قلم معالج الخدوش٠٠٠٠

[Olala]

السلام عليكم
انا عندى فى عربيتى خدوش بسيطه
وعشان عربيتى لونها اسود فقولت اشيل الخدوش دى
وجبت القلم اللى بيعالج الخدوش
الله يسامحهم باه
مش عاوزة اقولكم بعد ماحطيته حسيت ان العربيه الدهان سايح كده واللون زى ما يكون ((بهت))
طبعا بحمد ربنا ان الموضوع ده حصل فى حته صغيره
فعاوزة اعرف هو فى انواع من القلم ده
لان فى ناس قالولى القلم ده كويس
واللى ناوى يجيبه بلاااااااااااش احسن

[Khaled Seif]

جزاكم الله خيرا على النصيحة

[m_adeleid]

مش كنتي سألتي قبل ما تجيبيه
يلا الحمد لله
طبعا كله نصب ولو في اي نوع كويس من القلم ده فهو طبعا مش في البلد دي

[Olala]

مش كنتي سألتي قبل ما تجيبيه
يلا الحمد لله
طبعا كله نصب ولو في اي نوع كويس من القلم ده فهو طبعا مش في البلد دي

انا سالت وقالوا القلم كويس
بس مش عارفه هو نوع القلم ده اللى وحش ولا ايه
اللى بيجيى اعلانه فى التلفزيون
حاجه بصراحه تدايق جداجدا

[A7MED_PHARMA]

ياراجل وهو فيه حد بيصدق التليفزيون
كل ده تسويق لمنتجات فاااااااااااااااشللللللللللللللللللة

[tarekmomo]

فينك يا فارما فينك مختفى لية

[yalahwy2010]

أنا جبته برضه للأسف
هو لما بيتحط على الخدش بيروح فعلا.....بس كاتبين فى طريقة عمله انه يفضل تحت أشعة الشمس المباشرة 48 ساعة.....طبعا دا غير منطقى تماما......يعنى أحط العربية تحت أشعة الشمس إزاى 48 ساعة...؟؟؟؟!!!!
حاولت أكتر من مرة أنى أسيبه مدة كبيرة.....بس للأسف مع أول غسلة للعربية ..الخدش بيرجع تانى

[bakkarahmed]

انا كنت سمعت في المنتدي هنا عن مركز في مدينه نصر بيشيل فعلا الخدوش بمواد كويسه وبيدي عليها ضمان كمان.. هو غالي شويه ...ياريت لو حد يعرف تفاصيل اكتر يفيدنا

[bmya]

فعلا في مركز مش فاكر اسمه ايه كده هو في شارع متفرع من مكرم عبيد وانت رايح على مصطفى النحاس اللي هو على اوله معرض فريش كبير من ناحيه والناحيه التانيه على اوله بنك كريدي اجريكول هتدخل الشارع دهوتفضل ماشي هتلاقيه على يمينك وبشوف عنده عربيات كلها جامده اوي بس مش عارف تكلفته كام

[Elawany13]

انا عارف القلم ده
وقريت كتير عن تجارب الأعضاء معاه وعرفت ان ملهوش اى لازمة
ومرة لاقيت واحد اعرفه اشتراه من التليفزيون بحوالى 100 جنيه
وجربه على عربيته وكان شكله زى الزفت
وخلاص عمرى ما فكرت انى اشتريه او اجربه
وبتعامل بقى بالبولش والكومباوند والشمع وخلاص

من كام يوم لاقيت المدام اشتريته من مندوب مبيعات عدى عليهم فى الشغل
وجايباهولى على اساس انها جابت اختراع سحرى هنبهر بيه
لإنها عارفه ان بتضايق جدا من الخدوش مهما كانت صغيره

كنت عاوز اشد فى شعرى واخلعه من مكانه وابقى اصلع من الغيظ

[ibn_seena]

فعلا في مركز مش فاكر اسمه ايه كده هو في شارع متفرع من مكرم عبيد وانت رايح على مصطفى النحاس اللي هو على اوله معرض فريش كبير من ناحيه والناحيه التانيه على اوله بنك كريدي اجريكول هتدخل الشارع دهوتفضل ماشي هتلاقيه على يمينك وبشوف عنده عربيات كلها جامده اوي بس مش عارف تكلفته كام

يا ريت يا باشا تجيب اسم المركز
وهمشي في الشارع اد ايه ؟؟
معلش هتعبك معايا
بس واحد الله ينتقم منه بتاع تاكس كان بيركب ناس وانا ماشي جمبه وفجاه دخل في الباب اللي ورا بتاع عربيتي زي ما يكون بينتقم من علشان في نظره اني كسرت عليه
ونازل يقلي انت اللي غلطان وما تعطلنيش
كنت هموت هموت هموت يومها. لاني متغاظ من الحمار افندي
وفي نفس الوقت عندي امتحان مهم جدا ما ينفعش اتاخر نهائي. اخدت الرخصه من امين الشرطة وانا عمال اشتم وازعق واحسبن عليه. ... وكان نفسي بجد. اضيع علي حيوان زي ده يومه حتي لو ما كنتش هاخد منه حاجه. بس كان لازم يتربى ويعرف مين اللي غلطان. ..
يللا الحمد لله

[dede_dodo88]

فعلا في مركز مش فاكر اسمه ايه كده هو في شارع متفرع من مكرم عبيد وانت رايح على مصطفى النحاس اللي هو على اوله معرض فريش كبير من ناحيه والناحيه التانيه على اوله بنك كريدي اجريكول هتدخل الشارع دهوتفضل ماشي هتلاقيه على يمينك وبشوف عنده عربيات كلها جامده اوي بس مش عارف تكلفته كام

هو هناك فعلاً..
و كنت رحتله الشهر اللي فات عملت حكة كانت عندي في الباب..
هو العلاج مش بيكون بنسبة 100% بس بيكون لدرجة متخليش الخربوش يبان غير لما تدقق بالنظر..
تقرير ازالة خرابيش واستيكرز عند زيرو

[ibn_seena]

هو هناك فعلاً..
و كنت رحتله الشهر اللي فات عملت حكة كانت عندي في الباب..
هو العلاج مش بيكون بنسبة 100% بس بيكون لدرجة متخليش الخربوش يبان غير لما تدقق بالنظر..
تقرير ازالة خرابيش واستيكرز عند زيرو

دا انا لفيت المنتدى كله على موضوعك ده
شكرا على التقرير
......

[bmya]

اللي مكرم عبيد مسموش زيرو بس مش فاكر اسمه بالظبط
هو مكانه تدخل مكرم عبيد من الاتوستراد وتمشي لحد ما هتلاقي بنزينه شل هو تالت شارع بعد بنزينه شل هتلاقي على ناصيته مركز فريش كبير والناصيه التانيه فرع بنك كريدي اجريكول هتدخل الشارع وتمشي فيه بتاع 100 متر تقريبا هتلاقيه على يمينك محل كبير وباين

[dede_dodo88]

اللي مكرم عبيد مسموش زيرو بس مش فاكر اسمه بالظبط
هو مكانه تدخل مكرم عبيد من الاتوستراد وتمشي لحد ما هتلاقي بنزينه شل هو تالت شارع بعد بنزينه شل هتلاقي على ناصيته مركز فريش كبير والناصيه التانيه فرع بنك كريدي اجريكول هتدخل الشارع وتمشي فيه بتاع 100 متر تقريبا هتلاقيه على يمينك محل كبير وباين

ما هو ده lol