استشاره قانونيه

[bHa2]

عندنا شقه ايجار قديم
مقفوله بقالها حوالي سبع سنين
بندفع ايجارها و قافلينا عشان قاعدين في شقه تانيه
ع اساس اني اوضبها و اتجوز فيها يعني
دلوقتي في حاجتين
1- هل ينفع اعيش انا فيها وهي بإسم والدي
2- كنت بقترح ع الحاج اننا نخلص منها وناخد مبلغ مقابل اننا سيبناها
هل دا ممكن ولا لا
علماً بأن اصحاب البيت مش كويسين يعني ف الموضوع مش هيكون بشكل ودي
فهل دا قانوني ولا لا

[rompo10]

حاول تاخد مبلغ لان قانون الايجارات علي وشك التغير (بس انت من حقك تعيش فيها مفيش اي مشكله

[mohamed_selim]

باسم والدك يبقى من حقك تعيش فيها بس اولادك مينفعش
لو غيرت العقد باسمك هتدفع للمالك
و لو حبيت تخرج يبقى بالتراضى مع المالك عشان العند ممكن يخليه يقولك مش عايزها امشى انا مش فارقه معايا ... الا لو الشقه مميزه و زبونها موجود و هيدفع

[bHa2]

حاول تاخد مبلغ لان قانون الايجارات علي وشك التغير (بس انت من حقك تعيش فيها مفيش اي مشكله

منا عاوز مخرج قانوني للموضوع دا

باسم والدك يبقى من حقك تعيش فيها بس اولادك مينفعش
لو غيرت العقد باسمك هتدفع للمالك
و لو حبيت تخرج يبقى بالتراضى مع المالك عشان العند ممكن يخليه يقولك مش عايزها امشى انا مش فارقه معايا ... الا لو الشقه مميزه و زبونها موجود و هيدفع

للاسف صعب تكون بالتراضي
هما بيكرهوا الخير ل نفسهم حتي
هيقولوا لو عاوز تمشي امشي
الشقه عاديه مش مميزه
ف منطقه شعبيه شويه بس ميزتها انها بينها و بين الشارع الرئيسي حوالي 15 متر

[samyyousef]

بعيدا عن القانون انت تحتاج فتوى شرعية في مسألة انك تاخد منه فلوس علشان تسيبها

[mohamed_selim]

مفيش اى حاجه قانونيه تنفعك فى الوضع ده ... يبقى تعيش فيها بس تعمل حسابك ان مفيش حد من ولادك هينفع يكمل فيها الا لو القانون اتغير لصالحك (و ده مستبعد) او انك فى الفتره دى تكون اتفاهمت مع الملاك و تغير العقد باسمك

[bHa2]

بعيدا عن القانون انت تحتاج فتوى شرعية في مسألة انك تاخد منه فلوس علشان تسيبها

دا اسمه خلو يا فندم ع ما اعتقد

مفيش اى حاجه قانونيه تنفعك فى الوضع ده ... يبقى تعيش فيها بس تعمل حسابك ان مفيش حد من ولادك هينفع يكمل فيها الا لو القانون اتغير لصالحك (و ده مستبعد) او انك فى الفتره دى تكون اتفاهمت مع الملاك و تغير العقد باسمك

تمام جزاك الله خير :)