استفسار للعيد

[EL Tanna]

لو سمحتوا يا جماعه كنت عايز اروع فى العيد اى مكان خارج القاهره اقضى يومين

ايه الاقتراحات؟؟؟

فكرت اروح مرسى مطروح هو هناك فى اى فنادق بتاجر غرف بس مش عايز حاجه غاليه فى الحنيين يعنى

مش شرط مرسى مطروح بس عايو مكان هادى و رخيص و فيه بحر اهم حاجه

[abd_elhalim85]

بحيرة قارون و وادى الريان فى الفيوم
جمييييييل

[EL Tanna]

بحيرة قارون و وادى الريان فى الفيوم
جمييييييل

طيب دى ايه ظروفها و ايجار مكان انام فيه بكام؟؟ سواء فندق بنسيون اى حاجه :d

[benmatar]

مرسى مطروح وتوكل على الله
الجو بإذن الله هيكون كويس بس بيبرد بالليل في الوقت ده
والدنيا هتبقى هادية ومش زحمة
وتأجر غرفة في فندق وعلى البحر مباشرة بأسعار تبدأ من 120-150ج.م وطالع على نفس صف جامع العوام
وممكن تاخد شقة فندقية لو أسرة كبيرة في منطقة الليدو أو الكورنيش برضه بزيادة بسيطة
ولو غاوي هدوء زيادة 3 حبات تروح قرية عجيبة قبل الجبل بعد مطروح بربع ساعة الشاليهات فيها هتكون خالية على عروشها، والأسعار برضه مريحة جدا ومش هتختلف عن وسط البلد لأن محدش هيكون هناك
بس تاخد أكل وشرب معاك عشان متعملش مشاوير كتير لوسط البلد او تشتري من السوق قبل ماتروح على عجيبة
واستجم براحتك وأجازة سعيدة

[EL Tanna]

مرسى مطروح وتوكل على الله
الجو بإذن الله هيكون كويس بس بيبرد بالليل في الوقت ده
والدنيا هتبقى هادية ومش زحمة
وتأجر غرفة في فندق وعلى البحر مباشرة بأسعار تبدأ من 120-150ج.م وطالع على نفس صف جامع العوام
وممكن تاخد شقة فندقية لو أسرة كبيرة في منطقة الليدو أو الكورنيش برضه بزيادة بسيطة
ولو غاوي هدوء زيادة 3 حبات تروح قرية عجيبة قبل الجبل بعد مطروح بربع ساعة الشاليهات فيها هتكون خالية على عروشها، والأسعار برضه مريحة جدا ومش هتختلف عن وسط البلد لأن محدش هيكون هناك
بس تاخد أكل وشرب معاك عشان متعملش مشاوير كتير لوسط البلد او تشتري من السوق قبل ماتروح على عجيبة
واستجم براحتك وأجازة سعيدة

انا عايز غرفه فيها 2 سرير لان اخويا هيبقى معايا دى بتفرق فى السعر؟؟
كمان مش شرط تبقى على البحر حتى لو تبقى بنفس شكل بيوت الطلبه الى هى شقه عبارة عن بنسيون ههههههه عايز ارخص حاجه بس برده متبقاش تعبانه يعنى من الاخر عايز ارخض حاجه نضيفه

كمان هناك بالحجز؟؟ولا انزل مطروح و احجز علطول؟؟ و هلاقى فى العيد مكان؟

معلش تعبتك فى الاسئله الكتيير

[benmatar]

انا عايز غرفه فيها 2 سرير لان اخويا هيبقى معايا دى بتفرق فى السعر؟؟
كمان مش شرط تبقى على البحر حتى لو تبقى بنفس شكل بيوت الطلبه الى هى شقه عبارة عن بنسيون ههههههه عايز ارخص حاجه بس برده متبقاش تعبانه يعنى من الاخر عايز ارخض حاجه نضيفه

كمان هناك بالحجز؟؟ولا انزل مطروح و احجز علطول؟؟ و هلاقى فى العيد مكان؟

معلش تعبتك فى الاسئله الكتيير

ولا يهمك
هتلاقي بإذن الله حاجة كويسة وتعمل 100ج.م في الليلة، وبصراحة ممكن تلاقي أرخص
بس مش متأكد، انا بكلم حضرتك على الحاجات االي على الكورنيش وفي مكان كويس وبحمام خاص طبعا
والحكاية مش محتاجة حجز لأن الوقت ده بتكون مطروح هادية فيه، وأعتقد إنها مش هتتزحم في العيد ولو حصل زيادة مش هتكون كبيرة في أعداد الزوار
بس مطروح هتعجبك إن شاء الله ويفضل يكون معاك حاجة تقيلة شوية عشان لو هتسهر بالليل ولاجو بيبرد شوية

[EL Tanna]

ولا يهمك
هتلاقي بإذن الله حاجة كويسة وتعمل 100ج.م في الليلة، وبصراحة ممكن تلاقي أرخص
بس مش متأكد، انا بكلم حضرتك على الحاجات االي على الكورنيش وفي مكان كويس وبحمام خاص طبعا
والحكاية مش محتاجة حجز لأن الوقت ده بتكون مطروح هادية فيه، وأعتقد إنها مش هتتزحم في العيد ولو حصل زيادة مش هتكون كبيرة في أعداد الزوار
بس مطروح هتعجبك إن شاء الله ويفضل يكون معاك حاجة تقيلة شوية عشان لو هتسهر بالليل ولاجو بيبرد شوية

شكرا جدا لحضرتك طيب دلوقتى عرفنا اسعار المبيت
المواصلات رايح جاى اركبلها ايه انا بسمع ان الطريق طويل و متعب و اسعارها ايه؟؟

و ايه الاماكن الى ممكن اروحها هناك؟

[EL Tanna]

محدش يعرف المواصلات ايه لهناك؟

[ابو لؤى]

والله مرسى مطروح جميله فعلا معايا رقم سمسار اسعاره كويسه وشققه ممتازه على الكورنيس وواسعه يعنى ممكن 100 فى الليله واقل مافيش حاجه اسمها كام سرير ههههههه هيا بتكون بالغرف يعنى 3 غرف كنت مكلمو عليها فى دخله المدارس قالى 120 وعمتا لمه بتروح هناك وبيفرجك بتفاصل كمان

[EL Tanna]

والله مرسى مطروح جميله فعلا معايا رقم سمسار اسعاره كويسه وشققه ممتازه على الكورنيس وواسعه يعنى ممكن 100 فى الليله واقل مافيش حاجه اسمها كام سرير ههههههه هيا بتكون بالغرف يعنى 3 غرف كنت مكلمو عليها فى دخله المدارس قالى 120 وعمتا لمه بتروح هناك وبيفرجك بتفاصل كمان

طيب ممكن رقمه على الخاص؟؟
و كمان المواصلات ايه نظامها ؟؟اركبلها ايه؟؟

[amrelsha3er]

go bus بيروح غالبا هات رقمه من الدليل وكلمهم الطريق 6 ساعات

[EL Tanna]

go bus بيروح غالبا هات رقمه من الدليل وكلمهم الطريق 6 ساعات

طيب هناك فى اماكن ايه ممكن ازروها؟
كلمتهم دلوقتى قالوا موقوفه و شغاله فى الصيف بس
فى حاجه تانيه؟؟

[EL Tanna]

يا جماعه الى يعرف ياريت يفدنى