رفقاً بالقوارير

[D . a .\ AYMAN]

[quote=Nile_Storm;338326]مع ان كل الحوادث اللي حدثت في حياتي كان سببها واحده ست

يا راجل


مع انى بشوف ان مععظم الحوادث سببها النقل والميكروباصات وربنا يحفظنا جميعاً
بصوا انا هقولكم على موقف لسه حاصل معايا طازة انا كنت سايقة والمفروض فى لفه تقدروا تقولوا هى رخمه شويه لانى هطلع على طريق سريع وقفت عشان ابص على الطريق واتأكد انه فاضى وكمان اتشغلت مع ولادى فى كلام فأتأخرت شويه ومتطلعتش على طول لقيت راجل لف من جنبى وخد اللفه على واسع وهدىء السرعة وبيقولى عدى براحتك يعنى بيوسعلى الطريق هو أفترض انى خايفة أو مش عارفه أعدى فحاول يساعدنى بطريقته
وهو ده يا جماعه اللى بقول عليه ان احنا ندى الامان لبعض فى الطريق
وطبعا ده بيدل ان الراجل ده محترم ومتفهم ناهيك عن انه ضابط جيش وانا عن نفسى بأحترمهم زياده شويه
ايه رأيكوا بقا

[AhmedElsayed]

وكمان اتشغلت مع ولادى فى كلام فأتأخرت شويه ومتطلعتش على طول
هى دى النقطة الوحيدة اللى بتتعبنى فى سواقة السيدات واولهم المدام
انهن ممكن يعملوا اى حاجة وهما بيسوقوا
ممكن تكون بتكلم ابنى او توطى تجبله حاجة وقعت منه فى الارض
بتمشى بالراحة جدا ومترضاش تفضى الشمال
المرايات دى صعبة تبص فيها

بس عامة بحاول اراعى ربنا فى اى واحدة ماشية وحتى لو عملت فيا حاجة غريبة بطنش خالص
ونفسي كل الناس تعامل الستات اللى بيسوقوا على انهم اختهم مراتهم بنتهم
لان زى مبتعمل فيهم حيتعمل فى مراتك وبنتك واختك بالظبط

[D . a .\ AYMAN]

الصراحة الصراحة يعنى، ومع محاولتى الدائمة لعدم التمييز المبنى على اساس الجنس او الدين او اللون، لكن انا بشر، واتقلبت بعربية قبل كدة بسبب رعونة-او غشومية واحدة ست

وعلى ذلك، ومع كل احترامى لكل اخواتنا الفتيات والسيدات اللى بيسوقوا وتقديرى لهم، انا لما بلاقى واحدة ست سايقة على كوبرى اكتوبر ، بسيبه واخد نفق الأزهر، مع الحرص التام انى لما اسيب لها الكوبرى اسيبه بدون ادنى صوت علشان ماخضهاش، بس عموما علشان ميتقالش عليا انى متحيز فانا بتبع نفس القاعدة مع الميكروباصات وبوكسات الشرطة ولادات وجيبات الجيش، ولما بكون راكب العربية الريجاتا بغلس على الميكروباصات وعربيات الشرطة والجيش لكن تبقى قاعدة التنحى الصامت والإخلاء الهادئ متبعة مع السيدات ايا كانت العربية اللى انا راكبها

واضح انك مريت بتجربه قاسية وألف سلامة عليك بس الحادثة ديه كان ممكن تكون بسبب راجل ساعتها بقى كنت هتسيب الشوارع كلها مش نفق الأزهر بس:)

خليك منطقى واحسنلك تفاعل معاهم لحسن الستات مليين الشارع وأنت حر بقا

[D . a .\ AYMAN]

[quote=AhmedElsayed;338437]وكمان اتشغلت مع ولادى فى كلام فأتأخرت شويه ومتطلعتش على طول
هى دى النقطة الوحيدة اللى بتتعبنى فى سواقة السيدات واولهم المدام
انهن ممكن يعملوا اى حاجة وهما بيسوقوا
ممكن تكون بتكلم ابنى او توطى تجبله حاجة وقعت منه فى الارض
بتمشى بالراحة جدا ومترضاش تفضى الشمال
المرايات دى صعبة تبص فيها

خد بالك انى كنت متأكده ان مش معطله حد وعارفه ان اللفه اللى واقفة فيها واسعة
جدأ وبعدين أقف أرد عليهم أحسن ولا أمشى وأنا مركزه فى كذا حاجة؟إإإ

[hazem_khidr]

موضوع رائع و مكتوب بشكل ممتاز اشكرك عليه :)
هو حضرتك المشكله ان فيه بنات ما بيعرفوش يسوقوا و فاكرين نفسهم انهم خلاص بقي معاهم عربيه و مفتاحها في اديهم بقت العمليه سهله ايه يعني انزل في الشارع و الناس تستحملني
لا طبعا و انا استحملها ليه ؟؟
لا استحملها ولا استحمل اي راجل يعمل زيها و يركب دماغه.
انما في بنات و ستات بتسوق ما شاء الله عليهم
و عموما انا مش باخد حذري من عربيه بناء علي اللي راكب فيها سواء راجل او ست
انما علي اساس طريقه المشي و يا تري موزون ولا لاء
و بعدها ابدأ اتعامل معاه :)

[ramyso4]

[tmz9111]

كتير من الستات سواقتهم مش ممكنة

[D . a .\ AYMAN]

شكرأ يا ريس
رفعت معنوياتى

[Islam_galal]

الحمد لله الستات في مصر مبيعرفوش يتصاحبول بالاعداد دي :)

[hesham_tawfiq]

ه .. الست لما بتتعلم .. بتتعلم السواقه الدوليه .. و بتحاول علي قد ما تقدر تلتزم بالاصول الانترناشيونال .. في حين ان باقي السواقين علي الاسفلت محدش يعرفها اساساُ .. و دي هنا بقي اللي بتجيب المشكله ...

تحياتي ..

اسمحلى اختلف مع حضرتك تماما
الستات فى مصر يااما مجانين جدا لدرجه مش محسوبه يااما حريصين بدرجه ممكن تخنق اللى ماشى وراهم
انا اول امبارح كنت راكن وجيت اخرج من ركنتى واديت الاشاره الشمال وابعد عربيه ورايا على الاقل بميتين متر فخرجت لقيت اللى ورايا اصيب بحاله جنون غريبه وكانو مبيعرفش يهدى وهو سايق وهوب راح رازع النور العالى فعينى اول ماقرب منى وبرضه مش عاوز يهدى لدرجة انى افتكرت انو معهوش فرامل ولما هدينا جنب بعض عند اول مطب صناعى لقيها واحده ست.
تانى موقف النهارده الصبح العكس تماما واحده موسطنه عربيتها الدوجان بالظبط فنص الشارع اللى هو حارتين بس وكانها ماشيه على الخط الابيض اللى فالنص وماشيه ايه وزه بتتمختر اقللب نور عشان اعدى من الشمال مفيش ازمر مفيش لحد ماكنت حطق من الغيظ خصوصا انى كنت متاخر عن معاد شغلى

[D . a .\ AYMAN]

[quote=vw_driver;338243]كلام مظبوط... الستات بيسوقوا زي الكتاب ما بيقول... احنا اللي مبنستحملش سواقتهم عشان السواقة زي ما الكتاب بيقول متنفعش في البلد ديه...
بس لو راحوا في أي دولة متقدمة هما اللي هيسلكوا و احنا اللي هنلبس مخالفات بالعبييييييييط :)

كلام صح لأنى أنا ببقى عايزه أسوق مظبوط

[D . a .\ AYMAN]

بس على فكرة مراتي ماكانتش مشاركة في الإجتماع ده خالص هية كان عنها اجتماع في حتة تانية خالص

[D . a .\ AYMAN]

موضوع رائع و مكتوب بشكل ممتاز اشكرك عليه :)
هو حضرتك المشكله ان فيه بنات ما بيعرفوش يسوقوا و فاكرين نفسهم انهم خلاص بقي معاهم عربيه و مفتاحها في اديهم بقت العمليه سهله ايه يعني انزل في الشارع و الناس تستحملني
لا طبعا و انا استحملها ليه ؟؟
لا استحملها ولا استحمل اي راجل يعمل زيها و يركب دماغه.
انما في بنات و ستات بتسوق ما شاء الله عليهم
و عموما انا مش باخد حذري من عربيه بناء علي اللي راكب فيها سواء راجل او ست
انما علي اساس طريقه المشي و يا تري موزون ولا لاء
و بعدها ابدأ اتعامل معاه :)

شكرأ على ذوقك

ولازم نراعى فرق الاعصاب بين الرجل والمرأه ودية أنا بعترفلكم بيها ان أعصاب الستات ضايعه شويه عشان كده لازم تراعوا الفرق ده

[D . a .\ AYMAN]

بصوا ياجماعة دي نتيجة اللى بيتريق على الستات

حملوا الفيديو ده علشان تعرفوا

[Xpert]

لاء احنا كده بقي هانتوه مين اللي بيكلمنا .. ما تعملوا اكاونت تاني مثلأُ واحد يبقي اسمه ms.Nysma مثلاُ علشان نبقي عارفين مين ههههههههه