجراج و غسيل العربيات مناسب اوى و كمان مش هيبقى فيه تكاليف كتير

[Yarisawy]

جراج فكرة جميلة وغير مكلفة بس لو فى مكان هادى ونايم ومش زحمه مش هايمشى

ياريت ياAtamin تقول مكانه فين عشان مش كل مشروع ينجح فى اى حته

[BLACKVERNA]

جراااااااااااااااااااااااااج هو الحل الامثل و هو تساعد فى ازمة المرور و تفضى الشوارع من العربيات شويه

ربنا يوفقك و ابقى قولنا عملت ايه

[mou86afa]

ممكن تعملوا كذا حاجه مثلا :
1- جراج وده احسن حاجه ومش حا تحتاج حاجات غير ممكن البواب او اي حد ينضف العربيات ويحرسها
2- ممكن تعملوا مشتل او تعمل مشلروع عش الغراب
3-ممكن تعمل مكتبه تصوير ورق لو جنبك مدرسه او معهد او كليه
4-الكنج الي ماشي الايام ديه " سنترال "

[mohamed_88sk]

فعلا جراج أنسب حاجه بس في حاجه أن لو حتجيب السايس والحارس والناس دول لازم يكونوا ثقه لأن والعياذ بالله لو حصل حصل حاجه في سيارة حد دي حتشيلها والعياذ بالله
صلي أستخارة والله المستعان بإذن الله .