ايه نظام كلية تجارة؟؟؟؟

[mahmoud869]

السلام عليكم ......دي اول مشاركة ليا في المنتدي الجامد ده
دلوقتي انا في ثالثة ثانوي و كنت علمي بس مجبتش مجموع عالي فانا حولت ادبي و ان شاء الله هخش تجارة السؤال بقي هل تجارة كلية كويسة و مستقبلها كويس ولا كان مفروض اخش هندسة خاصة زي ما كل الي مجابوش مجموع دخلوها مع العلم اني متحمس اكتر لتجارة
و شكرااا

[amrelsha3er]

يامعلم ده قدرك انا كنت زيك كده واتخرجت الحمد لله من سنه2008 2009
الكليه زى الفل وهتتبسط بيها خاصه انك كنت علمى ومستقبلها مش وحش
مفيش حد خريج تجاره مش بيشتغل سواء بقى فى المحاسبه او فى اى شىء المهم بتشتغل
خدلك شويه كورسات ولغه من وانت بتدرس كده وربنا يوقفك انشاء الله
انت جامعه ايه؟!

[mahmoud869]

ان شاء الله جامعة قناة السويس (السماعيلي)

[mahmoud869]

يامعلم ده قدرك انا كنت زيك كده واتخرجت الحمد لله من سنه2008 2009
الكليه زى الفل وهتتبسط بيها خاصه انك كنت علمى ومستقبلها مش وحش
مفيش حد خريج تجاره مش بيشتغل سواء بقى فى المحاسبه او فى اى شىء المهم بتشتغل
خدلك شويه كورسات ولغه من وانت بتدرس كده وربنا يوقفك انشاء الله
انت جامعه ايه؟!

بس ايه افضل جامعة في تجارة مع العلم اني من الاسماعيلية فادخل تجارة اسماعيلية ولا اشوف جامعة احسن زي القاهرة مثلا
و شكرا علي رد حضرتك

[3mr Farrag]

كل الكليات حلوه
بالاخص تجاره و حقوق و اداب
هتلاقي مليون شغلانه مندوب علي القهاوي
بس عيبها انها من غير مرتب
ماتقلقش خالص يعني

[dede_dodo88]

كل الكليات حلوه
بالاخص تجاره و حقوق و اداب
هتلاقي مليون شغلانه مندوب علي القهاوي
بس عيبها انها من غير مرتب
ماتقلقش خالص يعني

-1
أنا متأسف بس ملهمش داعي الكلمتين دول يتقالوا لواحد بيدور على مستقبله حتى لو كانوا فيهم جزء من الحقيقة..

لصاحب الموضوع..
شوف أنت ايه المجال اللي حابب تدرس و تشتغل فيه و دوس ملكش دعوة بأي حاجة تتقالك أو أي حد يحاول يحبطك طول ما أنت بتعمل اللي عليك و بتقوم بواجبك بكل أمانة..
فلو أنت ميولك للتجارة متترددش و خشها و أعمل اللي عليك.. لكن طور مهاراتك الشخصية بالتوازي مع دراستك شوف بقى كورسات و تدريبات في الصيف.. كل ده هيظبطلك قيمتك في سوق العمل..

[3mr Farrag]

يعني اضحك عليه و اقوله
الدنيا وردي و عنب
و هتلاقي مليون شغلانه و هتثبت و هتترقي كل شويه
و هيزيد مرتبك...
ولا اقوله الواقع المعفن اللي احنا فيه

[hassanin_lada]

تجاره انجلش وهتتروق

[SASA3]

لو تقدر تخش تجارة انجلش و تضبط ول ما انت شغال ىف الكلية كورسات تانيه الدنيا هتضبط معاك المهم متعتمدش على شهادة الكلية فقط خد كورسات فىالاجازة و متكسلش علشان فى الاخر هتنفعك جدااااا

تحياتى :خريج تجارة2012

[eldell]

زى ماالاعضاء قالولك توكل على الله وادخلها كليه حلوه بس تحاول تشد حيلك فيها وتقديرك وكده وكورسات علشان لازم تبقى مختلف عن الملايين الى موجودين فى تجاره وبالنسبه للاخوه الى بيقولو مافيش شغل الى حابب يشتغل هيشتغل اى حاجه ودلوقتى البنوك كلها طالبه وعندك البنك الاهلى طالب ومش محتاج منك تقدير يعنى حتى مقبول وده عن تجربه ومدام حاببها يبقى هتحقق الى انت عايزه باذن الله وربنا معااااك ياحبى

[mahmoud869]

[QUOTE=hassanin_lada;3874575753]تجاره انجلش وهتتروق[
للاسف مش هاينفع الله يسامح المصححين كان مفروض اجيب 22 جبت 18 و قدمت تظلم بس مفيش فايدة بس الي فهمتوا انهم استحالة يدوني حاجة عشان لو ادوني درجتي لازم حد من المصححين هيتعاقب عشان كده مابيدوش حد حاجة

[mahmoud869]

لو تقدر تخش تجارة انجلش و تضبط ول ما انت شغال ىف الكلية كورسات تانيه الدنيا هتضبط معاك المهم متعتمدش على شهادة الكلية فقط خد كورسات فىالاجازة و متكسلش علشان فى الاخر هتنفعك جدااااا

تحياتى :خريج تجارة2012

شكرا علي رد حضرتك
بس انت خريج جامعة ايه و انا سمعت ان الاوائل في كليات تجارة بيبعينوا في الحكومة صحيح الكلام ده؟؟؟؟؟

[mahmoud869]

زى ماالاعضاء قالولك توكل على الله وادخلها كليه حلوه بس تحاول تشد حيلك فيها وتقديرك وكده وكورسات علشان لازم تبقى مختلف عن الملايين الى موجودين فى تجاره وبالنسبه للاخوه الى بيقولو مافيش شغل الى حابب يشتغل هيشتغل اى حاجه ودلوقتى البنوك كلها طالبه وعندك البنك الاهلى طالب ومش محتاج منك تقدير يعنى حتى مقبول وده عن تجربه ومدام حاببها يبقى هتحقق الى انت عايزه باذن الله وربنا معااااك ياحبى

متشكر جدا لحضرتك

[mahmoud869]

كل الكليات حلوه
بالاخص تجاره و حقوق و اداب
هتلاقي مليون شغلانه مندوب علي القهاوي
بس عيبها انها من غير مرتب
ماتقلقش خالص يعني

طب الي حصل معاك عشان تقول كده و لو حضرتك عملت اخطاء ممكن نستفاد منها
و شكرا لرد حضرتك

[3mr Farrag]

طب الي حصل معاك عشان تقول كده و لو حضرتك عملت اخطاء ممكن نستفاد منها

و شكرا لرد حضرتك

بص يا باشا
انا مش بقول الكلام ده علشان احبطك و قلل من معنوياتك
وبلاش احكيلك عني
انا هقولك علي الناس اللي حوليا
صحابي كتير جداا مخلصين تجاره و حقوق و اعلام
فيه ناس كتير متجوزه و مخلفه
و الله ماعرف دول بياكلوا ازاي بمرتباتهم ديه
لدرجه فيه منهم اهاليهم بيساعدوهم في مصاريفهم و هما متجوزين

و ناس مش صغيره
وفيه اللي جايب تقدير جيد و جيد جدا
تجاره مثلا معظمهم شغالين في شركات المحمول
مبيعات في الاكشاك بتاعتهم او فروع
بقالهم سنين ومافيش تثبيت اساسا
و اللي اتثبت ليه ناس جامده جوه
مثلا ليا واحده قريبتي خريجه تجاره انجليزي بتقدير جيد جدا
و مستوي الانجليزي عالي...و مقضيها حرك و فرك و شغل
شغاله حاجه مالهاش علاقه بتجاره اساسا وملهاش اي لازمه ولا خبره.. مرتبها 600 جنيه

حقوق بقي لأما تتعين في النيابه او مجلس الدوله
و ديه لازم اقل حاجه تجيب جيد
و من الاخر لو جايب جيد و مالكش حد قريبك اوي مستشار..
احتمال كبير مش هتدخل
غير لو جايب جيد جدا ممكن يكون فيه امل من غير واسطه

لو اشتغلت بقي محامي في مكتب...هما 300 جنيه ولا 500 جنيه لو ربنا كرمك اوي...
و قليل جدااا لو عرفت تعدي 1000 جنيه
و تقعدلك بتاع علي الاقل 10 سنين شغل في المحاماه علشان تعمل اسم و سمعه و تعرف تفتح مكتب

كان في اخ كاتب في مشاركه ان البنوك طالبه موظفين من مقبول.....
الكلام ده مع احترامي ليه استحــــــــــــاله
انا ماسمعتش ان بنك بيطلب من مقبول اصلا...و لو بمقبول يبقي واسطه و تظبيطه من حد جوه البنك

من الاخر الشغل اللي موجود هو مبيعات في اي محل براند او خدمه عمله و كول سنتر....
و نسبه كبيره جدا مافيش تثبيت شفته لحد دلوقتي غير لو معاه واسطه جامده

انا بقولك الكلام ده بس علشان افهمك ان الدنيا مش وردي
ذي ماكنا فاكرين...
لما دخلنا الكليه كنا فاكرين الدنيا هتضحك كتير...طلعت انها لو ضحكت يوم هتتغم 100
الواحد اتصدم من الواقع وخلاص اتعودت... انا و غيري

و مش معناه ان خلاص مافيش شغل
لأ فيه بس نصيب بقي...فيه ناس عماله تتشقلب يمين و شمال و طالع عينها و بتقبض اي كلام و عدت 30 سنه
و فيه ناس بس قليل ربنا كرمهم في مده قصيره

ولو عايز تسمع تفاصيل تانيه انا موجود...