بالفيديو / القول النهائي في قبول عوض تلف السيارة و هل فوائد البنوك ربا - مهم جداً

[KemozTanta]

السلام عليكم اصدقائي

انا كنت بتفرج علي الدكتور / مبروك عطية أستاذ الشريعة بجامعة الأزهر - يوم الجمعة الماضية وجاله اتصال علي الهواء سئلة علي فوائد البنوك هل حلال او حرام وهو اتكلم عن تلف السيارة وقبول العوض.
الكلام مهم جدا وهيريح ناس كتير انا كنت منهم ولان كان في موضوع هنا قبل كدا خناقة علي موضوع فوائد البنوك ربا.

اعتقد كدا الموضوع هيكون اتحسم واسيبكم مع الفيديو


للأختصار الرد علي موضوع ربا فوائد البنوك في الدقيقة 3:40
وموضوع قبول عوض تلف السيارة في الدقيقة 9:25

[youtube]http://www.youtube.com/watch?v=VCUECzkAEu8[/youtube]

للأختصار الرد علي موضوع ربا فوائد البنوك في الدقيقة 3:40
وموضوع قبول عوض تلف السيارة في الدقيقة 9:25

[KemozTanta]

اية ياجماعة الموضوع دا كان بيبقي فيه خناقات علي المنتديييييييييي

[benmatar]

فتاوي القهاوي
قالها بعظمة لسانه في حكاية البنك بعد ما رد على الست: بيقول يا جماعة أنا قلت رأيي.... إنا لله وإنا إليه راجعون
بقى الأفندي من دول يقولك أنا شايف، ورأيي كذا.... فين بقى الشرع؟ والدليل، هي الناس دي كانت غايبة في حصة الفقه ولا إيه؟؟؟؟؟
بنموت وندور على اللي يفتيلنا فتوى تكون تفصيل وعلى المزاج وياريت يكون فيها أوبشن كتير..... اللي عاوز يمشي وراه وورا غيره يبقى يحوش عنه يوم السؤال ويقول أصل الأستاذ عطية بيقول رأيي!!!!
يقعدوا يعملو برامج بالساعتين ومتلاقيش فيها لا آية ولا حديث

الرحمة

[zkralla]

أن عندى مشكلة فى الصوت فما سمعتش الفيديو
لكن انا عارف ان الشيخ مبروك عطيه يفتى بتحليل فائدة البنوك
هنقل اراء اخرى لمشايخ افاضل
واحسن كلام سمعته فى فوائد البنوك هو رأى الشيخ محمد حسان
وكان رأيه ان مش من حق اى عالم أنه يفتى فى امور متخصصه زى ديه
لازم الرأى يكون لمجمع فقهى مش فتوى فردية عشان المواضيع ديه عاوزه ناس دارسه شريعة وناس دارسه محاسبة وناس دارسه اقتصاد ... الخ يقعدوا مع بعض ويطلعوا الفتوى فى النهاية
بالنسبة للفتاوى الفرديه فى الموضوع فهو موضوع خلافى لكن الجمهور ( الاغلبية ) حرموا فوائد البنوك وفى قله هم الى اباحوها
من مشاهير الى حرموا المشايخ الافاضل الأتى اسماؤهم
ابن باز - ابن عثيميين - الشعرواى - محمد الغزالى - محمد حسان ( بناء على اراء مجمعات فقهية زى ما اسلفت ) - ابو اسحاق الحوينى - القرضاوى وغيرهم كثيرون وتلاحظوا ان منهم ناس وسطيين جدا زى الشعرواى والعزالى والقرضاوى
اما قبول العوض فلم اسمع من افتى بحرمانيته مطلفا

[KemozTanta]

فتاوي القهاوي
قالها بعظمة لسانه في حكاية البنك بعد ما رد على الست: بيقول يا جماعة أنا قلت رأيي.... إنا لله وإنا إليه راجعون
بقى الأفندي من دول يقولك أنا شايف، ورأيي كذا.... فين بقى الشرع؟ والدليل، هي الناس دي كانت غايبة في حصة الفقه ولا إيه؟؟؟؟؟
بنموت وندور على اللي يفتيلنا فتوى تكون تفصيل وعلى المزاج وياريت يكون فيها أوبشن كتير..... اللي عاوز يمشي وراه وورا غيره يبقى يحوش عنه يوم السؤال ويقول أصل الأستاذ عطية بيقول رأيي!!!!
يقعدوا يعملو برامج بالساعتين ومتلاقيش فيها لا آية ولا حديث

الرحمة

بقي أ/ مبروك عطية قال رأي كذا وشايف ان ..!!!
الراجل قال شيخ الازهر قال والافتاء قالت وانا مع الازهر والافتاء في رأيهم
هو انا جايب واحد علي قهوة وبقول أسمعوا رأية عشان تقول الكلام دا !!
مبروك عطية دكتور في الشريعة والفقه واستاذ في جامعة الأزهر مش واحد كلية تجارة وكمل اصول دين !
عموما شكرا علي المشاركة بس ارجو تشوف الفيديو مرة اخري لانه لا فيه رأي كذا ولا شوافان.

[KemozTanta]

أن عندى مشكلة فى الصوت فما سمعتش الفيديو
لكن انا عارف ان الشيخ مبروك عطيه يفتى بتحليل فائدة البنوك
هنقل اراء اخرى لمشايخ افاضل
واحسن كلام سمعته فى فوائد البنوك هو رأى الشيخ محمد حسان
وكان رأيه ان مش من حق اى عالم أنه يفتى فى امور متخصصه زى ديه
لازم الرأى يكون لمجمع فقهى مش فتوى فردية عشان المواضيع ديه عاوزه ناس دارسه شريعة وناس دارسه محاسبة وناس دارسه اقتصاد ... الخ يقعدوا مع بعض ويطلعوا الفتوى فى النهاية
بالنسبة للفتاوى الفرديه فى الموضوع فهو موضوع خلافى لكن الجمهور ( الاغلبية ) حرموا فوائد البنوك وفى قله هم الى اباحوها
من مشاهير الى حرموا المشايخ الافاضل الأتى اسماؤهم
ابن باز - ابن عثيميين - الشعرواى - محمد الغزالى - محمد حسان ( بناء على اراء مجمعات فقهية زى ما اسلفت ) - ابو اسحاق الحوينى - القرضاوى وغيرهم كثيرون وتلاحظوا ان منهم ناس وسطيين جدا زى الشعرواى والعزالى والقرضاوى
اما قبول العوض فلم اسمع من افتى بحرمانيته مطلفا

اشكرك علي المشاركة والاضافة

[S O P H O S]

وجهة نظر ..

[tutankhamoun]

الموضوع ده شائك قوي بصراحة .
بس أنا عندي تسأل .
دلوقتي أنا مثلا مليش في التجارة و مش كل واحد له في التجارة .... أعمل أيه بالفلوس اللي معايا ؟؟؟؟؟

فدلوقتي لو عايزين نبني مستشفى أو نبني كوبري و دي حاجات بتتكلف تكاليف عالية أو عايزين نبني طريق .

هانجيب تكاليف الحاجات دي منين ؟؟؟؟

البنوك بتلم الفلوس من الناس و تشغلها في مشاريع كبيرة .

ممكن بقى طريقة توزيع الربحية هي اللي عليها أختلاف ..... ربنا يبعد عننا الربا .

[Ahmed_Adham]

من الناحيه الاقتصاديه فوائد أو ارباح البنوك دي يادوب تعوض صاحب المال عن نقص قيمه فلوسه مع الوقت بسبب التضخم. والتضخم هوه فقدان الفلوس لجزء من قيمتها الشرائيه والحكومه بتقيسه بجموعه من السلع الاساسيه ونسبه زياده سعرها من سنه للتانيه. يعنى ممكن نضرب مثال بالدهب. النهارده الالف جنيه تجيب كام جرام دهب عيار 21 مثلا؟ ونشوف السنه الجايه فى نفس الشهر الالف جنيه هتجيب كام جرام (طبعا أقل) أهي نسبه الخساره دي هيه اللي بيحاول البنك يعوضك عنها بالفوايد يعني فى الاخر فعليا فلوسك مش بتزيد ودايما فوائد البنك نسبتها أقل من نسبه التضخم ولو حتى الفرق بسيط.

من الاخر يا جماعه البنك مش هيستثمرلك فلوسك ومتفتكرش ان فلوسك فى البنك هتزيد. لو عايز تشغل فلوسك عندك سبايك ادهب والعقارات والاتنين مش محتاجين خبره فنيه بقدر ما محتاجين ثقافه عامه. اشترى شقه واركنها سنتين تلاته وبيعها لما يجيلك فيها سعر أعلى. او لو فاهم شويه في شغل التشطيبات شطبها وبيعها.

[ghost11]

السؤال بقى انا لو خدت بفتوى الاستاذ مبروك عطيه ربنا يحاسبنى ولا يحاسبه هو وهل هو ده اللى ببسمى الاختلاف رحمه ولا ايه

الواحد مبقاش عارف الصح من الغلط مفيش حد طبعا عايز ياكل ربا بس نعمل ايه ونسمع من مين ؟؟