مع ولا ضد قرار الحكومة المصرية بغلق المحلات التجارية بعد العاشرة مساء

[amr5500]

طيب يقفل حاجه تانيه غير المحلات الفساد للركب

الفساد اللي اتكون في عشرات السنين استحاله حد يقدر ينهيه في شهرين
عايز وقت واصرار وقبل اي حاجه توفيق من الله سبحانه وتعالي
وعموما دي خطوة علي الطريق الصحيح

[amr5500]

لما المحلات تقفل الساعة 10 الحركة فى الشارع هتبقى هادية من بدرى وبالتالى الحرمية هتنتشر

الحراميه دلوقتي بتسرق في عز الظهر
ومفروض دوريات الشرطه تشوف شغلها
واعتقد لما يكون الجو هادي وما فيش تكدس في المرور بالليل ده حيساعد الشرطه انها تشوف عملها افضل

[dede_dodo88]

طب و بالنسبة للناس اللي بتخلص شغلها متأخر و بتتحشر كام ساعة في الطريق عشان توصل بيتها, وللا الناس اللي بتشتغل أكتر من شغلانة عشان تكفي قوتها .. هل دول هيعملولهم خدمة المحلات دليفري للبيت وللا ايه ؟!
حتى القوانين بقيت مجرد عايزين نقلد عمياني و خلاص من غير ما نشوف طبيعة الحياة في مجتمعنا عاملة أزاي و هل النظام ده ينفع يتطبق علينا وللا لأ..
ماشي القرار ده حلو و ياريته ينفع يتطبق هنا زي أوروبا.. بس هل أحنا هنا الواحد بيبدأ يومه الساعة 6 الصبح؟! و هل تقدر تشتغل شغلانة واحدة بس تعيش منها ؟! و هل فعلاً بعد ما تخلص الـ8 ساعات بتوعك تقدر تروح ؟! وهل بعد ما تخلص شغل تقدر توصل لبيتك أو لأي حتة أنت عايزها في زمن معقول ؟!.... أشــك!!..
وفروا الأول البيئة اللي ينفع يتطبق فيها القرار بعد كده ألفوا زي ما أنتوا عايزين!!..

[Land_Cruiser]

مع الفكره لانها تؤدى إلى ترشيد الاستهلاك و ايه الداعى ان المستهلك المصرى ينزل يشترى فى نص الليل ملابس و لا اكل ؟ ممكن يبقى فى استثناء لبعض الصيدليات أنها تعمل ٢٤. ساعه و طبعا المستشفيات أما غير ذلك يقفل عادى و فى الدول المتقدمة المحلات بتقفل الساعه ٦ او اخرهم الساعه ٨ و الناس بتتسوق و بتقسم وقتها صح بدل ما كل حاجه سايحه على بعضها عندنا كده

[ابو لؤى]

الحراميه دلوقتي بتسرق في عز الظهر
ومفروض دوريات الشرطه تشوف شغلها
واعتقد لما يكون الجو هادي وما فيش تكدس في المرور بالليل ده حيساعد الشرطه انها تشوف عملها افضل

الشرطه لو عاوزه تشتغل عتشتغل فى عز الزحمه انما هما تعبو بعد الثوره فابيريحو شويه

[amr5500]

مع الفكره لانها تؤدى إلى ترشيد الاستهلاك و ايه الداعى ان المستهلك المصرى ينزل يشترى فى نص الليل ملابس و لا اكل ؟ ممكن يبقى فى استثناء لبعض الصيدليات أنها تعمل ٢٤. ساعه و طبعا المستشفيات أما غير ذلك يقفل عادى و فى الدول المتقدمة المحلات بتقفل الساعه ٦ او اخرهم الساعه ٨ و الناس بتتسوق و بتقسم وقتها صح بدل ما كل حاجه سايحه على بعضها عندنا كده

الناس خدت انها تنزل في انصاص الليالي علشان تتسوق
اكيد اسلوب مش سليم
وبعدين لو المحلات قفلت الساعه 10 ويوم الخميس الساعه 12
اعتقد في وقت اكتر من كافي للتسوق

[Amr Axel]

انا مع القرار و أأؤيده بشدة لأن منها هيقل الازدحام بليل و منها توفير الكهربا نلاقي محل كله متر في متر و نص و حاطط اضاءة مول بحاله

و لكن مع تعديل بسيط

ان الصيدليات و محلات الكاوتش تكون 24 ساعة نظرا لأهميتها طبعا بجانب البنزينات احسن حد يقول بتتقفل .
و السوبر ماركت الساعة 12 اما باقي المحلات كبيرها 10 و تكون قافلة و ممكن يوم الخميس و الجمعة فقط يوصل جميع المحلات التجارية للساعة 12 .


اما بخصوص الفتح

-المحلات التجارية متفتحش قبل الساعة 10 صباحا .
- المصالح و الشركات ع الساعة 9 صباحا.
- المدارس زي ما هي 8 صباحا.

لسبب بسيط لو المحل بيفتح 7-8 صباحا و كذلك المصالح و الشركات و المدارس بينزلوا في نفس الوقت و الموظفيين في نفس الوقت كل ده اللي بيعمل تكدس رهيب لما تلاقي مصر كلها نازلة في نفس الوقت.

لكن لما نخلي فرق ساعة او ساعتين بين كل مجموعة هيبقي فيه نظام شوية يعني اللي بيفتح 8 هينزل 7 و يكون واصل 8 و اللي بيفتح 9 هينزل 8 و اللي بيفتح 10 هينزل 9.

و بكده بدل ما كله في نفس الوقت و الدنيا بتتقفل لأ يبقي المجموعة ديه توصل ديه تنزل ديه توصل ديه تنزل.



و كذلك بالنسبة لأخر اليوم للجميع او الغلق يعني

-المدارس كبيرهم الساعة 1-2 ظهرا سواء حكومة او خاص يعني 6-7 ساعات كويس جدااا ويا ريت لو اقل لأن كتر الساعات بيخلي الطالب اخر اليوم دماغه زي البيض الفاسد يعني لو بقت 5-6 ساعات مفيدين هيكون عنده باقي اليوم يمارس انشطته و يذاكر و يبقي دماغه متفتحة مش نص اليوم نايم من تعب المدرسة.
-المصالح و الشركات االساعة 4 عصرا يعني طبقا لقانون العمل 7 ساعات عمل.
-المحلات التجارية ماعدا ( الصيدليات - محلات الكاوتش ) الساعة 10 مساءا و السوبر ماركت 12 صباحا.



و بكده ان شاء الله نحقق الآتي :

-سيولة في المرور و طبعا لو فيه سيولة في المرور يبقي توفير في البنزين و بالتالي الاستهلاك هيقل و الضغط ع التموين من المحطات يقل و بكده ميبقاش فيها أزمة في البنزين و الدعم يبقي اقل لو فيه دعم.

-ولي الأمر اللي بيوصل اولاده المدرسة يقدر يوصلهم و يروح شغله بدون استعجال و الطريق يكون كويس.

- و لما الشخص يوصل شغله مرتاح يقدر يشتغل و هو مرتاح ميبقاش رايح تعبان و قرفان و مش طايق نفسه بسبب الطريق من الاخر كده رايح فريش.

-و طبعا توفير استهلاك الكهربا بليل عند الغلق بدري.


ده جزء من اللي بفكر من زمان فيه و نفسي يطبق هنا في مصر من الأخر اعادة تنظيم الوقت اهم حاجة الرقابة بجد لمتابعة تنفيذ الجميع للقرار

[Magoda]

انا مع القرار و أأؤيده بشدة لأن منها هيقل الازدحام بليل و منها توفير الكهربا نلاقي محل كله متر في متر و نص و حاطط اضاءة مول بحاله

و لكن مع تعديل بسيط

ان الصيدليات و محلات الكاوتش تكون 24 ساعة نظرا لأهميتها طبعا بجانب البنزينات احسن حد يقول بتتقفل .
و السوبر ماركت الساعة 12 اما باقي المحلات كبيرها 10 و تكون قافلة و ممكن يوم الخميس و الجمعة فقط يوصل جميع المحلات التجارية للساعة 12 .


اما بخصوص الفتح

-المحلات التجارية متفتحش قبل الساعة 10 صباحا .
- المصالح و الشركات ع الساعة 9 صباحا.
- المدارس زي ما هي 8 صباحا.

لسبب بسيط لو المحل بيفتح 7-8 صباحا و كذلك المصالح و الشركات و المدارس بينزلوا في نفس الوقت و الموظفيين في نفس الوقت كل ده اللي بيعمل تكدس رهيب لما تلاقي مصر كلها نازلة في نفس الوقت.

لكن لما نخلي فرق ساعة او ساعتين بين كل مجموعة هيبقي فيه نظام شوية يعني اللي بيفتح 8 هينزل 7 و يكون واصل 8 و اللي بيفتح 9 هينزل 8 و اللي بيفتح 10 هينزل 9.

و بكده بدل ما كله في نفس الوقت و الدنيا بتتقفل لأ يبقي المجموعة ديه توصل ديه تنزل ديه توصل ديه تنزل.



و كذلك بالنسبة لأخر اليوم للجميع او الغلق يعني

-المدارس كبيرهم الساعة 1-2 ظهرا سواء حكومة او خاص يعني 6-7 ساعات كويس جدااا ويا ريت لو اقل لأن كتر الساعات بيخلي الطالب اخر اليوم دماغه زي البيض الفاسد يعني لو بقت 5-6 ساعات مفيدين هيكون عنده باقي اليوم يمارس انشطته و يذاكر و يبقي دماغه متفتحة مش نص اليوم نايم من تعب المدرسة.
-المصالح و الشركات االساعة 4 عصرا يعني طبقا لقانون العمل 7 ساعات عمل.
-المحلات التجارية ماعدا ( الصيدليات - محلات الكاوتش ) الساعة 10 مساءا و السوبر ماركت 12 صباحا.



و بكده ان شاء الله نحقق الآتي :

-سيولة في المرور و طبعا لو فيه سيولة في المرور يبقي توفير في البنزين و بالتالي الاستهلاك هيقل و الضغط ع التموين من المحطات يقل و بكده ميبقاش فيها أزمة في البنزين و الدعم يبقي اقل لو فيه دعم.

-ولي الأمر اللي بيوصل اولاده المدرسة يقدر يوصلهم و يروح شغله بدون استعجال و الطريق يكون كويس.

- و لما الشخص يوصل شغله مرتاح يقدر يشتغل و هو مرتاح ميبقاش رايح تعبان و قرفان و مش طايق نفسه بسبب الطريق من الاخر كده رايح فريش.

-و طبعا توفير استهلاك الكهربا بليل عند الغلق بدري.


ده جزء من اللي بفكر من زمان فيه و نفسي يطبق هنا في مصر من الأخر اعادة تنظيم الوقت اهم حاجة الرقابة بجد لمتابعة تنفيذ الجميع للقرار

الله ينور علييييك كلام من الأخر

[Elawany13]

طب سؤال دلوقتى لمه المحلات تقفل بدرى ومنها طبعا القهاوى علما بأنى مش بقعد على قهاوى خاااالص غير فى الظروف الشباب اللى بتبقى على القهوه هتروح فين ياترى هيقفو فى الشارع ولا ايه النظام ؟

ده أنا فرحان من القرار ده علشان القهاوى بالذات
بيحطوا الكراسى على الارصفة وفى الشوارع بالكامل من الجهتين علشان محدش يركن قدامه حتى الزبائن بتوعهم !!!!
عربيات الزبائن الشباب بتقفل بقية الشارع
ده غير التهريج والصوت العالى والإزعاج اللى بيحصل
ده غير الدخان اللى طالع بسبب السجائر والشيشة وماخفى كان اعظم
الله يكون فى عون الناس اللى ساكنه بجوار قهوة

[amr5500]

ده أنا فرحان من القرار ده علشان القهاوى بالذات
بيحطوا الكراسى على الارصفة وفى الشوارع بالكامل من الجهتين علشان محدش يركن قدامه حتى الزبائن بتوعهم !!!!
عربيات الزبائن الشباب بتقفل بقية الشارع
ده غير التهريج والصوت العالى والإزعاج اللى بيحصل
ده غير الدخان اللى طالع بسبب السجائر والشيشة وماخفى كان اعظم
الله يكون فى عون الناس اللى ساكنه بجوار قهوة

ياريت القهاوي دي تتقفل نهائي يكون احسن
انا مش شايف ليها اي لازمه
او علي الاقل يمنعوا الشيشه والتدخين

[mbx4e]

قرار فاشي مصر دخلت عصر الانفتاح من ايام السادات يمكن حد يكون سمع
طب والناس اللي بتخلص شغل 10 و 11 و 12 مساء وشغلهم فوق ال 12 ساعه يشتروه حاجتهم امتى (قولولي نحدد اماكن متقفلش عشان الناس دي تشتري احتيجاتها دول هايبقوا على اي اساس)
بعد كدا ايه يقفلو لكم المحلات بدري وبيتك بيتك وينيموكو بدري وياسلام لو في شوب شاي بلبن عشان اللبن غالي
ايه التخريف دا هم مش عارفين يلموا السوق السودا اللي شغاله في السلع الغذائيه والتموينه والبنزين والسولار و الاستيراد الفاشل والتهريب الناجح
وجايين عالاناس اللي بتاكل عيش قال كدا بيوفروا كهربا وبنزين
(وحجتهم القهوة والنايت ) طب مايقفلوا الفنادق ال 5 و ال 7 ستارز من المسخره والدعاره اولى

[shaddadfalcon1]

طب و بالنسبة للناس اللي بتخلص شغلها متأخر و بتتحشر كام ساعة في الطريق عشان توصل بيتها, وللا الناس اللي بتشتغل أكتر من شغلانة عشان تكفي قوتها .. هل دول هيعملولهم خدمة المحلات دليفري للبيت وللا ايه ؟!
حتى القوانين بقيت مجرد عايزين نقلد عمياني و خلاص من غير ما نشوف طبيعة الحياة في مجتمعنا عاملة أزاي و هل النظام ده ينفع يتطبق علينا وللا لأ..
ماشي القرار ده حلو و ياريته ينفع يتطبق هنا زي أوروبا.. بس هل أحنا هنا الواحد بيبدأ يومه الساعة 6 الصبح؟! و هل تقدر تشتغل شغلانة واحدة بس تعيش منها ؟! و هل فعلاً بعد ما تخلص الـ8 ساعات بتوعك تقدر تروح ؟! وهل بعد ما تخلص شغل تقدر توصل لبيتك أو لأي حتة أنت عايزها في زمن معقول ؟!.... أشــك!!..
وفروا الأول البيئة اللي ينفع يتطبق فيها القرار بعد كده ألفوا زي ما أنتوا عايزين!!..

لو بيشتغل بالليل يبقي يقدر يشتري اللي هو عايزه بالنهار
اما لو قصدك انه بيشتغل من الصبح ومش بيخلص غير بالليل فده الله يكون في عونه لانه كده كده هيبقي هلكان بعد الشغل ومش شايف قدامه واحسن حل ليه انه يقضي حاجته في الأجازه

[ابو لؤى]

ياريت القهاوي دي تتقفل نهائي يكون احسن
انا مش شايف ليها اي لازمه
او علي الاقل يمنعوا الشيشه والتدخين

طب ما الشباب دى هتقعد فى الشارع وتهريج وصوت عالى وانت فاهم بقى طبعا قعده شباب فى منطقه شعبيه

[amr5500]

طب ما الشباب دى هتقعد فى الشارع وتهريج وصوت عالى وانت فاهم بقى طبعا قعده شباب فى منطقه شعبيه

ممكن يقعدوا للساعه 10 وبعدين يروحوا يناموا ويصحو بدري يشوفوا اكل عيشهم

[Osama_I]

انا مع القرار و أأؤيده بشدة لأن منها هيقل الازدحام بليل و منها توفير الكهربا نلاقي محل كله متر في متر و نص و حاطط اضاءة مول بحاله

-و طبعا توفير استهلاك الكهربا بليل عند الغلق بدري.

السلام عليكم ورحمة الله وبركاته
هو مش فى عداد يعنى فلوس
الغلق بدرى = فترة واحده يعنى نص العمالة
السؤال
ليه توفير استلاك الكهرباء؟؟؟؟؟
بما ان فى استهلاك + عداد + فلوس
إذاً أذود محطات.





على فكرة عندنا فى دهب محطة كهرباء للأردن....ها ها ها هــــــــــــا
يعنى فى فائض