عايز اشتري موبايل بالتقسيط !! ؟ ايه احسن مكان

[Ahmod]

السلام عليكم ورحمة الله وبركاته

بفكر اشتري جلاكسي s3 تقسيط

لان برضوا ان الواحد يكيش 4500 مرة واحدة كدة في موبايل هتبقى صعبة !!

والموبايل تحفة بصراحة وداخل دماغي بطريقة غير عادية

ففكرت اجيبه بالتقسيط

بفكر ادفعلي مثلا 2000 جنيه مقدم ولا حاجة والباقي على سنة او سنة ونص بالكتير !!

نزلت سالت بس لقيت الفوايد حاجة توجع القلب !!

كارفور مزود فوايد 800 جنيه على سعر الموبايل

فودافون فوايد حوالي 650 جنيه تقريبا

موبينيل لازم تكون عندك خط مش عارف نوعه ايه كدة وانا اصلا ماعنديش خطوط موبنيل

الوحيد اللى عجبني عرضه نوعا ما كان كومبيو Me

ده بتسقط تبع البنك الاهلي المصري لمدة 6 شهور فقط بدون فوائد فمش عارف بقى ايه الاجراءات لو عايز ازود المدة عن كدة !!

ياريت لو حد اتعامل مع محل موبايلات قبل كدة بيقسط يقولي وايه اخبار الفوايد والضمانات

وتنصحوني اجيب منين ؟

[bassoom007]

روح يا باشا ((البلدوزر تقسيط)) فى احمد عرابى فى المهندسين ..هما موزعين معتمدين للسامسونج ...وشوفت عنده ال sIII كان جاااااااامد وكان لونه ابيض ......وده رقمه

33355074
33447656
0121194700

[AHMED_DINAMO]

متابع جداً

[Medo.Malek]

بى تيك تقسيط بدوم مقدم و بدون فوايد على سنة
بس هما بيزودوا على سعر السوق حاجة بسيطة 100 او 200 حاجة كده مش متأكد

[mr_safwt]

بس الموبايل سعر الكاش 3800 مش 4500

[أبو عبدالله]

بي تك تقسيط كويس ومفيهوش حرمانية علشان هما مالكين البضاعة مش بيروحوا لبنك او بيشترولك البضاعه اللي انت عاوزها
وكمان لو هتشتري حاجه هما وكلاء لها بتعمل 5 % على 6 شهور ولو 16 شهر يبقى 10 %
اما لو مش وكيل لها يبقى 6 % على 6 شهور او 12 % على 12 شهر
والمفاجأة بقه ان htc عامله عرض مع بي تك تقسيط بدون فوايد خالص