مطلوب محل

[salahlanser]

المحل انا عاوزه يصلح لمحل تغيير زيوت يعنى يكون مساحته مناسبه لعمل مجرى للعربيات
والمكان لو المدن الجديده يبقى تمام جدا
ولو فى اى حد من الاعضاء المحترمين عنده اى اقتراحات بخصوص المشوع نفسه
ياريت محدش يبخل علينا بها
مواصفات المحل:
1- يكون مساحته 60 متر تقريبا
2-يكون قريب من موقف ميكروباصات او على شارع شغال عليه خطوط ميكروباصات او قريب من
مناطق الورش والصنايعيه (سمكرى/ميكانيكى/........)كل مايخص السيارات
الموضوع جاد جدا
اسف انى طولت عليكم

[A7MED_PHARMA]

طيب نتناقش شوية يابوصلاح

الدخل اليومي المتوقع له كام ؟
يعني
غيارة زيت موبيل الــ 5000 إلي أنا بجيبها حسب مانا فاكر بـــ 120
بتقف على المحل بكام ؟؟ وبيكسب فيها كام ؟؟

[salahlanser]

احمد باشا عامل ايه واتمنى تكون بخير
المحل مش هايكون محل بالمعنى التقليدى هو عباره عن شركه تغيير زيوت يعنى فى بيع
جمله وقطاعى لان الشريك اللى هاخد اسمه شريك تقيل وله وضعه فى المجال نفسه لكن موضوع ان الزيت اى كان نوعه بكام وهابيع بكام ده لسه انا ماعرفوش لان الموضوع(فكره المشروع) ده كان من سنه وبعد كده حصلت ظروف
فمكملناش ودلوقتى انا بفكر جديا فى المشروع لانى زهقت من الوظيفه
هو المحل بتاعه بيبيع جمله وقطاعى وعنده محاسبين (كاشير) ويونيفورم للعماله وكده وماشاء الله ربنا يزيده
له فرع فى مدينه نصر والمعادى والعامريه(اسكندريه) وبيتوسع على مستوى المحافظات
وهو مش بيشارك حد بس عشان صله القرابه بيينا مخلياه موافق
وبعدين اما الواحد يبدا كبير يفضل كبير خصوصا انك هاتبدا تحت جناح اسم تقيل فى السوق

[A7MED_PHARMA]

تمام والله

الأهم في أي مشروع .. هي الدعاية
والتركيز في الدعاية على إن المنتج موثوق
فيه زيوت كتير مضروبة في السوق .. بيتحط عليا جير حي ويتغير لونها.. وتتعبى تاني
انا عرفت مهازل بتحصل للمواتير من الزيت المضروب


ركز ع الدعاية

وربنا يوفقك