حرب اكتوبر والسينما المصرية ....!!!

[abogogo]

في السينما المصرية تلاقي اثناء اعلان بيان عبور القوات المسلحة المصرية خط بارليف تلاقي معلم القهوه وقف في وسط القهوة وقال لصبي القوة واد يافجلة المشاريب بتاعة الناس دي كلها على حسابي ....

فيلم الوفاء العظيم كمال الشيناوي ونجلاء فتحي كانو بيفطروا الصبح وهما بيسمعوا بيان العبور السفرجي قالهم هروح افرق شربات


فيلم رصاصة لاتزال في جيبي الناس كانت بتسمع البيان وهي قاعدة على القهوة وايضا فيلم بدور

هو مش كان العبور في نهار رمضان في يوم 10 رمضان والمفروض الناس كانت صائمه ....!!! ولا في فترة السبيعنيات ماكنش في صيام ولا ايه .........!!!!!

[M.Yahia]

تهامى باشا اتريق فعلا على الموضوع و مش عارف بصراحة عدى على المخرجين و الممثلين دول كلهم ازاى اكيد عندهم سبب يعنى البيان طلع فى الراديو بليل مثلا او حاجة كدا .

[mero100]

هل بالضروره يبقي الشعب كله صايم ساعه إعلان البيان ؟؟

[S O P H O S]

يمكن لقلة الاجهزة فالمنازل
فكانوا بينزلوا القهوة يتبعوا الاحداث

[eng.m7md.ali]

هو ممكن يكون بيان العبور وصلهم متأخر بعد مافطروا ونزلو القهاوي وكدة
وممكن تكون غلطة من الغلطات الكتير
مش مهم
اصلا التمثيل حرام xD

[bmya]

موضوع القهاوي ده جايز يكونوا كانوا بليل والله اعلم
لكن حوار بيفطروا الصبح ده بتاع كمال الشناوي ده ملوش حجه بقه وممن تكون عدي عليهم عادي وممكن يكونا مش صايمين عادي برده:d

[hossam_elwani]

في السينما المصرية تلاقي اثناء اعلان بيان عبور القوات المسلحة المصرية خط بارليف تلاقي معلم القهوه وقف في وسط القهوة وقال لصبي القوة واد يافجلة المشاريب بتاعة الناس دي كلها على حسابي ....

فيلم الوفاء العظيم كمال الشيناوي ونجلاء فتحي كانو بيفطروا الصبح وهما بيسمعوا بيان العبور السفرجي قالهم هروح افرق شربات


فيلم رصاصة لاتزال في جيبي الناس كانت بتسمع البيان وهي قاعدة على القهوة وايضا فيلم بدور

هو مش كان العبور في نهار رمضان في يوم 10 رمضان والمفروض الناس كانت صائمه ....!!! ولا في فترة السبيعنيات ماكنش في صيام ولا ايه .........!!!!!

ههههههههه ويقولك مخرجين عظماء ههههههههههههه

[mahmoudysf]

هههههههههههههههههه
تصدق انت لماح اوي

[grand hand]

طب وبالنسبة لصبحى صالح اللى كات بيتغدى الساعة اتنين وخمسة وقت اذاعة البيان
[youtube]http://www.youtube.com/watch?v=ujLAbNkiZ44[/youtube]

[abogogo]

طب وبالنسبة لصبحى صالح اللى كات بيتغدى الساعة اتنين وخمسة وقت اذاعة البيان
[youtube]http://www.youtube.com/watch?v=ujLAbNkiZ44[/youtube]

صبحي صالح مواليد مواليد 19 سبتمبر 1953 والحرب كانت 6 اكتوبر 1973 يعني كان عنده 20 سنة تقريباً يعني كان شحط كبير .... يمكن عشان البلد كانت في حرب تم إلغاء رمضان في تلك السنه .. ربما
على العموم انا كنت زمان سألت والدي رحمة الله عليه سلاح المشاة حامل RPG وعمي ربنا يشفيه كان دفاع جوي الاتنين أكدوا أنهم كانوا صائمين ووالدي كان بيقولي ان أثناء القتل دخل المغرب وهما مسيطرين على دشم تابعة للإسرائليين كان فيها تعيين وأكل الجنود اليهود كانوا بيفطروا منها أثناء القتال .... اما عمي كان بيقول انهم كانوا بينتهزوا ان مافيش اشتباكات ويفطروا على عجاله وهما على مدافع المضادات الجوية أما لو فيه اشتباك كانوا ممكن يفضلوا للعشاء من غير أكل

حتى روح رمضان كانت موجودة عند العساكر يعني في الصورة جندي بيقرأ القرآن وواضح من الخندق اللى هو جالس فيه انه خندق فرد مشاة


ايضاً كانت الصلاة تقام جماعة اذا امكن او كل فرد في مكانه وبالاحذية والشدة وأحياناً بالسلاح والوضوء كان تيمم بالرمال