LG ولا Sony ولا Samsung !! خبراء الأندرويد هنا :)

[Patrickologyy]

بإختصار كده يا رجاله أنا محتار بين 3 موبايلات مش عارف أختار الأحسن و قلت رجاله المنتدى هم إللى هايحسموا الأمر :D

الأولانى

Samsung Galaxy Y Pro Duos B5512 - Full phone specifications

و التانى

Sony Xperia U - Full phone specifications

و التالت

LG Optimus L5 E610 - Full phone specifications

و مش عارف أحدد أنهى الأحسن :(
و معلش سؤال أخير ... هو فعلاً السونى مش بيتحط فيه ميمورى كارد ؟!
و سؤال أخير برضه لخبراء الأندرويد .. الموبايلات دى ممكن ينزل عليهم لحد أندرويد كام معلش :)
و شكراً :)

[matrix_it]

السونى : بروسيسور عالى , كاميرا عادية , شاشة صغيرة
ال lg : بروسيسور قليل , كاميرا عادية , الشاشة اكبر من ال الاتنين التانيين
السامسونج : بروسيسورقليل , شاشة صغيرة جدااا , كاميرا صغيرة جدا
عايز موبايل تستمتع فيه بالاندرويد يبقى بالترتيب lg or sony
عايز حاجة للشات بسسس و برامج خفيخة يبقى سامسونج

[opelawy]

الترتيب من الافضل للاسؤا السوني - ال جي - سامسونج
الترتيب من حيث اعادة البيع : سامسونج - السوني - ال جي

الترتيب من حيث الشياكة : السوني - ال جي - سامسونج

السوفت وير :
Sony : up to Android 4.0.4 Ice-cream Sandwich
LG : up to Android 4 Ice-cream Sandwich
samsung : 2.3 Gingerbread

[Patrickologyy]

يعنى السونى أفضلهم عموماً ؟!

[Patrickologyy]

و لو حد يعرف سعره كام يبقى تمام قوى :)

[mr_safwt]

الاكسبيريا يو دلوقتى شوفتة ب 1550 عند الشناوى وفى محل تانى شوفتة عندة ب 1475
بس هو مشكلتة المساحة فعلا ما بيركبلوش كارت ميمورى
والمساحة الداخلية 8 جيجا متاح منهم 6 جيجا فقط للمستخدم والباقى للنظام التشغيل بس بامانة الموبيل شيك بغباء
كفاية منظر الليد اللى بيتغير مع لون الخلفية

[Patrickologyy]

فيه أراء تانيه يا جماعه ؟! :)

[3ateef]

sony

[Patrickologyy]

يعنى أتكل على الله و أشترى ؟ :)

[m_marmoush]

طب هل فى مشاكل فى ال sony عموما كاهاردوير ؟ لأن كان لى تجربة سيئة مع sony ericsson فى مشكلتين الأولى أن مكان دخول الشاحن كان بيصدى و لازم أنظفة كل مرة بالأسبراى عشان يقبل شحن
التانية أن الميكروفون بتاعة كان حساس جدا لدرجة أنة بينقل الضوضاء اللى فى الشارع كلها للطرف الثانى (بعكس النوكيا)

[Patrickologyy]

طب هو سونى إريكسون هو هو سونى إكسبيريا ولا إيه ؟! :)

[devilishtigers]

لا مش هو هو

[Patrickologyy]

طب أشترى منين فى مدينة نصر بقى لو مالقيتهوش فى السراج مول ؟ :)

[3ateef]

انت حل المشكلة بتاعتك دى انك تفضل قاعد فى البيت والناس تسألك وتدورلك وفى الاخر يتفضل مشكور واحد من الاعضاء يشتريلك الموبايل ومعاه كارت 100 ويوصلهولك لغاية البيت ويشحنهولك وبعد كده يستأذن يروح...

[Patrickologyy]

أنا سألت ناس كتير إصحابى و شوفت ال ٣ موبايلات و إحترت أكتر و حبيت أخد رأى الأعضاء بس و أنا أسف لو كنت ضايقت حد !!