أتكلم مكالمات دولية بأسعار تافهه

[Elawany13]

نقل الصوت عن طريق ip لازم في الطرف التاني للمكالمة بيكون فيه voip to pstn gateway بتملكها برضه نفس الشركة (زي سكايب) ...... يعني مثلا انت بتكلم السويد ....... المكالمة بتمشي من مكان ما انت موجود للسويد عبر الانترنت و في السويد بيبقى فيه مكان فيه الجيتواي دي اللي متوصلة بخطوط تليفون عادية عشان تستقبل المكالمة عالانترنت و تطلب الرقم على التليفون العادي

و البرامج دي غير قانونية بالمرة في مصر ....... و لو ان صعب اكتشافك و مستخيل يحصل لك حاجة الا لو استعملتها استعمال تجاري ساعتها هتتنفخ في قضية اموال عامة و عرامة من الحجم المحترم

و البرامج دي مش زي شركات المحمول نهائي .......

11111111111111111

[أحمد كمال]

مبدأيا شكرا لتوضيح حضرتك فى جزئية VOIP to PSTN Gateway
و لكن لى عتاب عليك فى موضوع قانونية البرامج، مع أحترامى لحضرتك، ممكن أعرف مصدرك فى عدم قانونية هذة البرامج؟؟؟؟؟!!!. و لو كدة طب ليييه أحنا بنستخدمها من قديم الأزل (سكايب و ياهو) و بنتكلم بيها كمبيوتر الى كمبيوتر و هى معروف انها بتتشحن و بتكلم تليفونات لجميع انحاء العالم.

بصراحة،انا شايف ان لو كان فى تحفظ على هذة البرامج، كان من باب اولى ان نسخ الوندوز و برامج الأنتيفيرس و برامج أخرى كتتتتتتتتتتتتتتير بنستخدمها بشكل غير قانونى كانت خلت الحكومة تصادر كل أجهزة الشعب المصرى.

بص

مش هاكذب عليك و اقول لك اني بانفذ القانون بحذافيره ...... محدش فينا ما بيستعملش البرامج دي

بس قانون الاتصالات كده

استخدام الانترنت لتمرير مكالمات تليفونية هو غير قانوني و يعاقب عليه القانون (قضية اموال عامة) بالحبس و الغرامة و مش مصدقني دور على كمية قضايا تمرير المكالمات في اي صحيفة قومية


البرامج قانونية و استخدام سكايب للتشات مع مستخدم اخر لسكايب مفيهوش اي مشكلة ........ بس المشكلة كلها في استخدام سكايب للاتصال بتليفون عادي


موضوع ازاي احنا بنستعملها من زمان و هي مش قانونية ....... ردي عليك بسيط ...... كام واحد مفيم و طامس لوحات و مركب سارينة و و و و مع انها غير قانونية ......


مفيش تحفظ عالبرامج ذاتها


اما تشبيهك لنسخ الويندوز فده تشبيه غلط


الحكومة المصرية مش متضررة خااااااااالص من انك ضارب ويندوز ....... بالعكس مستفيدة (زيادة الوعي و الثقافة باستخدام الكمبيوتر و عملة صعبة كانت هتخرج من البلد ما خرجتش)


اما استخدامك لل VOIP Service بيضرهم بشكل مباشر لانه بيأثر على عوائد بوابة المكالمات الدولية .........انت لو ما اتكلمتش كده كنت هتتكلم على الموبايل او الارضي دولي و المكالمة في الاخر مش هتخرج من مصر بغير طريقتين يا اما المصرية للاتصالات يا اما اتصالات مصر ...... الاولانية ملك الحكومة اساسا و التانية بتدفع نسبة من ارباح البوابة للحكومة .......

[أحمد كمال]

خش Google

و اكتب الكلام ده في السيرش و شوف زوربيح النتايج

قانون الاتصالات مصر تمرير المكالمات


و خد المادة دي من قانون الاتصالات رقم 10 لسنة 2003

مادة 21
لا يجوز إنشاء أو تشغيل شبكات اتصالات أو تقديم خدمات الاتصالات للغير أو تمرير المكالمات التليفونية الدولية ، أو الإعلان عن شئ من ذلك دون الحصول على ترخيص من الجهاز وفقاً لأحكام هذا القانون والقرارات المنفذة له .
ومع ذلك لا يلزم الحصول على ترخيص من الجهاز لإنشاء أو تشغيل شبكة اتصالات خاصة لاتستخدم أنظمة اتصال لاسلكية .
ويلتزم المشغل المرخص له بإخطار الجهاز بالشبكات الخاصة التى تنشأ على بنيته الأساسية

[Egyzizo]

الجماعة بتوع الماجيك جاك كانوا منزلين برنامج اسمه ماجيك توك ، باتكلم فيه لأمريكا ببلاش لأى مدة وفى أى وقت لغاية دلوقتي بدون اشتراك ولا شحن ولا كروت ، وربنا يديمها نعمة.

[أحمد كمال]

الجماعة بتوع الماجيك جاك كانوا منزلين برنامج اسمه ماجيك توك ، باتكلم فيه لأمريكا ببلاش لأى مدة وفى أى وقت لغاية دلوقتي بدون اشتراك ولا شحن ولا كروت ، وربنا يديمها نعمة.

داري على شمعتك تقيد

[abd_elhalim85]

اما استخدامك لل VOIP Service بيضرهم بشكل مباشر لانه بيأثر على عوائد بوابة المكالمات الدولية .........انت لو ما اتكلمتش كده كنت هتتكلم على الموبايل او الارضي دولي و المكالمة في الاخر مش هتخرج من مصر بغير طريقتين يا اما المصرية للاتصالات يا اما اتصالات مصر ...... الاولانية ملك الحكومة اساسا و التانية بتدفع نسبة من ارباح البوابة للحكومة .......

أنا معاك يا أستاذ أحمد فى أن الخدمة دى هتقلل أستخدام الأتصالات التقليدية ذى بالضبط ان الموبايلات أثرت على التليفون الأرضى، بس بالمنطق كدة يعنى اتصالك لأى تليفون فى العالم بإستخدام ال VOIP Service هيقلل عوائد الشركات المصرية و أستخدامك لنفس الخدمة من جهاز ل جهاز أخر فى أى مكان فى العالم مش هيضرهم فى عوائدهم؟؟؟؟؟؟!!!!!!

أكيد المحصلة واحدة و هو ده حال الدنيا الجديد بيأثر على القديم.
بصراحة أنا لسة مرتاب فى موضوع عدم قانونية البرامج دى لأن لو كدة كانوا لغو البرامج دى أصلا.

و بعدين أنا حتى الأن مش فاهم فهم واضح لمصطلح تمرير المكالمات الدولية اللى حضرتك قولته.

[abd_elhalim85]

الجماعة بتوع الماجيك جاك كانوا منزلين برنامج اسمه ماجيك توك ، باتكلم فيه لأمريكا ببلاش لأى مدة وفى أى وقت لغاية دلوقتي بدون اشتراك ولا شحن ولا كروت ، وربنا يديمها نعمة.

كلام جميل يا أستاذ Egyzizo بس حضرتك ال Magic Jack دة لأمريكا و كندا فقط و له رسوم سنوية قليلة جدا، أما البرامج دى لكل أنحاء العالم

[Egyzizo]

كلام جميل يا أستاذ egyzizo بس حضرتك ال magic jack دة لأمريكا و كندا فقط و له رسوم سنوية قليلة جدا، أما البرامج دى لكل أنحاء العالم

لأ هو برضه بيتكلم دولى لكل دول العالم زى البرامج التانية بس برسوم مخفضة
أمريكا وكندا ببلاش

هي الرسوم السنوية دى لما تشترى الجهاز بتاعهم (الدنجل)
بس أنا كنت نزلت برنامج اسمه ماجيك توك من على الموقع بتاعهم وده مش بيحتاج الدنجل
ومن ساعتها وأنا باتكلم ببلاش لأمريكا وكندا بدون أى رسوم سنوية.

[Egyzizo]

على فكرة البرامج دى بتوفر جامد جدا، على فكرة انا بشحن رصيد للبرامج دى عن طريق كروت و ممكن تشحن انت لنفسك بإستخدام كارت ائتمان بس متشحنش لغيرك بالكارت الخاص بك لأن البرنامج ممكن يشحن بع كدة اتوماتك.

تحت امركم فى اى استفسار

بتشحن بأى نوع من الكروت؟
كارت الفيزا العادى؟
واللا فيه كروت خاصة؟

[abd_elhalim85]

لأ هو برضه بيتكلم دولى لكل دول العالم زى البرامج التانية بس برسوم مخفضة
أمريكا وكندا ببلاش

هي الرسوم السنوية دى لما تشترى الجهاز بتاعهم (الدنجل)
بس أنا كنت نزلت برنامج اسمه ماجيك توك من على الموقع بتاعهم وده مش بيحتاج الدنجل
ومن ساعتها وأنا باتكلم ببلاش لأمريكا وكندا بدون أى رسوم سنوية.

تمام، متشكر على إيضاحك يا أستاذ Egyzizo ان شاء الله هحاول اخد فكرة اكتر عنه

[abd_elhalim85]

بتشحن بأى نوع من الكروت؟
كارت الفيزا العادى؟
واللا فيه كروت خاصة؟

اى حد ممكن يعمل حساب على البرامج دى و يشحن بإستخدام كارت الأتمان الخاص بيه غير كده ممكن يشترى رصيد من أى موزع. بالمناسبة، أنا (موزع) و ممكن أشحن رصيد لأى حد عن طريق إعطائى أسم المستخدم فقط.

[Elawany13]

شبكة لتمرير المكالمات الدولية بطريقة غير مشروعة بالقاهرة


تمكن ضباط الإدارة العامة لشرطة النقل والمواصلات من ضبط شبكة لتمرير المكالمات الدولية بطريقة غير مشروعة بمحافظة القاهرة ، مما يضر بأموال الشركة المصرية للاتصالات.
وكانت معلومات قد وردت لضباط إدارة شرطة الاتصالات بالإدارة العامة لشرطة النقل والمواصلات أكدتها التحريات السرية ، تتضمن قيام المدعو محمد ج.ع مقيم بالقاهرة، بإنشاء شبكة لتمرير المكالمات الدولية دون المرور على الشبكة الدولية للشركة المصرية للاتصالات باستخدام 30 خطا هاتفيا عقب ربطهم بشبكة المعلومات الدولية (الانترنت).
وعقب تقنين الإجراءات واستصدار إذن النيابة العامة والاشتراك مع لجنة فنية من الشركة المصرية للاتصالات ، تم مداهمة مقر الشبكة وتبين عدم تواجد المذكور ، وتم ضبط نظام متكامل لتمرير المكالمات الهاتفية الدولية فى حالة التشغيل وجميع الأدوات والأجهزة المستخدمة فى تشغيل وإدارة النظام غير المشروع.
وتحرر عن ذلك المحضر اللازم وأخطرت النيابة العامة لمباشرة التحقيق، وجاري تكثيف الجهود الأمنية اللازمة لضبط المتهم الهارب.

[Elawany13]

ضبط شركة بالمعادي تمرر مكالمات دولية لمصر بدون ترخيص وتسببت فى خسائر بالملايين


مصراوى - خاص - قامت أجهزة الأمن بالتعاون مع أجهزة الأمن القومي والشركة المصرية للاتصالات بضبط شركة بمنطقة المعادي تقوم بتمرير المكالمات التليفونية الدولية إلى مصر بطريقة غير شرعية.
وأكد الجهاز القومى لتنظيم الاتصالات أنه قد ثبت قيام الشركة بالتعاون مع شركات بدول أخرى لتمرير المكالمات التليفونية الدولية إلى مصر خارج البوابات الدولية القانونية مسببة خسائر تقدر بمئات الملايين من الجنيهات سنويا ، بالإضافة إلى تأثيرها على الأمن القومي.
وقد قامت الأجهزة الأمنية بالتعاون مع لجنة من الشركة المصرية للاتصالات والجهاز القومي للاتصالات بمهاجمة مقر الشركة بالمعادي، حيث تم ضبط ما يثبت بقيام الشركة بتمرير المكالمات الدولية، وتم القبض على كل من ز.أ. ف و ب .أ. أ اللذين ثبت تورطهما في قضايا سابقة لتمرير المكالمات الدولية.
وتم اخلاء سبيلهما من النيابة بكفالة قدرها 20 ألف جنيه لكل منهما لحين نظر القضية.
وأكد الدكتور عمر الشريف المستشار القانوني بالجهاز القومي لتنظيم الاتصالات ان تمرير المكالمات الدولية دون المرور بالشبكات المرخص لها امر مخالف لأحكام البند رقم 21 من قانون الاتصالات رقم 10 لسنة 2003.
وأضاف الشريف إلى أن هذا القانون ينص على أنه لا يجوز إنشاء أو تشغيل شبكات اتصالات أو تقديم خدمات الاتصالات للغير أو تمرير المكالمات التليفونية الدولية، أو الإعلان عن شيء من ذلك دون الحصول على ترخيص من الجهاز وفقا لاحكام القانون والقرارات المنفذة له، والمعاقب عليه بأحكام المادة 72 من نفس القانون.
وأشار الشريف بأن أحكام المادة 72 من نفس القانون تنص على أنه يعاقب بالحبس مدة لا تقل عن 6 أشهر ولا تجاوز 5 سنوات وبغرامة لا تقل عن 50 ألف جنيه ولا تجاوز 500 ألف جنيه أو بإحدى هاتين العقوبتين كل من قام دون الحصول على ترخيص من الجهاز إما بإنشاء أو تشغيل شبكات الاتصالات، أو إنشاء بنية أساسية لشبكات الاتصالات، أو تقديم خدمات الاتصالات، أو تمرير المكالمات التليفونية الدولية بأية طريقة كانت.
وأوضح المستشار القانوني بالجهاز القومي لتنظيم الاتصالات أن القانون ينص على الحكم بمصادرة كافة المعدات والأجهزة والتوصيلات التى استعملت في ارتكاب هذه الجريمة، وتقضى المحكمة من تلقاء نفسها بإلزام المحكوم عليه بالتعويض المناسب في الحالة المنصوص عليها في البند 4 من هذه المادة.

[Elawany13]

قرار سياسي وراء حظر خدمة (skype) في مصر

كتب- سامر إسماعيل:


أكدت صحيفة (بوليتيكو) الأمريكية واسعة الانتشار أن هناك قرارًا سياسيًّا وراء حظر الجهاز القومي لتنظيم الاتصالات في مصر لخدمة الاتصالات الهاتفية المقدمة من (skype) على شبكة الإنترنت.

وقالت ليديا خليل المحللة الاستخبارية السابقة بشرطة مدينة نيويورك الأمريكية والعضو الحالي بمشروع الديمقراطية بالشرق الأوسط: إن مصر حظرت المكالمات الهاتفية عبر (skype) لعدم قدرتها على رصد المكالمات الهاتفية التي تُجرى عن طريقه، في حين تستطيع السلطات الأمنية في مصر رصد المكالمات الهاتفية التي تتم؛ سواء عبر الهواتف الثابتة أو النقالة أو حتى خدمات الاتصال التي توفرها برامج "جوجل" و"ياهو" و"ويندوز لايف" بسهولة.

وأشارت إلى أن الحكومة المصرية أمرت كذلك شركات المحمول الثلاثة في مصر يوم 13 مارس الماضي بعدم السماح بإجراء أية اتصالات بأية وسيلة توفرها الشركات الثلاثة باستخدام برنامج (skype).

واعتبرت المحللة الاستخبارية السابقة أن القرار السياسي المصري جاء للحدِّ من استخدام النشطاء في مصر لبرنامج (skype) الذي يعتبر أفضل وسيلة كان يستخدمها النشطاء لفضح ممارسات الحكومة المصرية أمام الرأي العام العالمي؛ نظرًا لانخفاض تكلفة المكالمات التي تُجرى عبر البرنامج بالمقارنة بتكلفة المكالمات التي تتم عبر شركات الهاتف المختلفة.

وانتقدت الصحيفة بشدة إغفال الولايات المتحدة للإجراء الذي اتخذته مصر ضد برنامج (skype)، في الوقت الذي ندَّدت فيه بشدة بالإجراءات التي اتخذتها الصين وإيران من قبل ضد النشطاء السياسيين عندما أقدما على فرض قيود على الاتصالات الهاتفية والاتصال بشبكة الإنترنت للتضييق على النشطاء السياسيين هناك.

وقالت إن مصر مقبلة على انتخابات تشريعية ورئاسية، ويريد النظام المصري تأمين بقائه في السلطة عبر تمديد حالة الطوارئ، ووضع القيود على حركة النشطاء السياسيين حتى لا يحدث كما حدث بإيران عندما اتهمت المعارضة النظام الإيراني الحاكم بتزوير الانتخابات الرئاسية الماضية، وقاموا بنشر صور الاحتجاجات عبر شبكة الإنترنت وغيرها من وسائل الاتصال.

ونفت الصحيفة أن يكون الغرض من حظر استخدام المكالمات الهاتفية عبر (skype) هو رغبة الحكومة المصرية في تحقيق المكاسب كما تدعي، مؤكدةً أن مبررات الحكومة المصرية تبدو واهية جدًّا؛ نظرًا لقلة أعداد مستخدمي خدمة المكالمات الهاتفية عبر (skype) بالمقارنة بعدد المشتركين في شركات الهاتف النقال في مصر.

وحذَّرت الصحيفة من احتمال قيام السلطات المصرية بحظر الدردشة عبر شبكة الإنترنت، خاصةً التي تتم باستخدام الهواتف النقالة؛ وذلك بعدما أظهرت الحكومة المصرية عدم التزامها بالوعود التي قطعتها على نفسها من قبل عندما تحدثت عن نيتها إلغاء حالة الطوارئ منذ 2005م، ومع ذلك قامت بتمديده ثلاث مرات متتالية لتستخدم هذه الحالة الاستثنائية للتعدي على الحقوق الدستورية للمصريين.

[Elawany13]

المقالات السابقة
مقالات قديمة

طبعا كلها قوانين واجراءات لتكريس احتكار المصرية للاتصالات
شبكة واحده بتقلبنا كلنا