إعـــــــلان

**Mostafa.Mahran** · 06-10-2012, 09:26 PM

جواز الصالونات مناسب لناس كتيرة جدا جدا وبالعكس ده بيخلى الواحد يشوف و يختار من غير اى قيود او ضغوط و ناس كتيرة جدا اتجوزت بالطريقة دى و عايشة مبسوطة و حياة هادية

انما الى عايش فى قصة حب و متمسك بحبيبته رغم العيوب الكتيرة و التنازلات و الضغوط الى بيتعرض ليها علشان يمشى الموضوع فده النوع التانى الموجود من الارتباط

**S O P H O S** · 06-10-2012, 10:11 PM

وجهة نظر جميلة
جزاكي الله خيرا ..

**bimmeraddict** · 06-10-2012, 10:22 PM

والله في بنات كتير بتختار جواز الصالونات عشان هي مش عايزة تحب واحد بمميزاته وعيوبه هي بس عايزة واحد يحققلها طموحها ويجيبلهاويعملها .
انا اعرف بنات دخل بيتها اكتر من عشرين عريس وعندها استعداد تدخل زيهم البيت لحد ما تلاقي واحد على مزاجها.

**ahmad--ezzat** · 06-10-2012, 10:25 PM

يعني ايه جواز صالونات اصلا...اللي اعرفه ان الواحد لو شاف واحده وعجبته يدخل من البيت ويعرفها عن طريق الخطوبه

امال الخطوبه معموله ليه!!!

اي حاجه تانيه ربنا مش بيبارك فيها

**bmya** · 06-10-2012, 11:11 PM

كلام في الجون والله ربنا يجازيكي خير عليه
يا حج احمد جاوازصالونات اللي هو اتنين ما يعرفوش بعض خالص ولا عمرهم شافوا بعض وبعدين يشوفوا بعض مثلا باتفاق مسبق بين الاسرتين ويا يحصل قبلو يا يحصل رفض حصل قبول يبدؤا بقه يتعرفوا على بعض في حدود طبعا حد ماربنا يوفقهم بقه ويتجوزوا

**mahmoudysf** · 07-10-2012, 03:50 AM

المشاركة الأصلية كتبت بواسطة menna hassan مشاهدة المشاركة

الاول .. اهلا بيكى عضوة جديدة معانا وانا كمان على فكرة ..!
ثانيا .. انا مش فاهمة العنوان خااااااااااالص ,, يعنى ايه
الحب الحلال = جواز الصالونات ..ده لو كان ده قصدك..
او وجهان لعملة واحدة..طب ماهو طبعا هو حد قال ان جواز الصالونات حرام..
ولا حضرتك اختصرتى الحلال بس فى جواز الصالونات..!!
وغير كده تبقى البنت بتعمل حاجة حرام ,,ومبترضيش ربنا ,,وبتضحك على نفسها,,
ومش محافظة على قلبها ولا على نفسها ,,ولا هتنول بركة ربنا ,,ومش هتتساوى
بالبنت الشريفة ........!!
على فكرة ده كلامك من الموضوع نفسه...!!
عامة ......ده لو كان قصد حضرتك فأحب اقولك....
لا حول ولا قوة الا بالله..حرام عليكى والله..
انا اسفة بجد..بس أد كده النظرة بقت ضيقة اوى كده للبنت ..!
يعنى معقول ..تكتبى فى موضوع زى ده على نوعين بس ومن نفس جنسك ..
البنت اللى بتتجوز جواز صالونات وكده تبقى دى العفيفة الشريفة.......
او البنت اللى مش بتتجوز جواز صالونات وكده تبقى دى لازم تكون غلطت ......!!
امال لو شاب هو اللى كان بيكتب عن الموضوع كان هيقول علينا ايه...؟؟

تعالى انا اقول لحضرتك عن انواااااااااع كتيييييييييير غير جواز الصالونات ده
انتى نسيتى تتكلمى عنها.......اه وعلى فكرة حلال برضه............وفى حدود ربنا اللى عرفوها من دينهم ومن تربيتهم.. وعلى فكرة معاهم احلى عيال فى الدنيا دلوقتى..!!

ومبدئيا كده..لو هتكلم مع حضرتك عن جواز الصالونات ده فأحب اقولك انه فيه مساوىء أد ميزاته دى ميت مرة............بس ده مش موضوعنا..

موضوعنا بقى واللى عايزة اقولهولك انك كنتى المفروض تتكلمى احسن عن ان البنت هى اللى فى ايديها تخلى الارتباط ده حلال او حرام مش الصالون او الانتريه خاااااالص على فكرة..........!!
و زى ما اتكلمتى على النوع السىء اللى بتصاحب ,,وتعيش,, وتروش,, وتخرج ,,
وتلف.........بعيد عن جواز الصالونات..
كان المفروض تقولى ان فيه جوازات غير جواز الصالونات محترمة جدا ومبنية على الحدود والادب والمبدأ.....وبتكون اقوى واطول عمرا من بعض جوازات الصالونات
انما ليه حضرتك حصرتى الموضوع اووووووووووى كده.....!
على فكرة...انتى ظلمتى كده ناس كتيييييييييير اوى..

مشكورة,,

طيب نورينا وقوليلنا
ايه غير دخول البيوت من ابوابها
او زي ما بيسموه جواز صالونات
يكون حلال ومبني على الادب والمبدا
وعلى فكرة محدش بيطلم حد
اي حد بيختار طريق غير شرعي هو الي بيظلم نفسة

**mahmoudysf** · 07-10-2012, 03:53 AM

المشاركة الأصلية كتبت بواسطة olala مشاهدة المشاركة

كل الحكاية اننا مش بنتقبل مصطلح " جواز الصالونات "

و أول حاجة بتيجى فـ بالنا مشهد مارى مُنيب فـ أفلام الأبيض و أسود لما كانت بتخطب لابنها

# انتى عايزة تحبى " حُب حلال " !! صح ؟؟

طيب هيبقى حلال إزاى لو ماكنش البداية من البيت و قدام أهلك !

و متقوليش أتعرف عليه و يجى يخطبنى ! يبقى بتضحكى على نفسك )

و متقوليش عادى شوفت ناس كتير مصاحبة و بيتخطبوا !

هقولك " لا يستويان " متقنعنيش انى بنت حافظت على قلبها و نفسها عشان جوزها و بس ،

حياتها معاه هتبقى زى بنت صاحبت و عاشت و روشت و خرجت و لفت ،

فيه حاجة إسمها بركة ربنا " بركة فـ الرزق و الحُب و الحياة نفسها " ..

الحُب الحلال لما حد يتقدملك و عايزك مراته و حافظ عليكى ،

مش حد يصاحبك و بعد كده أنتى و نصيبك معاه بقى !

لو مش عاجبنا اننا نسميه جواز صالونات ، نسميه " حُب حلال بيرضى ربنا " ..

ربنا يزيد من امثالك
ويهدي البنات والشباب عشان محدش يزعل

**m_adeleid** · 07-10-2012, 03:55 AM

والنبي توحدوا الله
كل الطرق تؤدي الي روما
ولا تفرق اي طريقه للجواز ان شا الله يكون بالفاكس حتي مش صالونات طالما لسا موجود شقتك فين و دخلك قد ايه و حتعمل فرح فين وهكذا
و النتيجه نسب الطلاق المهوله اللي بتحصل(تقرير الجهاز المركزي للتعبئه العامه والاحصاء 2010)
طالما احنا مش عاوزيين نمشي بالمعايير اللي ربنا قايلها و بنحط قوانيين من عندنا للزوج المناسب و الزوجه المناسبه

**m_adeleid** · 07-10-2012, 03:58 AM

المشاركة الأصلية كتبت بواسطة menna hassan مشاهدة المشاركة

الاول .. اهلا بيكى عضوة جديدة معانا وانا كمان على فكرة ..!
ثانيا .. انا مش فاهمة العنوان خااااااااااالص ,, يعنى ايه
الحب الحلال = جواز الصالونات ..ده لو كان ده قصدك..
او وجهان لعملة واحدة..طب ماهو طبعا هو حد قال ان جواز الصالونات حرام..
ولا حضرتك اختصرتى الحلال بس فى جواز الصالونات..!!
وغير كده تبقى البنت بتعمل حاجة حرام ,,ومبترضيش ربنا ,,وبتضحك على نفسها,,
ومش محافظة على قلبها ولا على نفسها ,,ولا هتنول بركة ربنا ,,ومش هتتساوى
بالبنت الشريفة ........!!
على فكرة ده كلامك من الموضوع نفسه...!!
عامة ......ده لو كان قصد حضرتك فأحب اقولك....
لا حول ولا قوة الا بالله..حرام عليكى والله..
انا اسفة بجد..بس أد كده النظرة بقت ضيقة اوى كده للبنت ..!
يعنى معقول ..تكتبى فى موضوع زى ده على نوعين بس ومن نفس جنسك ..
البنت اللى بتتجوز جواز صالونات وكده تبقى دى العفيفة الشريفة.......
او البنت اللى مش بتتجوز جواز صالونات وكده تبقى دى لازم تكون غلطت ......!!
امال لو شاب هو اللى كان بيكتب عن الموضوع كان هيقول علينا ايه...؟؟

تعالى انا اقول لحضرتك عن انواااااااااع كتيييييييييير غير جواز الصالونات ده
انتى نسيتى تتكلمى عنها.......اه وعلى فكرة حلال برضه............وفى حدود ربنا اللى عرفوها من دينهم ومن تربيتهم.. وعلى فكرة معاهم احلى عيال فى الدنيا دلوقتى..!!

ومبدئيا كده..لو هتكلم مع حضرتك عن جواز الصالونات ده فأحب اقولك انه فيه مساوىء أد ميزاته دى ميت مرة............بس ده مش موضوعنا..

موضوعنا بقى واللى عايزة اقولهولك انك كنتى المفروض تتكلمى احسن عن ان البنت هى اللى فى ايديها تخلى الارتباط ده حلال او حرام مش الصالون او الانتريه خاااااالص على فكرة..........!!
و زى ما اتكلمتى على النوع السىء اللى بتصاحب ,,وتعيش,, وتروش,, وتخرج ,,
وتلف.........بعيد عن جواز الصالونات..
كان المفروض تقولى ان فيه جوازات غير جواز الصالونات محترمة جدا ومبنية على الحدود والادب والمبدأ.....وبتكون اقوى واطول عمرا من بعض جوازات الصالونات
انما ليه حضرتك حصرتى الموضوع اووووووووووى كده.....!
على فكرة...انتى ظلمتى كده ناس كتيييييييييير اوى..

مشكورة,,

بصراحه انتي اثرتي فضولي عن الانواع الكتير اللي مبنيه علي الحدود و الادب و المبدأ بس لقيتك مقولتيش امثله عليهم

**Most_H** · 07-10-2012, 04:00 AM

أنا شايف انه نصيب

ونصيبك هيصيبك مهما عملت ولفيت ودورت

لا صالونات بقى ولا صحوبيه ولا دياولوا

اعرف ناس كانت صحوبية والجو دة، وكان رفضين فكرة جواز الصالونات دى (معتيبرنها زى واحد نازل يدور على عربية ليه) وفى الاخر اتجوزوا صالونات والدنبا زى الفل معاه

وناس العكس تماما، كانت مقتعنة بجواز الصالونات، بس مكنش بيحصل نصيب فى كل مرة، وحبوا واتجوزوا من غير صالونات وزى الفل الحمد لله

دة فى الآخر قسمة ونصيب من عند ربنا :)

والعكس صحيح برضة، فى جوزات صالونات فشلت، وجوازات عن حب فشلت

**m_adeleid** · 07-10-2012, 04:05 AM

نموت احنا نطلق مسميات وتصنيفات علي اي حاجه و بعدين نبقي عنصريين حول هذه التسميه
طب انا مثلا لسا بايع الصالون مش حعرف اجوز بنتي كده بقي ولا ايه؟

**ahmad--ezzat** · 07-10-2012, 05:35 AM

المشاركة الأصلية كتبت بواسطة bmya مشاهدة المشاركة

كلام في الجون والله ربنا يجازيكي خير عليه
يا حج احمد جاوازصالونات اللي هو اتنين ما يعرفوش بعض خالص ولا عمرهم شافوا بعض وبعدين يشوفوا بعض مثلا باتفاق مسبق بين الاسرتين ويا يحصل قبلو يا يحصل رفض حصل قبول يبدؤا بقه يتعرفوا على بعض في حدود طبعا حد ماربنا يوفقهم بقه ويتجوزوا

طيب مهو الخطوبه معموله ليه !!!! مش عشان اعرف البنت دي اللي انا معرفهاش ههههه

وبعدين افرض عرفتها قبليها بسنتين ...هروح لسا هخطبها تاني سنتين !!!!

طب اتجوزها ليه بقي ده كده هزهق من ابوها :)

وبعدين البنت لما بتطول في العلاقه مع ولد بيحصل حجات مش لطيفه والتجاوزات بتزيد يوم عن يوم

**som3a2** · 07-10-2012, 06:25 AM

صباح الخير :)
انا هقول رأيي واللي عايز يضرب يضرب بقا امري لله
في الاول زي ما قال احمد عزت ان الصح ان انا لو عجبتني بنت معينه شوفتها في اي مكان او او ...
هسأل مين والدها و مين هي ومين اهلها وكده وبعد كده لو تمام اشوف حد يقول لوالدها اني عايز اتقدم .. وبعدها انا اروح بنفسي اقابل والدها و اتكلم معاه ولو كده اجيب اهلي وساعتها لو في قبول تحصل الخطوبه وتتحدد سنتين مثلاً وخلال السنتين اكيد هتعرف البنت ايه ظروفها وايه عيوبها وايه مميزاتها (ومفيش حد كامل طبعاً)...
بس اهم حاجه القبول ...
و حالات نادره اوي اللي بيحبوا بعض سنتين مثلاً بكل احترام و ادب والكلام بيبقا محدود جداً ..(حب طاهر نقي يعني)
و بيقل جداً الايام دي .. لكن اللي بيكمل بيبقا جميل طبعاً بدون شك :)
و ربنا يقدم اللي فيه الخير

Comment

إعـــــــلان

.

الحُب الحلال و جواز الصالونات وجهان لعملة واحده ;))

الحُب الحلال و جواز الصالونات وجهان لعملة واحده ;))

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment