استفسار بخصوص حلاقة شعر الراس بمكنة حلاقة موزر

[ahmeed_top27]

سلام عليكم جميعا انا عندى استفسار بسيط اوى انا اشتريت مكنة كهربا موزر المانى ولما جيت احلق كان معها مشط واحد المهم اشتريت طقم درجات فلما جيت احلق وحطيت مشط 9ملى وابتديت احلق لاقيت شعرى الجزء الى حلقتة اتشال كما لو انى حلقت على درجة واحد فطبعا اضطريت اكمل حلاقة شعرى كلة على نفس الدرجة مع انى كنت عاوز طول الشعرة 9 ملى انا عاوز اعرف دة عيب بقى المكنة ولا عيب الدرجة ولا العيب فين بالظبط ان خايف لحسن اكون اشتريت مكنة مش تمام منتظر الردود وشكرا ليكم مقدما

[hany63]

هههههههههههههههه
نفس اللي حصل لي
مره دبيت المكنه في راسي و نسيت احط المشط و هوب لقيت فجوه قمت تنحت شويه و كملت لمه بقيت زلبطه
بس يا سيدي
تحط المشط اللي جاي معاها و تزقه للاخر و تقوم دايس على الدراع الاسود اللي في الجنب اللي بيعمل صوت تكتكه للاخر لحد ما يثبت و هو لازق في جسم المكنه تقريبا وده عشان تبعد الموس للاخر
الوضع ده هيديلك طول قصير و مظبوط و ده اللي انا ماشي عليه من سنين و لازم حد يساعدك عشان مش هتملك تعمل القفا لا مؤاخده
بعد كله ما يتساوى تشيل المشط و تنطر الدراع الاسود للاخر عن طريق الزرار اللي جنبه تقوم حالق الشعر الخفيف اللي في اخر القفا لا مؤاخذه تاني عشان يتساوى و تتكون قالب المكنه و الاتجاه من اعلى لاسفل و تظبط السوالف
لو عايز درجه شعر اطول تحط مشط اكبر

[shaddadfalcon1]

انا والدتي كانت جايبالي مكنه الماني مش فاكر براون او حاجه تانيه نضيفه من سنه وحتي الان مفكرتش استخدمها عشان لو حاجه زي دي حصلت ممكن اولع في نفسي لاني مينفعش اقصر شعري خالص هههه

[A.Saad]

انا مش عارف استعملها مش بلاقيها تشيل اى شعر اتعامل ازاى الاش شعرى مياة الاول ولا ايه وينفع احلق بيها دقن

[hany63]

انا مش عارف استعملها مش بلاقيها تشيل اى شعر اتعامل ازاى الاش شعرى مياة الاول ولا ايه وينفع احلق بيها دقن

جرب تزيت الموس بزيت مكنه و اقعد حركه كذا مره و ماتبلش شعرك خالص
و بالنسبه للدقن هي اقل درجه فيها اللي من غير مشط بتعمل الدوجلاس
انا شغال بيها بقالي 8 سنين الموسر الالماني الاصلي و بطلت اروح لحلاقين من ساعتها
كل شهر و نص اصحى بدري ربع ساعه و احلق و على الدوش عدل
لا تقولي حاجه تضايقك في ضهرك و لا توسخ هدومك و لا تتلطع عند الحلاق الفكره ان حد يساعدك و مش محتاجه اي غلبه نهائي هي هتسوي شعرك بالمللي
اوعى تنسى تحط المشط و ترجع السلاح للاخر زي ما شرحت قبل كده

[bmya]

استاذ هاني ما تفتح صالون :)
انا بهزر معاك بس انت ماشاء الله فاهم لها اوي

[hany63]

استاذ هاني ما تفتح صالون :)
انا بهزر معاك بس انت ماشاء الله فاهم لها اوي

هههههههه والله فكره
و سبب اني فاهمها ان ياما دقت على الراس طبول بمعنى ان الواحد غلط و الغلطه كانت بفوره لما بقيت شبه كوجاك
وعلى فكره انت بتجنب نفسك اي فيروس معدي لما بتحلق في بيتك و بمكنتك الخاصه و هي نفس نتيجة الحلاق بالنسبه للحلاقه الكلاسيك

[M_Marwan]

دى أسوء مكنه حلاقه بصراحه فكك منها

[ahmeed_top27]

شكرا لكل الى رد بس واضح ان العيب من الدرجات الى ان اشترتها للاسف انما الدرجة الى جاية معاها الى حد ما لما ظبطتها على 11 ملى الى حد ما جابت بس انا قلت اخف اكتر فقلت احط الدرجة الى ان اشترتها وهى 9 مللى بحط المشط لقيت شعرى اتشال فطبعا كملت الصراحة لا غنى عن الحلاق ممكن لما احب احلق اخدها معايا او ممكن اخفف الدقن وكدة

[hossam_elwani]

جرب تزيت الموس بزيت مكنه و اقعد حركه كذا مره و ماتبلش شعرك خالص
و بالنسبه للدقن هي اقل درجه فيها اللي من غير مشط بتعمل الدوجلاس
انا شغال بيها بقالي 8 سنين الموسر الالماني الاصلي و بطلت اروح لحلاقين من ساعتها
كل شهر و نص اصحى بدري ربع ساعه و احلق و على الدوش عدل
لا تقولي حاجه تضايقك في ضهرك و لا توسخ هدومك و لا تتلطع عند الحلاق الفكره ان حد يساعدك و مش محتاجه اي غلبه نهائي هي هتسوي شعرك بالمللي
اوعى تنسى تحط المشط و ترجع السلاح للاخر زي ما شرحت قبل كده

بس المكنه طلعت فاشله فعلا انا جبتها عشان المانى وندمت

الدوجلاس بتعمله بس مش بشكل محدد مثالى

وكمان ساعات بتعض او بتشد الشعره


+ ان حلاقة الدقن على الزيرو برضه الشعر بيبقى منبت وباين


سؤالى هو ايه لازمت المسمار الاسود الى جنب الى بيتزبط بمفك ؟؟ وايه الطريقه المثاليه للتعامل معاه وزبطها ؟؟

[hany63]

يا جماعه المكنه في منها الاصلي عند العجيل ب ١٦٠ جنيه و المضروبه ب ٦٠ هي هي الفرق في ال splling بتاع كلمة موسر
وانا ما بروحش لحلاق نهائي و لسه حالق اول امبارح
و المكنه لما تشد الشعر محتاجه تتزيت

[thegoodhacker]

سلام عليكم جميعا انا عندى استفسار بسيط اوى انا اشتريت مكنة كهربا موزر المانى ولما جيت احلق كان معها مشط واحد المهم اشتريت طقم درجات فلما جيت احلق وحطيت مشط 9ملى وابتديت احلق لاقيت شعرى الجزء الى حلقتة اتشال كما لو انى حلقت على درجة واحد فطبعا اضطريت اكمل حلاقة شعرى كلة على نفس الدرجة مع انى كنت عاوز طول الشعرة 9 ملى انا عاوز اعرف دة عيب بقى المكنة ولا عيب الدرجة ولا العيب فين بالظبط ان خايف لحسن اكون اشتريت مكنة مش تمام منتظر الردود وشكرا ليكم مقدما

مشط 9 مللي لو انت مثبته مظبوط وزقيته علي الاخر المفروض يحلق علي نمرة 3 من غير ما تضغط الدراع بتاع الماكينة ....... ونمرة 3 بيبقي شكلها خفيف اوي بس جلدة الراس يدوب حتكون باينة بالعافية .... لو لقيتها بتحلق زي المشط نمرة 1 يبقي ده عيب المشط اللي انت جايبه مش عيب الماكينة لان المشط ده وظيفته انه يبعد الشعر عن موس الماكينة .....
الدراع اللي في الجنب ده للتحكم في الدرجة بعد درجة المشط وده خمس مستويات يعني لو انت ركبت مشط 9 مم وضغطت الدراع لغاية الاخر الحلاقة حتطلع كانك حلقت بمشط 12 مم يعني نمرة 4.....

[hossam_elwani]

طيب والمسمار الاسود الغاطس الى فى الجنب وظيفته ايه بلتحديد؟؟

[chicobon]

انا شايف ان حد يقف يسعدك في الحلاقة اكيد هيدي شكل احسن

[ahmeed_top27]

مشط 9 مللي لو انت مثبته مظبوط وزقيته علي الاخر المفروض يحلق علي نمرة 3 من غير ما تضغط الدراع بتاع الماكينة ....... ونمرة 3 بيبقي شكلها خفيف اوي بس جلدة الراس يدوب حتكون باينة بالعافية .... لو لقيتها بتحلق زي المشط نمرة 1 يبقي ده عيب المشط اللي انت جايبه مش عيب الماكينة لان المشط ده وظيفته انه يبعد الشعر عن موس الماكينة .....
الدراع اللي في الجنب ده للتحكم في الدرجة بعد درجة المشط وده خمس مستويات يعني لو انت ركبت مشط 9 مم وضغطت الدراع لغاية الاخر الحلاقة حتطلع كانك حلقت بمشط 12 مم يعني نمرة 4.....

اية دة هو المشط الى بيكون 9 ميللى دة معناة انة بيشيل بمقدار 9 ملى من الشعر وانا الى كنت فاكر ان 9 ميللى دة هيبقى طول الشعرة بعد الحلاقة انت كدة وضحتلى وعرفت لية شعرى بقى على نمرة 3 وانا بس ليا سوال يعنى لو ان حابب مثلا احلق على درجة 4 او الشعر يكون تقيل يبقى ازود درجة المشط من 12 بقى صح كدة