طقوس x طقوس

[samehafez]

يعني يمكن عشان ظروف شغلي مبحتاجش اتمشور يعني يدوب سلمتين من كابينتي ...
بس قبل ما امسك الشفت ...لازمن لازمن كباية شاي 3\2 مية سخنة و بعديهل بدقيقة التلت مية ساقعة .... مبحبش اشرب حاجة سخنة اوي و مش انا اللي اقعد استني كباية شاي علي ما تتكرم عليا و تبرد

علي فكرة انا كمان بحب قراية الجرنال من الشمال ..... و علي فكرة ناس كتيرة كدة مصريين واجانب

[OlaOsman]

ايه ده
هوه فيه شعب غير الشعب المصري بيشرب شاي بلبن؟!!!!!!

دول أساس الشاي عندهم هو الشاي باللبن.. يعني من طول عشرتي مع الأجانب - الانجليز بالتحديد - عمري ما شفت حد فيهم بيشرب شاي سادة.. و همه على فكرة بيسموه Tea مش Tea with milk

و برضه ليهم طقوس معينة في الأكل، يعني مثلا اي بسكوت أو تورتة او جاتوه لازم معاهم شاي.. لازم لازم يعني :)

[mohamed_88sk]

أنا بقى كنت لازم الصبح قبل ما أدخل الجامعه الصبح ساندوتش نوتيلا وأنا نازل ولما أوصل المدرسة
أنط على مكتب والدي (كوسه كوسه يعني ههههههههه) وأخليه يعملي ماج شاي أو شاي حليب وجانبه بسكويت ولازم كوباية أو ماج قهوة فرنساوي ودي بتكون 2 كوبايه في اليوم
في مصر بقيت ماليش عاده غير أني ماأفوقش غير بماج نيسكافيه أو القهوة الفرنساوي واليوم اللي مضربش واحد عالأقل بتعكنن وللأسف على طول متعكنن عشان بجيب البن الفرنساوي مع والدي وهو نازل من الكويت ولما يخلص مني ببقى زي ما تقولو كده شايف حيوانات ومش مركز هههههههههههههههههههه

[Sameh]

أنا طقوس حياتى اليومية إنى أنسى الموبايل كل يوم الصبح وأرجع أخده تانى

[Noha.M]

دلوقتى اكتشفت ان اهم طقس من طقوس صحيانى الصبح انى متكلمش مع حد خالص ولا ارد لغاية ما افك و اشرب مج الشاى سادة و مفطرش ..

[OlaOsman]

بس هو المشكلة كده بالنسبة للي طقوسهم مرتبطة بالمنبهات زي الشاي و القهوة انهم في نهار رمضان أكيد بيبقوا قنابل موقوتة زي المدخنين كده، و لا ايه؟

[ows212]

انا عادتى اشرب الشاى بلبن ....................
بس مرة واحدة فى السنة ..... بافطر بيه مع فايش طرى يوم العيد الصبح
ماحدش يسألنى يعنى ايه فايش

[OlaOsman]

انا عادتى اشرب الشاى بلبن ....................
بس مرة واحدة فى السنة ..... بافطر بيه مع فايش طرى يوم العيد الصبح
ماحدش يسألنى يعنى ايه فايش

حد برضه ما يعرفش الفايش؟.. و هل يخفى الفايش؟ :)

[Mohamed-Saoud]

أنا بأة عندي عاده غريبة غريبة مش عارف في حد تاني بيعملها ولا لأ؟؟؟!!!!!!
أتعودت من أيام الكلية اني أشرب بخور و أنا بذاكر... بخووووووور مش سجاير. أحط البخور (اللي من غير عيدان خشب القصير ده) بين شفايفي مثل السجاير بالضبط و أشتنشق دخان و أخرجه تاني و طبعا الطفايه جنبي :) :)
و حتى الأن بجيب البخور و أديها طول ما أنا بذاكر أو أقرأ حاجة محتاجة تمعن جاااامد :) :) لدرجة اني أيام الامتحانات كنت بخلص حوالي علبتين يوميا !!! :)

و على فكرة جاب تأثير ممتاز أيام الأمتحانات (هو و معاه القهوه طبعا)

[mohamed_88sk]

بس هو المشكلة كده بالنسبة للي طقوسهم مرتبطة بالمنبهات زي الشاي و القهوة انهم في نهار رمضان أكيد بيبقوا قنابل موقوتة زي المدخنين كده، و لا ايه؟

فعلا بالذات للي مدمن منبهات ...
أنا عن نفسي لازم كباية الشاي بعد السحور وأحيانا قبل وبعد السحور ...
بس للأسف دلوقتي أتمنع من المنبهات دي:confused2:
بس برضو جربت بالظبط 3 أيام أبطل كده وأخد مكانه يانسون أو تيليو بس مقدرتش
ورجعت أشرب منبهات تاني لاقيتها خربانة خربانة ..

أنا بأة عندي عاده غريبة غريبة مش عارف في حد تاني بيعملها ولا لأ؟؟؟!!!!!!
أتعودت من أيام الكلية اني أشرب بخور و أنا بذاكر... بخووووووور مش سجاير. أحط البخور (اللي من غير عيدان خشب القصير ده) بين شفايفي مثل السجاير بالضبط و أشتنشق دخان و أخرجه تاني و طبعا الطفايه جنبي :) :)
و حتى الأن بجيب البخور و أديها طول ما أنا بذاكر أو أقرأ حاجة محتاجة تمعن جاااامد :) :) لدرجة اني أيام الامتحانات كنت بخلص حوالي علبتين يوميا !!! :)

و على فكرة جاب تأثير ممتاز أيام الأمتحانات (هو و معاه القهوه طبعا)

:):):) ههههههههههههههههههههههههه جامده أو الطقوس دي هههههههههههههههه

ماحدش يسألنى يعنى ايه فايش

صحيح أيه الفايش ده !!!!!

[Dr.A.Nabil]

انا باحب اهرش في فروة شعري طول ما انا قاعد قدام الكمبيوتر
وحب اكل في شفايفي ولحم خدي من جوه

وباحب اقرا الجرنان في الحمام

وباحب لازم البيبسي بعد الاكل مباشره

[ashour]

أنا بأة عندي عاده غريبة غريبة مش عارف في حد تاني بيعملها ولا لأ؟؟؟!!!!!!
أتعودت من أيام الكلية اني أشرب بخور و أنا بذاكر... بخووووووور مش سجاير. أحط البخور (اللي من غير عيدان خشب القصير ده) بين شفايفي مثل السجاير بالضبط و أشتنشق دخان و أخرجه تاني و طبعا الطفايه جنبي :) :)
و حتى الأن بجيب البخور و أديها طول ما أنا بذاكر أو أقرأ حاجة محتاجة تمعن جاااامد :) :) لدرجة اني أيام الامتحانات كنت بخلص حوالي علبتين يوميا !!! :)

و على فكرة جاب تأثير ممتاز أيام الأمتحانات (هو و معاه القهوه طبعا)

انا كمان عندي حالة البخور دية بس من غير شرب...

عندي كمان عادة أسبوعية:
يوم الجمعة بعد الصلاة فنجان قهوة مع برنامج مع هيكل..
أيام الصيف لما كان البرنامج موقوف... كنت بطلع صحابي و أجيب كيس تانج
و كنا مواظبين علي العادة دية طول فترة الصيف.

[Mohamed-Saoud]

وحب اكل في شفايفي ولحم خدي من جوه

هههههههههههه خدك أتخرم و لا ليه فيه شوية لحم؟ :) :)

[MoToRiZeR]

بصحي مكلمش اي حد .. اشغل بوب مارلي و اقرا الجرنال و البس و انزل
مش مرتبط بنوع من المنبهات عدم وجوده ممكن يعكنني بس بتعكنن لو صحيت و الكهربا مقطوعة

[D . a .\ AYMAN]

قال لي شيخي زمان (أصل انا كنت بتعلم القراءن في الكتاب أيام ما كان فيه كتاب)
خير عادة ان لا يكون لك عادة
فعادة المرء تملكه

علشان كده معنديش طقوس معينة يعني اروح الشغل ممكن اشرب شاي ممكن نسكافية ممكن مشربش مفيش نظام محدد

+10000000000000

فكرتنا بالزمن الجميل انا نفسي الاقي لولادي كتاب وعلى فكرة انا عمري مادخلت كتاب بس بحبه جدا

اعرف ناس كتير كده، بس الحمد لله أنا مش منهم
طول عمري باكره احساس إني أبقي أسير لعادة
أي عادة حتي لو كانت شرب اللبن

+1000000000000

وانا كمان بكره الأحساس ده قوي