الجواز ولا العربية

[mohamed_mohsen]

العربيه,,,,,,,,,طبعاً

[MotorX]

لو رسيت حتى على " توك توك " ، انت الكسبان .

تحياتي.

[tutankhamoun]

22 سنة ........ صغير قوي .
الحياة صعبة و سنك صغير و لو أتجوزت دلوقتي هاتتعب أقتصاديا و نفسيا . ههههه
انا شايف و الله أعلم من 25 إلى 30 .... ممكن تفكر في الزواج .
دلوقتي كون نفسك صح .( أبني الأساس الأول) صح و بعدين بقى ضبط .
الدنيا دلوقتي غير زمان و المتطلبات المادية الضرورية زادت في الحياة .

بغض النظر أنت هاتجيب عربية أو لاءة .

[dr.hazem]

العربيييييييييه ياعم
على قولة شنوري

جواز ايه ياجدع
انا اتجوزت وانا عندي 24 وحاسس اني عجزت وانتهى تاريخي ياعم

ابعد عن الشر وغنيله!!

[zkralla]

الجواز طبعا والمزايا كتير قوى
وسيبك من الكلام الى بيقوله المتجوزين دول بيقولوا كده عشان خايفين من الحسد ههههه

[sas5]

السلام عليكم
انا شايف ان سنك 22 سنه وشايف انك تاجل الموضوع على الاقل سنتين ثلاثه لحين وصولك 25 سنه على الاقل خلال الثلاث سنوات هذه سوف تبدا تاخذ خبر الحياه وتندمج فى العمل
علشان متجيش بعد كده وتحس ان فى حاجات كتيرة كان نفسك تعملها ومعملتهاش
عيش الدنيا بطولها وعرضها خلال السنيتين او الثلاثه وبعد ذلك ربنا يوفقك بالزواج
وايضا اذا تزوجت الان وعمرك 22 فكم سوف يكون عمر الزوجه لابد ان يكون اقل منك سنه او سنتين على الاقل

[shaddadfalcon1]

مريت بنفس ظروفك بالمللي بنفس السن بالمللي وكنت برده شغال وانا طول عمري بشتغل وانا في الدراسه وايام الدراسه مطحون واول ماخلصت واشتغلت كان نفسي اعيش حياتي شويه واجيب عربيه واروق نفسي بقي لقيت العيله كلها هجووووووووووووووووووووووم لازم تتجوز واتنيلت علي عين اهلي واتجوزت والحمد لله بعدها بسنه جبت العربيه برده


لو لقيت الزوجه اللي تسعدك وحاسس انك قد المسئوليه يبقي توكل علي الله

بس الله يرضي عنك اوعي تتجوز او تختار واحده لمجرد ان والدك ووالدتك عايزينك تتجوز عشان متندمش بعد كده

[kh_talaat]

نصيحتي .... خليك في العربية احسن

[فتح الباب]

نصيحتي .... خليك في العربية احسن

هههههههههههههههههههههههههههههههههههههه
واوعى تنزل منها ابدا

[Dr. Elsaadani]

معقول تكسف الحاج كده
ده طبعا من غير تفكير ولا استشارة حد خالص
ده الموضوع بسيط جدا
حد يلاقى واحدة بنت حلال ويتردد

وطبعا من غير تفكير انا بقترح عليك الاتوماتيك بلاش المانيوال وقلنا اول مشوار حتروح بيه بالسيارة حيكون لفين

نقول مبروك قريبا بالدبل اقصد بالرخصة

[fineart607]

بص انا اتجوزت وعندى 23 سنة وبفضل الله ربنا بيفتح على بعد الزواج وبعد ما كنت بفكر اجيب 128 ربنا كرمنى بعربيه زيرو وقعدت معى 3.5 سنة وربنا كرمنى وغيرتها بحاجه اعلى رغم وجود اطفال
اللهم لك الحمد والشكر

نصيحة فعلا الزواج بزود الرزق والله
بس نصيحه برضه اهم شىء الزواج يكون صالح يعنى تانى فى اختيار الزوجه ضرورى جدا جدا

[A.Saad]

شوف للحاج عروسة ينشغل بيها عنك
بس اوعى الوالدة تحس
هههههههههه

[ahmad--ezzat]

العربيييييييييه ياعم
على قولة شنوري

جواز ايه ياجدع
انا اتجوزت وانا عندي 24 وحاسس اني عجزت وانتهى تاريخي ياعم

ابعد عن الشر وغنيله!!

ههههههههههههههههه طيب ايه اللي مفتقده ايام العزوبيه

[medododo]

ياباشا دي ركوبة ودي ركوبة تانية خالص
.

.
.
.
.
.
.
.
.
.
.
.
.
.
.
.
على العموم الالماني كله كويس

[Saeed-Taha]

بص ياباشا الموضوع دا انا مريت بيه بالظبط

بس أخترت الاول اشترى العربية

وقلت لنفسى انا لو اتجوزت والقرشين راحوا فى الجواز مش هلاقى اللى يساعدنى اشترى العربية
لأنها من وجهة نظر الاهل حاجة كمالية مش ضرورية

فا أخترت انى اشترى العربية ودلوقتى هما بيتحايلوا عليا يساعدونى أتجوز
عشان من وجهة نظرهم الجواز الضرورى ;)