إعـــــــلان

Collapse

.

,
See more
See less

قوليلي يا د. ضحي ان الدم كان صلصة والفيلم هايخلص والميتين هايصحو

Collapse
X
 
  • Filter
  • الوقت
  • Show
Clear All
new posts

  • قوليلي يا د. ضحي ان الدم كان صلصة والفيلم هايخلص والميتين هايصحو


    قوليلي ان الدم اللي شوفته ده كان عصير طماطم
    وان الجثث والاجزاء دي كانت لحمة راس من عند بحة بتاع الناصرية مش اجزاء بني ادمين
    وان القصر العيني اللي مكانش فيه مكان لرجل كان كابوس ووهم
    وان العملية في بطن مصاب في موقعة الجمل وكانت بتتعمل في طرقة قصر العيني عشان مفيش اوض عمليات دي كانت اوهام رغم اني صورت بموبايلي
    قوليلي اني كنت مدمن بانجو عشان عشت الوهم ده
    حتي البالطو بتاعك الاحمر اللي الدم كان عليه اشكال والوان قوليلي انه كان شميز احمر وانا اللي كنت عايش التهيؤات
    وان المشرحة المليانة جثث ومش لاقيين يودو الجثث فين كانت مجرد ماكيتات
    ده انا قعدت ايام مابشوفش النوم واقوم مفزوع من كمية الدم والضرب
    وانتو بكل بساطة تقولو برائة ليهم كلهم يا قضاة مصر

    كان وهم يا د. ضحي صح؟
    كان بيتهيالي

    حسبنا الله ونعم الوكيل

    ----------------------------------------------------

    الكلام ده انا كتبته من شوية على وول دكتور ضحي زميلتنا
    مش عارف ليه كتبته على الوول بتاعها
    بس اكيد عشان الايام السودا اللي عشتها في التحرير وفي قصر العيني كانت هي طرف فيها
    يمكن هي واخدة على منظر الدم
    انا فرق معايا الدم
    كل نقطة دم سالت من شهيد ولا مصاب ولا واحد عاش عمره بعاهه
    انا مش مسامح كل واحد مسح دليل ادانة
    يا قاضي مصر
    يا عظيم
    يا كبير
    يا اللي المهنة تكليف مش تشريف
    هاتقول ايه لربنا على دم الشهدا
    لو اتغصب عليك ليه ما سيبتش القضية بدل ما تحكم وانت عارف انها ممسوح ادلتها
    قلبي معصور على كل قتيل وجريح شوفته في ايام التحرير

    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  • #2
    مات من لا يستحق الموت ليحيى من لايستحق الحياة
    DarkMagician

    Comment


    • #3
      هونا تقريبا كنت نسيت لحد مسمعت خبر البراءه افتكرت كل لحظة تاني
      طب انسي ازاي..؟؟ مخي فيه كلاب بتجري ورا بعض..مش قادرة انسي الساعة الي كانت اشبه بالهدوء الي بيسبق العاصفة..لما انهالت الجثث علي طوارئ القصر العيني..بصراحة يومها خفت اكون ف التحرير لاني م الصبح كنت شايفة ناس غريبة ولا الزبالين جيين من كل مكان رفعين صورة مبارك وريحين التحرير...مش هنسي اللي ماتو بطعنات نافذة لما كنا بنعملهم انعاش للقلب كانو بيبقو ولا نافورة دم من اماكن الطعنات..مش هنسي اكوام الشباب االي مخهم طالع برة دماغهم واهلهم واقفين مش فاهمين في ايه؟؟ والظابط واقف عمال يكتب تقارير الوفاة سقوط من اعلي لسبب غير معلوم..طب انسي ان كان كل الي بيجي ف الاسعاف اموات؟؟ مهم اللي فيهم الروح كانو بيهربو م الاسعاف عشان بيطلعو بيهم علي امن الدولة..طب انسي شوية العيال الصيغ الي سمعاهم بيتكلمو عن ال 200 جنيه؟؟ وواحد قبل مايموت شاور عليهم وقالنا انهم كانو مسكين مطاوي ومدورين ضرب ف الشباب ف التحرير...كان سكون رهيب وريحة الدم ولونه مغطيين المكان...مش عارفة انا قلبي اسود كدا ليه ومحبكاها ومش قادرة أنسي
      [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
      لن نطيَل آلمكوُث فيهآ . . !
      فلمآذآ آلكدَر ؟!
      وهُنآك ربّ آلبشر
      إن عصينآ ستر وإن تبنآ غفر
      إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
      ابتسم وعيش احلى حياه[/COLOR][/CENTER]

      Comment


      • #4
        الازمات تتوالى والتضييق على الشعب مستمر
        فكأنك يا ابو زيد ما غزيت

        Comment


        • #5
          مهود محدش يقدر ينسي
          المناظر دي ما تتنسيش
          والعقل عايش على انه يشوف يوم تترد فيه المظالم
          لكن برائة
          ايه البجاحة دي
          برائة ايه
          بجد انت كنت واعي وانت بتدي برائة
          كنت واعي وانت بتكتبها وتنطقها
          حسبي الله ونعم الوكيل

          جروب ورشة نايل موتورز علي الفيس بوك


          صفحة ورشة نايل موتورز على الفيس بوك

          Comment


          • #6
            فوتوشوب واساسا مكنش فى ثورة والبركه فى القضاء الشامخ على نفسه واحب افكركو ان اما يطلع حكم براءة مش على الكيف النائم العام بيستائنفه زى حكم العبارة
            مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

            Comment


            • #7
              [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

              Comment


              • #8
                من حوالي شهر كان في قاضي بيحكم في واحدة من قضايا قتل المتظاهرين وحكم بالبراءة

                وعرفت بعد كده ان ابنه كان احد شهداء الثورة اللي ماتو بسبب الناس اللي كان بيحاكمهم
                ما اعتقدش ان في قاضي هيقبل اي ضغط مقابل دم ابنه

                ساعتها عرفت وتأكدت 100% ان كل قضايا قتل المتظارين فشنك وكله هيطلع براءة
                وحسني مبارك هيطلع براءة وبكرة افكركم وكل اللي معاه في قضية قتل المتظاهرين طلعوا براءة وهو خد حكم لتهدئة الرأي العام فقط واي محام مبتدأ يقدر يخرجه براءة واسالو المحاميين هم يأكدو الكلام ده


                كان لازم محاكمات ثورية واحكام رادعة فورية
                مش محاكمات بقانون ساكسونيا
                حسبي الله ونعم الوكيل

                Comment


                • #9
                  مش عارف الواحد ممكن يعمل ايه تانى
                  بس انتم ليه نسيتوا براءة كل ظباط 28 يناير
                  بس هناك القاضى العدل الذى لا يغفل ولا ينام
                  [CENTER][SIGPIC][/SIGPIC][gdwl][gdwl][SIZE=4][COLOR=RoyalBlue][B][FONT=Arabic Transparent]( ربنا [FONT=Arabic Transparent]افتح بيننا[/FONT] وبين قومنا بالحق وانت خير الفاتحين )[/FONT][/B][/COLOR][/SIZE][/gdwl][/gdwl][/CENTER]

                  Comment


                  • #10
                    عقلي و لساني عاجزين عن التعليق علي الخبر ده
                    لكن كالعاده
                    بكره برضه ننسي
                    Sharief Mansy شريف منسي
                    شكرا نايل موتورز
                    [SIGPIC][/SIGPIC]
                    Farewell my Cayenne, you were the best car i ever had and driven

                    Comment


                    • #11
                      حسبى الله ونعم الوكيل
                      حسبى الله ونعم الوكيل
                      حسبى الله ونعم الوكيل
                      [CENTER][SIZE=3][B]"حينما تري المجرم يحاكم لا تنظر اليه و تشفق عليه بل انظر الى جريمته"[/B]
                      [/SIZE] [/CENTER]
                      [CENTER][SIZE=3][B]الشيخ الشعراوي[/B][/SIZE][/CENTER]

                      Comment


                      • #12
                        المشاركة الأصلية كتبت بواسطة أبو صلاح مشاهدة المشاركة
                        من حوالي شهر كان في قاضي بيحكم في واحدة من قضايا قتل المتظاهرين وحكم بالبراءة

                        وعرفت بعد كده ان ابنه كان احد شهداء الثورة اللي ماتو بسبب الناس اللي كان بيحاكمهم
                        ما اعتقدش ان في قاضي هيقبل اي ضغط مقابل دم ابنه

                        ساعتها عرفت وتأكدت 100% ان كل قضايا قتل المتظارين فشنك وكله هيطلع براءة
                        وحسني مبارك هيطلع براءة وبكرة افكركم وكل اللي معاه في قضية قتل المتظاهرين طلعوا براءة وهو خد حكم لتهدئة الرأي العام فقط واي محام مبتدأ يقدر يخرجه براءة واسالو المحاميين هم يأكدو الكلام ده


                        كان لازم محاكمات ثورية واحكام رادعة فورية
                        مش محاكمات بقانون ساكسونيا
                        حسبي الله ونعم الوكيل
                        سيدي الفاضل هناك عبارة في مداخلتك و اقتبسها [ ما اعتقدش ان في قاضي هيقبل اي ضغط مقابل دم ابنه]
                        هذا القول صحيح و أزيد عليه من الذي سيضغط؟؟؟؟؟
                        هل قوة ضغط من هلك عنهم سلطانهم و الموجودين بالسجون أقوى أم غضب الجماهير الكاسحة التي اطاحت بمبارك؟؟؟؟؟؟؟؟
                        إذن لو هناك ضغط على القاضي فهو ضغط للإدانة
                        أما و أنه عام ضد التيار فهذا يدل على المهنية حتى و ان لم ترضي جموع الشعب
                        المهنية!!!!! أمال مين اللي قتل المتظاهرين؟؟؟؟؟ كائنات فضائية؟؟؟؟؟
                        لا يا سيدي هناك شهداء ...لكن ليس بهذه البساطة يحكم القضاة...القاضي يلزمه دليل وفق المعايير القضائية في قبول الدليل
                        و أين ذهب الدليل ......أين النائب العام؟؟؟؟؟؟
                        و هل أعطت الجهات الأمنية و المخابرتية و من كانوا يقبضون قبضتهم على الميدان الأدلة للنائب العام ؟؟؟ الم تمحى الشرائط....؟؟ هل تعلمون شهادتهم في المحكمة ؟؟؟؟

                        Comment


                        • #13
                          المجنون عمرو مصطفى :
                          "انا كنت صح يا مصريين شتمتوني واستهزاتم بكلامي وجاء يوم الرد عليكم بهذا الحكم".

                          واضاف مصطفي عبر صفحته الرسميه علي موقع "فيس بوك": "عندما يتحكم الجهل في النخبه لا امل في الاصلاح تحيه لكل خروف صدق ان في اصلا حاجه اسمها موقعه الجمل".

                          المصدر :
                          عمرو مصطفى: أنا كنت صح يا مصريين

                          Comment


                          • #14
                            - قالو محاكمات عادية وادام محاكم عادية عشان يقدرو يرجعو الفلوس اهو لا فلوس ولا احكام ....

                            - كانت محكمة ثورية تلم كل الاشكال الضالة ده والفلوس تيجي متجيش مش مهم بقي مااحنا عايشين من غيرها اهي ...

                            Comment


                            • #15
                              المشاركة الأصلية كتبت بواسطة karim_monir مشاهدة المشاركة
                              مهود محدش يقدر ينسي
                              المناظر دي ما تتنسيش
                              والعقل عايش على انه يشوف يوم تترد فيه المظالم
                              لكن برائة
                              ايه البجاحة دي
                              برائة ايه
                              بجد انت كنت واعي وانت بتدي برائة
                              كنت واعي وانت بتكتبها وتنطقها
                              حسبي الله ونعم الوكيل
                              في رأيي ان القضيه قدام اي قاض بتكون اوراق فقط مجرده من المشاعر او التوازنات(لو قاض عادل طبعا)
                              و مش حيحكم الا لما يستقر ضميره علي شيء معين مش لمجرد يرضي اطراف وبس
                              ده حكم قدام ربنا عز وجل
                              اعتقد المشكله الاصليه في موضوع براءه المتهمين اللي احنا بنكون شبه مقتنعين انهم جناه ده سببه النيابه وتقصيرها و اتلاف الادله او اخفاءها لكن القاضي في الاخر بتوصله القضيه بايظه اصلا و مينفعش يحكم حكم مرضي للناس
                              ده مجرد رأيي فقط

                              Comment

                              Working...
                              X