ماذا تفعل لو صدمت سياره وصاحبها غير موجود ؟

[Menna Hassan]

السلام عليكم ورحمة الله وبركاته

ماذا تفعل لو صدمت سياره وصاحبها كان غير موجود؟

هل بتقدر تتحمل مسؤولية خطأك -

ولا بتهرب بفعلتك -

ولا بتعمل ايه..؟
واهم حاجة الصراحة..!

[drmsadek1979]

كنت راكب مع واحد صاحبي قبل كده ونسي يشد فرامل اليد فالعربية اتحركت وحكت عربية واقفة وسابها ومشي

[Ahmed_Ramadan]

حصلت قبل كده و ريحت على فانوس عربية و إنكسر .....سيبتله ورقة تحت المساحة فيها رقم تليفونى و إستعدادى التام للتصليح أو إستبدال و صاحب العربية كلمنى و شكرنى و قالى مش مهم الفانوس المهم إنى لقيت بنى أدمين فى البلد أخيرا !!

[koshary]

لو راكن فى مكان غلط عالطريق او راكن فى مكان مش مخصص للركن وانا خبط عربيته همشى واسيبه انما لو عربيه مركونة تحت عمارة وخبطها اكيد اكصدام فى اكصدام بتبقا حاجات بسيطه ومش باينه ودى محدش بيتكلم عليها انما لو خبطت خبطه جامده اكيد هشوف صاحب العربيه ولو ملقيتهوش هكتبلو ورقة برقمى واحطها تحت المساحه وربنا مايكتبها علينا ابدا الواحد بس يلاحق على طلبات عرببته الاول

[gebreel]

بحاول ادور على صاحبها

لو ملقتوش هسيبلو الكارت بتاعي و على ظهره اعتذار و اطلب منو يتصل بيا

[SHNORY]

حصلت معايا مرتين
مره دغدغت بابيت عربيه بالقايم بتاعها وسيبتله الكارت بتاعي في المساحه وعلي ما روحت مشواري ورجعت لقيته مشي ومتصلش بيا
والمره التانيه خربشت عربيه وسيبتلهم الكارت مع صاحب محل يعرفني كانت العربيه واقفه قدامه ومتصلوش برضه

[Amr Axel]

هدور ع صاحبها و لو عايزني اصلحها مفيش مشاكل
ملقتوش هسيبله ورقة و رقم التليفون
من اتلف شئ فعليه اصلاحه و في نفس الوقت هتخيل لو انا مكانه و نزلت لقيت عربيتي فيها حاجة ساعتها هيكون موقفي ايه فبحط نفسي مكان اللي قدامي و مع ذلك دايما انزل الاقي العربية مخبوطة او حد كحتها :)
لكن الحمد لله لحد دلوقتي محصلش اني خبطت عربية حد او كحتها
و ربنا يستر طريق الجميع

[fepsceasar]

حصلت معايا مرتين
وفى المرتين الناس شكرونى وقالوا ان العربية كان فيها خبطات قديمة والخبطة دى مش مشكلة
فحسيت ان الذوق والاحترام غير نظرتهم للى حصل وحسسهم ببساطة الموضوع
بس الحمدلله ما كنش فيهم خطات جامدة

[Menna Hassan]

كنت راكب مع واحد صاحبي قبل كده ونسي يشد فرامل اليد فالعربية اتحركت وحكت عربية واقفة وسابها ومشي

ههههههههههه الله عليه..
بعيد عن اى حاجة..............كفاية صراحتك..
مشكور

[Menna Hassan]

حصلت معايا مرتين
مره دغدغت بابيت عربيه بالقايم بتاعها وسيبتله الكارت بتاعي في المساحه وعلي ما روحت مشواري ورجعت لقيته مشي ومتصلش بيا
والمره التانيه خربشت عربيه وسيبتلهم الكارت مع صاحب محل يعرفني كانت العربيه واقفه قدامه ومتصلوش برضه

حصلت معايا مرتين
وفى المرتين الناس شكرونى وقالوا ان العربية كان فيها خبطات قديمة والخبطة دى مش مشكلة
فحسيت ان الذوق والاحترام غير نظرتهم للى حصل وحسسهم ببساطة الموضوع
بس الحمدلله ما كنش فيهم خطات جامدة

ايه الحظ الحلو ده............انا بحسدكم على فكرة..!
جزاكم الله كل خير.........

[Menna Hassan]

حصلت قبل كده و ريحت على فانوس عربية و إنكسر .....سيبتله ورقة تحت المساحة فيها رقم تليفونى و إستعدادى التام للتصليح أو إستبدال و صاحب العربية كلمنى و شكرنى و قالى مش مهم الفانوس المهم إنى لقيت بنى أدمين فى البلد أخيرا !!

جزاك الله خير....

لو راكن فى مكان غلط عالطريق او راكن فى مكان مش مخصص للركن وانا خبط عربيته همشى واسيبه انما لو عربيه مركونة تحت عمارة وخبطها اكيد اكصدام فى اكصدام بتبقا حاجات بسيطه ومش باينه ودى محدش بيتكلم عليها انما لو خبطت خبطه جامده اكيد هشوف صاحب العربيه ولو ملقيتهوش هكتبلو ورقة برقمى واحطها تحت المساحه وربنا مايكتبها علينا ابدا الواحد بس يلاحق على طلبات عرببته الاول

كلام مضبوط جدا..
ويارب ما يكتبها على حضرتك..وجزاك الله خير

بحاول ادور على صاحبها

لو ملقتوش هسيبلو الكارت بتاعي و على ظهره اعتذار و اطلب منو يتصل بيا

هدور ع صاحبها و لو عايزني اصلحها مفيش مشاكل
ملقتوش هسيبله ورقة و رقم التليفون
من اتلف شئ فعليه اصلاحه و في نفس الوقت هتخيل لو انا مكانه و نزلت لقيت عربيتي فيها حاجة ساعتها هيكون موقفي ايه فبحط نفسي مكان اللي قدامي و مع ذلك دايما انزل الاقي العربية مخبوطة او حد كحتها :)
لكن الحمد لله لحد دلوقتي محصلش اني خبطت عربية حد او كحتها
و ربنا يستر طريق الجميع

ربنا يبارك فى حضراتكم ويكتر من امثالكم
ونورتوا الموضووووووووووع..

[Dewo]

حصلت معايا مره كنت ماشى واحد كسر عليا اديتها سنه يمين . كان جنبى عربيه مرسيدس جديده مرايتها وقعت على الأرض.

ركنت عربيتى ونزلت دورت على صاحب العربية . طبعا كنت عمال أفكر هيكون إحساس الراجل ايه لما اقوله انا كسرت مراية عربيتك

الحمد لله الراجل لما شافها قالى ولا يهمك هيه كانت مكسوره اصلا وانا لاحمها.

مش محتاج أقول الراجل كان سعيد اد ايه لما لاقانى بناديه واقوله انا مستعد اتحمل أى حاجه حضرتك عايزها


احنا بطبيعتنى شعب بيقدر جدا وكل مناه انه يلاقى معامله محترمه وان الناس بتتحمل مشكلة أخطاءها


كتير تصادمات بتتحل بمجرد اعت1ار الطرف المخطئ

كن دايما الى بيجب المشاكل لما تلاقى الأتنين نازلين من العربيات شتيمه فى بعض عشان كل واحد يهرب من المسؤليه

تحياتى

[abogogo]

كنت راكب العربية وراحت عربية نقل كسرت عليا روحت حادف يمين خلعت اكصدام عربية 127 من الجنب الشمال جيت اقف لقيت واحد بيقلي خلاص أمشي مافيش مشاكل حصل خير ... وانا ماشي سمعت الراجل ده بيقول لواحد أحسن عشان هو أبن ستين في سبعين وأبن #$%^@& المهم أستنتجت أن مش هو ده صاحبها لأ وكمان بيكره صاحبها المهم للأسف مشيت ..!!! في نفس اليوم راكن العربية تحت البيت متغطيه ونازل تاني يوم لقيت الاكصدام بتاعي حد أبن حلال حك العربية وخلعه ... حسيت بأحساس وحش قلت أكيد صاحب العربية 127 دعى عليا بس فعلا لقتها بتزعل ان تنزل تلاقي العربية مخبوطة او محكوكه ومتعرفش مين اللى عمل كدة

[dr.hazem]

انا ركنت عربيتي جوه القصر العيني ورجعت لقيت زفرف متطبق وبسببه الاكصدام ريح جامد عالسربنتينه خرمها والفريون كله طار
واحساسي بشع طبعا
لانه عورني وعطلني للأسف ومفيش احترام حتى
ده حتى المفروض ان اللي خبطها دكتور يعني المفروض يكون في ضمير لكن انسى معدش في ضمير للاسف
تحياتي

Sent from my LT18i using Forum Runner

[m_adeleid]

افضل مستني صاحب السياره ولما ييجي
اصدمه هوا كمان
ونبقي خلصنا من عربيه بصاحبها في وقت واحد وادور علي اللي بعده
هههههههههههههههههه