منظار على البطن و المعده

[Tmhami]

معلش هوا سؤال غريب شويه
و احد أعرفه مطلوب منه يعمل منظار على المعدنه و القولون
حد يعرف مكان و التكلفه ,
يفضل فى التجمع أو مدينه نصر أو أى مكان تانى وهوا حيتصرف

[mohamed_selim]

اى مركز اشعه بس يكلمهم عشان يشوف بالحجز ولا النظام ايه و برضه لو فى تحضير (صيام - ادويه) يبقى عارف

ارشحلك مصر سكان عند تقاطع عباس العقاد مع مصطفى النحاس (لو جاى من ناحية التامن هيكون على يمينك قبل اشارة عباس العقاد) تعاملهم ممتاز

تعديل: ما اخدتش بالى ان المطلوب منظار فهمتها اشعه تلفيزيونيه .. ممكن تكلم مركز الاشعه و تشوفهم بيعملو ده ولا لأ ...

[Tmhami]

للأسف سألت فى cairo scan ,misr scan ,alda scan
و كله نفس الأجابه أنهم مش بيعملوا عندهم مناظير خالص

[mohamed_selim]

طب هو مين اللى طالب المنظار؟ اكيد ممكن قريبك يساله اعمله فين

[medododo]

المهم المكان يكون نظيف ومضمون
لأن المنظار مصدر لنقل الفيروسات ذي فيروسات الكبد

[elpasha1]

مستشفيات اليوم الواحد

[ibn_seena]

مستشفى

[A7MED_PHARMA]

تاخد تحويل من العيادات الخارجية من اي مستشفى حكومي
او
تروح مركز لأمراض الكبد والجهاز الهضمي
انا عملت 3 مناظير

لكن كانو في المنصورة والزقازيق


وربنا يعافي الناس جميعا

[Egyzizo]

فى عيادات أطباء الكبد والجهاز الهضمى ، معظمهم دلوقتى عندهم مناظير.
سعره فى الأقاليم فى حدود 200 جنيه ، وفى القاهرة اضرب فى أربعة أو خمسة.

[aboomar22]

بس ياباشا حضرتك هتروج جيزة سكوب فى ميدان الجيزة نزلة الكوبرى اتجاه شارع الجامعة دول متخصصين مناظير الجهاز الهضمى وعندك الفا سكوب برج الصفا الطبى ميدان الحجاز المهندسين يعنى تانى يمين فى شارع شهاب نفس البرج اللى فيه معمل الفا والفا سكان وكمان عندك دقى سكوب نهاية شارع التحرير العمارة الناصية شارع التحرير مع شارع السودان دول اللى اعرفهم فى الجيزة حضرتك اعمل بحث بكلمة سكوب هتلاقى اكتر من مكان عندك كمان وحدة المناظير بمستشفى مصر للطيران ومديرها رائد مناظير الجهاز الهضمى الطبيب المتميز أ.د احمد عبد السميع

[Tmhami]

ألف شكر لمشاركتكم و أهتمامكم
وربنا يشفى الناس جميعا

aboomar22
أنشاء الله حسأل فى مصر للطيران أو فى دقى سكوب (دول أقرب حاجه ليا من مدينه نصر)

Egyzizo
A7MED_PHARMA
ibn_seena
elpasha1
medododo
mohamed_selim

ألف شكر لأهتمامكم و لردكم المشكله أن المنظار ده لواحد غلبان و مطلوب أنه يعمل المنظار بسرعه على المعده كمان أهل الخير حيجمعوا الفلوس ليه
الدكتور بتاعه قاله على مستشفى أنجلو أمريكن (أول مره أسمع عنها) و بصراحه أحنا كنا عايزين حاجه مضمونه

[aboomar22]

مستشفى الانجلوا فى منطقة الجزيرة خلف النادى الاهلى حضرتك مدخل برج الجزيرة هى بعد البرج على طول