سؤال ممل ؟

[A7MED_PHARMA]

السلام عليكم


.
سؤال
.
ليه الواحد لما يتكلم مع ناس
الناس تفهمه زي ماهما عاوزين يفهمو .. مش زي مانا أقصد

[ahmad--ezzat]

لو بتتكلم على مستوى الكلام فقط

لما باجى اتكلم مع حد فى اى موضوع سواء سياسه او رياضه او حتى عاطفه...وسواء بنت او ولد او راجل كبير او ست كبيره...بحاول اكرر كلامى كذا مره عشان اعرفهم انا اقصد ايه او عايز افهمهم ايه...لدرجه انى بحاول احفظهم
لان فعلا الناس حاليا مبتفهمش...قليل جدا اللى بيفهم ويستوعب

[haroun707]

السلام عليكم


.
سؤال
.
ليه الواحد لما يتكلم مع ناس
الناس تفهمه زي ماهما عاوزين يفهمو .. مش زي مانا أقصد

عارف ليه ؟

علشان ببساطة اللى انت بتتكلم معاهم مش فاهمينك انت اساساً اقصد بده انهم مش قريبين منك ولو مقربين يبقوا مش اوى

وكمان بيتحكم فى موضوع الفهم ده حاجة بسيطة

الثقافة والخبرة الحياتية ..... كل واحد بيفسر حسب نشئته ومفاهيمه اللى اتربى عليها


دور على صديق حقيقى ولو انهم نادرى الوجود دلوقتى

[ahmad--ezzat]

انت لو تحدد سؤالك شويه
هتلاقى اجابات ادق شويتين

[Ahmed Sharaf]

صديقي , عامل اية؟
بمنتهى البساطة .. لان كل واحد فينا عندة معلومات وخبرات ومواقف يمر بها في حياتة وبناء عليها بيفهم الكلام أو الموقف حسب المخزون اللي عندة من الخبرات دي.

علي سبيل المثال , لو 6 اشخاص ماشيين جنب مزرعة برتقال ممكن تلاقي تعليقاتهم مختلفة كالآتي:
1- الله ريحة الزهور بتاعتها جميلة , سبحان الله.
2- أكيد صاحب المزرعة دي زهقان من أكل البرتقال.
3- ياااة , تلاقي صاحب المزرعة بيكسب كتير قوي منها.
4- صاحب المزرعة دة ما بيفكرش صح , لو كان زرع مانجو كان هيكسب أكتر.
5- صاحب المزرعة كان المفروض يزرع حاجة مش موسمية علشان يكسب أكتر.
6- انا لو مكان صاحب المزرعة كنت بنيت بيت جواها.

كل واحد منهم حسب معتقداتة وأفكارة ومخزون المعلومات عندة وتجاربة السابقة قال تعليق مختلف.
علشان كدة لما تكون بتتكلم مع حد وخصوصاً لو عو مش عارفك بتستخدم مصطلحات لتوصل المعلومة غير اللي بتستخدمها مع حد تعرفة.

شوف اللينك دة وإنت تفهم قصدي.

http://www.nilemotors.net/Nile/56913-a.html

[horas3000]

ده لان كل واحد بيفهم اللي هو عايز يفهمه
مش اللي انت بتقوله

و ده مشكله البلد علي فكره

[A7MED_PHARMA]

ربنا يكرمكم جميعا

المثل الي بيقول .. كل واحد ينام على الجمب الي يريحه
لما أكلم واحد أقوله ياعم زهقان وقرفان والدنيا خانقاني

يقولي تقصد إيه يعني ؟
زهقان مني ومش عاوز تكلمني ؟؟؟؟؟؟؟؟؟؟؟؟؟؟؟؟؟؟


أكلم واحدة في الصيدلية كويس وبأدب وده طبعي
تقوم تفهم إنها ليلى وأنا قيس ؟

تيتتتتتتتت

[shaddadfalcon1]

اما كلامك مش واضح او مش المفروض تتكلم معاهم اصلا

[A7MED_PHARMA]

المشكلة ان كلامك يكون واضح جدا
مشكلة
وانت محتاج حد يدعمك فيها .. وتكلمه تقوله ياعمنا مخنوق وقرفان ومش طايق نفسي ولا طايق حد
تكون مستني منه يمدلك إيده تساعده
يقوم قايلك ... يعني قولها بصراحة انت مش عاوز تكلمني ؟

[ahmad--ezzat]

هههههههههههههههههههههههههه
هو كده عايزو يمد ايدو ليك وانت بتقله مش طايق حد هههههه
هو تفرق بقي في الاسلوب
شكلك مش خبير في البني ادمين يابوحميد :)

[Y a r i s]

موضوع جميل يابوحميد


مشكلة الناس ان عمر ماهيخدوا كلامك بصفاء نيه ابداً بالذات بعد ما كبرنا. ياراجل يا طيب. ده على مستوى ضحكة بتضحكها من غلبك. هتبص تلاقي واحد يقول عليك كوميدي وابن نكته.
التاني هيقول. ااااااه ده بيدحك ليه اكيد بيستهزء بيا وبمشاعري او انا مش مالي عينوا
هيجي التالت : ويقول ااااااه مدام ده بيدحك كده او ابتسم يبقى اكيد محضرلي خازوق هيخرم نفوخي
والرابع : عادي هيقول والله الانسان ده على طول بشووش وبيدحك. ومفهاش حاجة

فاجمل دحكة بحب اشوفها هيا دحكت طفل صغير بزغزغوا بحس فيها بالبرائة
فده على مستوى دحكة ولا ابتسامه شوف قد ايه ليها كزا تفسير فما بالك بالكلام ممكن تقول كلمة عادية وتتفسر مليون تفسير على حسب. نية الي قدامك وعقدوا ومشاكلوا الشخصية وتجاربوا وخلفياتوا المكلكعة .... زي مرة واحد بقولوا الف مبروك ياعم الشقه الجديدة بصيت لقيتوا كشر كده وقالي قصدك ايه !!!!!! انا مش حرامي هنهههههههه. دي جايبها قسط تبع البنك. فاتفرج قد ايه الناس مليانه كلاكيع داخليه .... وعقد نفساوية. .

لكن حبيبك المصطفى ليه حديث جميل قوووي قوووي قوووي. صلى الله عليه وسلم. قال بما معناه التمس لاخيك المسلم ٩٩ سبباااااا .... يعني ليك تعذر اخوك المسلم. والانسان الي زيك وتحطولا تسع وتسعين عذر وتحياتي ليك يا بوحميد