سامسونج U900 أو Soul

[SAbuhashem]

اتمنى إن يكون أي حد ليه خبرة مع السامسونج الجديد U900 أو SOUL زي ما بيطلقوا عليه

هو لسة نازل من حوالي إسبوعين تلاثة ومحدش من اللي أعرفهم لسة اشتراه

أنا مسكته في ايدي عجبني
لكن عاوز أعرف تقييمه كاستخدام ومواصفات وسوفت وير ؟!






Thanks
Eng.Sherif Shaker

[yahyanaabil]

حضرتك انا معايا الu-600 وغالبا حيكون نفس السوفت وير بتاعهاو شبهه وانا حقول ملاحظه على الزراير التاتش لانى برضه عندى نفس نظام الزراير انه فى الاول ممكن يشلك شويه وبعد كده بتتعود عليه وانك ممكن تضعط على زراير غلط من غير ماتقصد وحاجات زى كده
نصيحه اخرى لا تشترى اى موبايل سامسونج اول ما ينزل لانه بينزل غالى جدا وبيرخص بسرعه جدا يعنى ممكن فى خلال سنه تلاقيه نزل 1000جنيه فأصبرشويه وما تتسرعش
الموبايلات السامسونج دايما صوتها واطى ومتخليش الراجل اللى فى المحل يشغل نغمه على الجهاز عشان يثبتلك انه عالى بس النغمه ديه بيبقى هوه منزلها عاليه اساسا بس السامسونج طبعا اصغر بكتيييييير من النوكيا وشكله اظرف واكثر اعتماديه منه
ممكن حضرتك تقولى سعره كام؟

[SAbuhashem]

حضرتك انا معايا الu-600 وغالبا حيكون نفس السوفت وير بتاعهاو شبهه وانا حقول ملاحظه على الزراير التاتش لانى برضه عندى نفس نظام الزراير انه فى الاول ممكن يشلك شويه وبعد كده بتتعود عليه وانك ممكن تضعط على زراير غلط من غير ماتقصد وحاجات زى كده
نصيحه اخرى لا تشترى اى موبايل سامسونج اول ما ينزل لانه بينزل غالى جدا وبيرخص بسرعه جدا يعنى ممكن فى خلال سنه تلاقيه نزل 1000جنيه فأصبرشويه وما تتسرعش
الموبايلات السامسونج دايما صوتها واطى ومتخليش الراجل اللى فى المحل يشغل نغمه على الجهاز عشان يثبتلك انه عالى بس النغمه ديه بيبقى هوه منزلها عاليه اساسا بس السامسونج طبعا اصغر بكتيييييير من النوكيا وشكله اظرف واكثر اعتماديه منه
ممكن حضرتك تقولى سعره كام؟

هو فعلاً موبايلات سامسونج بتفقد سعرها بسرعة وأنا كنت حستنى شويه وأشوف سعره هيثبت على كام بس مش سنة :)
هيكون نزل موديلات تانية أحسن منه وساعتها مش هبص له .

بالنسبة لتقنية الصوت فيه من بانج اند أليفسون ودي أحسن ماركة في العالم في مجال السماعات والصوتيات و فيه تقنية ستريو بلوتوث فمعتقدش صوته هيكون واطي نهائياً

و الكاميرا فيه ٥ MP ودة رائع .

سعره في مصر ٣٠٠٠ جنيه


Thanks
Eng.Sherif Shaker

[sherif_84]

ضيف كمان ياشريف ان التليفونات السامسونج ماتعرفش حاجة اسمها تهنيج بعكس النوكيا اللى تليفوناتها كلها مشهورة بانها بتهنج كتير
أنا معايا N73 وكل فترة بيهنج

[1.8Tee]

عشان ال N series تيليفونات smartphone ال OS بتاعها Symbian .

[Hassan Khalil]

مأظنش يا شريف حتلاقي حد جابه لسه .. انا شوفته امبارح في اكسيوم .. و بالفعل شكله شيك جدا..
بس نصيحة ..استني شوية .. انا امبارح بصيت بالصدفة علي ال u700 لقيته ب 1499... و التليفون ده اول ما نزل افتكر كان بحوالي 2600او 2700 جنيه .

[sherif Anton]

بصراحة لو هاتشتري جهاز اغلي من 2500 جنيه لازم يكون Smart Phone ويكون فيه WiFi والجهاز U900 ولا هو Smart Phone ولا هو WiFi

[CryptonX]

بالنسبة لتقنية الصوت فيه من بانج اند أليفسون ودي أحسن ماركة في العالم في مجال السماعات والصوتيات و فيه تقنية ستريو بلوتوث فمعتقدش صوته هيكون واطي نهائياً

و الكاميرا فيه ٥ MP ودة رائع .

سعره في مصر ٣٠٠٠ جنيه


Thanks
Eng.Sherif Shaker

انا برده معايا U600 يا شريف . بس لازم تعرف حاجة

انا زيك اول ماشفت B&O هي العاملة ال Audio Chip بتاعته قلت بس !! ده حيبقى خطييييييييييير و عالي جدا .

بس الحقيقة مختلفة تماما ... B&O عاملة الشيب فقط لتقليل و توفير الكهرباء اكتر وقت ممكن يعني لما تشغل الموبايل mp3 player لفترة طويلة - حتلافيه فعلا احسن من موبيلات نوكيا او غيرها .

ثاينا الصوت وااااااااااااااااااااااااااااااطي جدا بالمقرانة مع موبايلي الاخر N73 .
لسبب واحد . ان سامسونج مش عاملة مكان لسماعة خارجية زي الاتنين الموجودين في النوكيا .. لأ علشان الحجم و السمك مايزيدش - الموبايل بيستخدم السماعة بتاعة التحدث الي انت بتسمع منها و انت ببتكلم . و النتيجة ان الصوت واطي .

الصوت في السماعات جميل جدا و لكن حتحتاج تجيب سماعة انضف شوية من الي جاية معاه لو عايز صوت BASS حلو .

الكاميرا كانت 3.2 و في حالات كتير كانت احسن بكتيييييير جدا من ال N73 بس مشكلتها كلها ان ال Autofocus فيه LAG بتاع ثانيتين .

السوفتوير ظريف و حلو - بس الموبايل بطيئ نسبيها مقارنة مع النوكيا - البروسيسور بتاعه قديم شوية .

ده انطباعي عن ال U600 و ال U900 ده نازل يحل محله .

لازم تصبر . .انا موبايلي جبته جديد اول مانزل ب 2000 جنيه بعج 6 شهور بقى ب 1400 و دلوقتي بقى ب 1000 جنيه

يعني انا لو عايز ابيعه .. بتكلم في 600-700 جنيه

و عامة ادي ريفيو ليه كامل من اشهر موقع في الانتنرت
GSM Arena

Samsung U900 Soul review: That's the spirit

Key features:

• 5 megapixel camera (autofocus, face detection, wide dynamic range and image stabilization)
• 2.2" 16M-color TFT LCD display of QVGA resolution
• 3G with HSDPA (7.2Mbps) support
• Touchpad navigation
• Cool looks
• FM radio with RDS
• 128MB of shared memory and microSD slot
• Bluetooth and USB v2.0
• Wide dynamic range and image stabilization in camera
• User-friendly keypad

Main disadvantages:

• Tri-band only
• Only LED flash
• Display legibility suffers under direct sunlight
• Limited browser capabilities
• QVGA video recording at most

http://www.gsmarena.com/samsung_u900_soul-review-229.php

[FLYINGPEUGEOT]

طب ايه الفرق بينه وبين ال G800

بالذات فى التسارع ...والثبات فى المنحنيات :)


لابجد اصلى جايلى من بره G800 كل اللى اعرفه عنه انه 5 ميجا بيكسل

[CryptonX]

طب ايه الفرق بينه وبين ال G800

بالذات فى التسارع ...والثبات فى المنحنيات :)


لابجد اصلى جايلى من بره G800 كل اللى اعرفه عنه انه 5 ميجا بيكسل

G800 = value based / alot much larger and thicker / less STYLISH features and buttons - no touchpadز


يعني ال U بتاعة ال 900 - 700 - 600
معناها Ultra Edition
و هو ببساطة موبايل STYLISH بسمك 12 مم !

[mody_halawa]

ال g800 اتوقف انتاجة انا كان عاجبنى الموبايل دة وروحت اشوفة كل المحلات قالتلى ان ال g800 اتقف انتاجة لانة كان فية عيب فى البطارية مكانتش بيستنى يوم واحد علشان كدة اتسحب من السوق ونزل ال u900 مكانة بس هوة فعلا فظيع وناوى اشترية ان شاء الله بس لما يرخص انا معايا d600 كنت شارية ب 2200 اول لما نزل ودلوقتى طبعا سعرة فى الارض فلازم استنى لغاية ما سعرة يثبت بس بصراحة السامسونج شياكة اوى اشيك من النوكيا بكتير بس النوكيا صوتة اعلى كتير اوى بس انا مش شايف ان دى ميزة او انا اتعودت على صوت موبايلى انة واطى فمش فارق معاي الصوت انما اللى كان معاة نوكيا هيتضايق من التليفون اوى