مش عارف انزل العاب على ال s3

[hany63]

صباح الخير
بصراحه هبتدي اتخنق من الاندرويد
انا جايب ال s3 بعد ما سمعت اشعار و رغم اني كنت لسه شاري الايباد 3 من شهرين قلت يا واد هات ال s3 و تبقى جمعت النظامين رغم انك مش هتقدر توصلهم ببعض
المشكله تنحصر ان الالعاب الحلوه بفلوس قلنا ماشي تييجي تجيبها يقول لك اللعبه مش مخصصه تتباع في مصر و ده عشان احنا ولاد الغساله
تنزل اللعبه مكركه من موقع 4shared.com بعد ما تتستب و تعمل داون لود بالجيجا تدي error وما تشتغلش
ياريت ياجماعه تفيدوني بخبراتكم زي ما عملتوا معاي في الايباد 3 و شغال عليه كل الالعاب تحفه و ببلاش

[MohssenRashed]

متابع

[ahmedfd]

أولاً مبروك على الـ S3.
ثانياً يا راجل دا الأندرويد أسهل حاجة في الدنيا.. إنت ممكن تنزل Application إسمه Market Enabler للتغلب على قصة التطبيقات اللي مش شغالة في مصر، و فكرته بكل بساطه إنك بتخدع الماركت إنه بيفتكر إنك في بلد تانية و ده بصورة مؤقته لحد متنزل التطبيقات اللي إنت عايزها.
بالنسبة للتطبيقات بفلوس طبعاً مش هتعرف تدفع بـ paypal لإنه مش شغال في مصر فأنا دايماً بنزلها .apk من أي موقع و منها apkmania و مفيش مشكلة.
على كل إستنى محترفي الأندرويد في المنتدى لمعلومات أكثر إن شاء الله.

[speed demon666]

دور على البلاك ماركت ده بيجيبلك كل البرامج و الألعاب اللي بفلوس ببلاش

[hany63]

أولاً مبروك على الـ S3.
ثانياً يا راجل دا الأندرويد أسهل حاجة في الدنيا.. إنت ممكن تنزل Application إسمه Market Enabler للتغلب على قصة التطبيقات اللي مش شغالة في مصر، و فكرته بكل بساطه إنك بتخدع الماركت إنه بيفتكر إنك في بلد تانية و ده بصورة مؤقته لحد متنزل التطبيقات اللي إنت عايزها.
بالنسبة للتطبيقات بفلوس طبعاً مش هتعرف تدفع بـ paypal لإنه مش شغال في مصر فأنا دايماً بنزلها .apk من أي موقع و منها apkmania و مفيش مشكلة.
على كل إستنى محترفي الأندرويد في المنتدى لمعلومات أكثر إن شاء الله.

الله يبارك فيك
البرنامج بتاع تغيير البلد بينزل من الماركت و لا منين؟
وبالنسبه لموقع apkmania كل ما اجي اعمل داونلود يقوم فاتح سايت مالوش لزمه اسمه adf.ly

[hany63]

السايت adfطلع اعلان و عملت سكيب و بحمل لعبه يا مسهل

[hany63]

ايه ياجماعه معقوله ؟!!!!!!!!!!
المشاركات قليله
ده انا كنت فاكر اول ما اقول جزر الدنيا تغرق وشكرا للي شارك

[hobiko]

بص من الأخر كل الألعاب الجامدة و الكبيرة من على موقع الكمبيوتر الكفى و فيه شرح لكيفية التنزيل و التسطيب و كل حاجة

[ayman_omer2007]

الراجل ده جابلك الفايده وهتلاقي كل اللي اتت عاوزه هناك في قسم الاندرويد
ومبروك علي s3

[mohaismail]

طب م جبتش htc one x ليه افضل من اس 3

[speed demon666]

في سايت إسمه game loft فيه حاجات جامده بردو

[Mohamed Elnagar]

الف مبروك عليك اخبط دول وانسي الدنيا
ce4arab.com
mobile4arab.com
انا معايا جالاكسي نوت واحلي عيشه معاه وكان معايا ايفون ورميه في درج مكتبي الاندرويد افضل نظام

[hany63]

طب م جبتش htc one x ليه افضل من اس 3

والله كان في دماغي برضه بس لقيت الموج رايح لل s3 فاتكلت على الله

[hany63]

الف مبروك عليك اخبط دول وانسي الدنيا
ce4arab.com
mobile4arab.com
انا معايا جالاكسي نوت واحلي عيشه معاه وكان معايا ايفون ورميه في درج مكتبي الاندرويد افضل نظام

الله يبارك فيك و الف شكر

[hany63]

بص من الأخر كل الألعاب الجامدة و الكبيرة من على موقع الكمبيوتر الكفى و فيه شرح لكيفية التنزيل و التسطيب و كل حاجة

يا مسهل و شكرا لاهتمامك