الحقو قبل ماكل حاجه تبقي بالبطاقه الذكيه ياريت بس حد يفيدنا

[khalid_adel]

السلام عليكم جميعا
بما اني متزوج واعول وقاعد في شقه ايجار والحمد لله بقينا في حد الكفاف من ساعه الثوره وربنا يفرجها يارب
لكن انا شامم ان كل حاجه حتبقي بالتموين وبطاقه التموين من بنزين وانبوبه والاسعار حتولع اوي بعد كده وهي الصراحه مش ناقصه خالص والحمد لله
دلوقتي انا بسأل اني عايز اطلع بطاقه تموين ليا ولاسرتي
انا عمري مادخل اسمي في تموين قبل كده لكن مراتي اسمها تقريبا لسه على بطاقه تموين حمايا
وانا في شغلي ماشاء الله عليهم امنا اوي ومامنين عليا في التامينات بالحد الاقصي سواء للاساسي والمتغير وعشان ماتتخدوش علي فكره مرتبي كله تقريبا زي المكتوب في التامينات
فاعتقد بعد كل ده انا استحق الدعم واهم حاجه حوار البنزين والانبوبه والله اعلم حيحطو ايه تاني في البطاقه التموينيه الذكيه دي
ياريت بس اللي يعرف اعمل ايه او حتي يسيبلي رقمه وانا اكلمه بس ضروري لو تكرمتو

[lanos2004]

انا معرفش افيدك بس انا مرتبى نزل النص بعد الثورة وكمان بقعد 3 شهور من غير مقبض

[khalid_adel]

انا معرفش افيدك بس انا مرتبى نزل النص بعد الثورة وكمان بقعد 3 شهور من غير مقبض

لاحول ولا قوة الا بالله
يبقي لازم نسعي في الموضوع ده عشان مش ناقصه علينا كلنا والحمد لله انها ماشيه بالستر من ربنا بس لازم نعمل اللي علينا

[Egyzizo]

مبدأياً، المفروض يكون دخلك الشهرى لا يزيد عن 1500 جنيه

أما عن الأوراق المطلوبة فهى كالتالى:
الصفحة الرئيسية - المديريات

[ahmad--ezzat]

مبدأياً، المفروض يكون دخلك الشهرى لا يزيد عن 1500 جنيه

أما عن الأوراق المطلوبة فهى كالتالى:
الصفحة الرئيسية - المديريات

ليه يافندم؟

[Egyzizo]

ليه يافندم؟

http://www.youm7.com/News.asp?NewsID=345391

[tarekzein]

قبل الثوره لما كان الموضوع على قزاتين زيت وكيلو سكر تراب وباكوين نشاره خشب

مكانش يستاهل تضييع الوقت والمجهود وخصوصا للأسره صغيره العدد

دلوقت الحال إتغير والدعم بيحولوه للتموين وهيبقى الموضوع أساسى وإجبارى لتسيير أمور المعيشه

[khalid_adel]

بس بما ان الدعم كحد اقصي 1500 جنيه مرتب للاسره كلها (زوج وزوجه وابن)
مش عاملين حساب الايجار الجديد لوحده بياخد كام في الشهر وان احنا بقينا تحت خط الفقر بالمنظر ده
يبقي حسبي الله ونعمل الوكيل ولما نشوف اخرة الببنزين والانبوبه ودول اللي انا مقلق منهم بعد كده

[mero100]

صاحب الموضوع بجد راجل بيفهم و بيفكر كويس..
إنت بجد طمنتني علي عقلي .. لأن الطرح اللي إنت طرحته ده .. أنا كل ما أحكي فيه مع حد يقوللي :
1- يا عم إنت مجنون ؟.. هوه إحنا في روسيا.

عارف .. كلمه واحده قالها وزير البترول الأسبوع اللي فات علي قناه الدوله ( الأولي يعني) .. خلتني أفكر في أم البطاقه الذكيه دي .. قال : و بعد كده حيبقي لكل سياره كوبونات بنزين بالسعر المدعم و ما زاد يشتريه المواطن بسعر غير مدعم ( يبقي النيه متوفره لغلاء البنزين) و قال إن 65 مليون مواطن تحت مظله الدعم من واقع أخر حصر ..
معقول يا إخواننا؟ يعني إحنا دلوقتي و اللي حيهمهم الموضوع من ال 20 مليون اللي مش عاملين بطاقات تموين .
علي فكره رقم ال 65 مليون ده إتردد علي كذا قناه إخباريه .. ساعتها حسيت أد إيه أنا قصرت ف حق نفسي و حق أسرتي ..
د.إبراهيم زهران - خبير الطاقه قال من كام يوم بردو عالقناه الأولي إن سعر لتر بنزين 95 بدون دعم 3 جنيه .. و هوه حاليا بالدعم 285 قرش .. فالراجل ناشد الحكومه إنها تاخد من المواطن ال 15 قرش الدعم في اللتر و نخلص ..
و قال إن اللتر 95 في أمريكا و أوروبا بيتباع هناك بما يوازي ال 3 جنيه هنا .. و قال إنه إذا كان اللتر من 95 بيكلف الدوله 5 جنيه و الدوله بتدعمه و بتبيعه ب 285 قرش .. يبقي لازم وزاره البترول تراجع نفسها في الكلام ده لأن كده يبقي فيه فساد .. ده كلام الراجل.
المهم أنا دلوقتي متجوز و مخلف و محتاج دعم ف كل حاجه لأن بجد الأسعار ولعت و الواحد بجد موفر في حاجات كتير و رغم كده .. ناااار.
أنا متضاف علي بطاقه والدي و هيه ذكيه و عمرنا ما شوفناها نظرا لإستيلاء صاحب محل التموين عليها بإسم العشره و المحبه و إنه بيتفضل علي والدي بإنه بيخليه يصرف كل 3 شهور . بس عاوز اقولكم إن منتجات التموين ممتازه لأنهم إعتمدوا علي شركات خاصه في الإنتاج.
عموما حكلم موظف التموين و حسأله إيه الإجراءات و حبقي اقولكم .
أسف للإطاله
ملحوظه :
سبب مشاهدتي للقناه الأولي هو إن الدش عندي باظ و مكانش معايا فلوس أصلحه.
إ

[Ahmed Nouh]

من لقاء سابق للوزير مش فاكر مع مين قال ان هيبقى للناس اللى معاها عربيات فرصة استخراج بطاقة تموينية علشان موضوع البنزين ، بس موضحش هيبقى بشكل استثنائى يعنى ولا بنفس الشروط العادية للبطاقة

وياريت حد يتأكد من قصة الـ 1500 جنيه دى علشان موظفين حكومة كتير مرتبهم معدى الـ 1500 ومعاهم بطاقة ، والدى كذلك

انا كل اللى اعرفه ان البطايق بس لا يضاف عليها من ولد 2005 فيما بعد ، قبل كدا يضاف ، ده بالنسبة لعدد الاسرة علشان الانابيب

السعر المتوقع للـ 92 خارج " اللى على البطاقة " هو ما بين 3 لـ 3 ونص حسب اللى بيتقال لكنه مش كلام أكيد ، البنزين عندنا هيتخف الدعم عنه وهيتعاد هيكلته مش هيترفع خالص

الناس اللى بتحط 95 او عربياتهم فوق الـ 1600 ، الله يعينكم على حالكم !

البنزين الـ 92 فى امريكا بمتوسط 22 جنيه ، والـ 95 بمتوسط 24 جنيه للتر

النهاردة مثلا فى كاليفورنيا الـ 92 بـ 3.8 والـ 95 بـ 4 دولار

دى خريطة لأسعار البنزين فى امريكا ، بس هما دولة مستوردة فمنقارنش نفسنا بهم ، ده للعلم بس

USA National Gas Price Heat Map - GasBuddy.com

[mero100]

بخصوص مشاركتي يا جماعه و الأسعار الوارده بيها ..
أنا نوهت أكتر من مره إن ده كلام أ/ إبراهيم زهران خبير الطاقه .. مش كلامي و لا وجهه نظري .
و هذا للتوضيح.
و أكيد حنلاقي وجهات نظر مختلفه و فيه ناس بتشوف إن الدعم ده حاجه ملهاش أي لازمه.
وطبعا زي ما كلنا عارفين إن 3 دولار و 4 دولار .. بالنسبه لمتوسط الدخل للفرد هناك .. لا يشكل عبء علي المواطن هناك .

[Mostafa.Ismail]

البنزين الـ 92 فى امريكا بمتوسط 22 جنيه ، والـ 95 بمتوسط 24 جنيه للتر

النهاردة مثلا فى كاليفورنيا الـ 92 بـ 3.8 والـ 95 بـ 4 دولار

دى خريطة لأسعار البنزين فى امريكا ، بس هما دولة مستوردة فمنقارنش نفسنا بهم ، ده للعلم بس

usa national gas price heat map - gasbuddy.com

هبص للارقام دى لما اعيش فى مستوى معيشة المواطن الامريكى ... غير كدة ولا ليها اى تلاتين لازمة.

[khalid_adel]

طب الحمد لله اني مش لوحدي
انا للاسف عمري مااسمي دخل في بطاقه تموين :(:(:(
بالنسبه للحكومه فانت بتشترك مره واحده باساسي المرتب اللي هو مثلا 300 جنيه وبتفضل بالبطاقه طول عمرك حتي لو مرتبك وصل ل 5000 جنيه في الحكوممه برضه معاك بطاقتك مش بتتسحب

[Egyzizo]

البنزين الـ 92 فى امريكا بمتوسط 22 جنيه ، والـ 95 بمتوسط 24 جنيه للتــــر

النهاردة مثلا فى كاليفورنيا الـ 92 بـ 3.8 والـ 95 بـ 4 دولار

usa national gas price heat map - gasbuddy.com

فى أمريكا البنزين بيتمون بالجالون مش باللتر والجالون ده حوالى 4 لتر إلا قليلاً.
فالأسعار اللى حضرتك حاططها مش مظبوطة إلا لو قسمتها على 4.
فهتلاقى اللتر بدولار أو أقل.

[Egyzizo]

أعلى أسعار البنزين فى انجلترا واسرائيل
وأقلها فى السعودية والامارات والكويت.
وأقلها على الاطلاق فى العراق وإيران.

وسعر البنزين فى مصر من الأسعار القليلة مقارنة بباقى دول العالم

لمتابعة رسم بيانى يوضع سعر البنزين فى مختلف البلاد:

Gasoline prices statistics - countries compared - NationMaster